सुमन अधिकारी,बुटवल

नेपाल पुलिस क्लब एक खेल अगाडि नै बुटवलमा जारी ‘मदन भण्डारी गोल्डकप इन्डो–नेपाल रनिङ शिल्ड पुरुष भलिबल च्याम्पियनसिप–२०८१’ को सेमिफाइनलमा प्रवेश गरेको छ ।

समुह ए मा आइतवार मणिमुकन्द भलिबल क्लबले आयोजक मदन भण्डारी स्पोर्टस एकेडेमीलाई ३–२ सेटमा पराजित गरेको थियो। त्यो नतिजाले मणिकुमुन्द र पुलिस सेमिफाइनलमा प्रवेश गरेका छन् ।

मणिमुकुन्दले एकेडेमीलाई २५-२०, १८-२५, २५-१२, २१-२५ र १५-१२ ले पराजित गरेको हो ।
मणिकुमुन्दले पहिलो सेटमा ५ सर्भिस विगारेको भएपनि स्पाइकरहरुको बलमा जित हात पारेको थियो भने दोस्रो सेटमा पराजय भोगेको थियो ।

मणिमुकुन्दले कप्तान लोकेन्द्र भण्डारी, चिरन खड्का, जिवन विके र लोचन आलेको उत्कृष्ट प्रशर्दनमा तेस्रो सेटमा एकेडेमीको टिमलाई हरेक साइडमा असफल पार्दै २५–१२ को सहज जित निकालेको थियो ।

नेपालको उमेर समुहबाट खेल खेलेका खेलाडीहरु समावेश आयोजक मदन भण्डारी एकेडेमीका कप्तान धीरजकाजी बस्नेत, जिवन शाही, उमेश सेन्चुरी, विश्वास आलेको प्रदर्शनले चौथो सेटमा टिमलाई कमव्याक गर्दै २५–२० मा जित हात पारेको थियो । पाचौ सेटमा एकेडेमीले ५–१ को अग्रतालाई बचाउन नसक्दा निर्णायक सेट गुमाउनु प¥यो ।

पुलिस २ खेलमा ६ अंकसहित शीर्ष स्थानमा छ । २ जित र १ हारसहित ६ अंक सहित मणिमुकुन्द सेमिफाइनलमा प्रवेश गरेको छ ।
प्रतियोगिताको विजेताले ७ लाख ५० हजार, दोस्रोले ३ लाख ५० हजार, तेस्रोले १ लाख ७५ हजार र चौथोले १ लाख रुपैयाँ पाउनेछ।