सूर्य नेपाल काठमाडौं ओपन – ४२ गल्फरले प्रतिस्पर्धा गर्ने

काठमाडौं (हाम्रो खेलकुद)- प्रोफेसनल गल्फर एसोसिएसन नेपाल (पिजिएएन) को आयोजनामा सूर्य नेपाल काठमाडौं ओपन सोमवार सुरु हुने भएको छ।

रोयल नेपाल गल्फ क्लबमा ४ दिनसम्म चल्ने ७२ होलको प्रतियोगितामा ३२ प्रोफेसनल र १२ एमेच्योर गरी ४२ खेलाडीले उपाधिको लागि दाबेदारी प्रस्तुत गर्ने पिजिएएनका महासचिव दीपक आचार्यले आइतवार ओयोजित पत्रकार सम्मेलनमा जानकारी दिए।

३२ प्रो गल्फरहरूले कुल ७ लाख ३५ हजार रुपैयाँ पुरस्कारको लागि प्रतिस्पर्धा गर्नेछन्। विजेताले उपाधिसँगै १ लाख ५० हजार रुपैयाँ प्राप्त गर्नेछन्। दोस्रोले ८५ र तेस्रोले ६८ हजार रुपैयाँ पार्नेछन्।

साथै कट बनाउने २१ प्रो गल्फरले पनि नगद पुरस्कार प्राप्त गर्नेछन्। ३६ होलको समाप्तीमा कट लागु हुनेछ।
सिजनको पहिलो सेन्ट्रल ओपनको उपाधि राहुल विश्वकर्मा जितेको थिए। उनले प्रो र एमेच्योर दुवैतर्फको उपाधि जितेका थिए।

साथै नेपाल नम्बर एक एमेच्योर सदभाव आचार्य पनि काठमाडौं ओपनका दाबेदार हुन्। त्यसैले यो पटक पनि प्रो गल्फरहरूलाई दबाब दिन सक्ने अनुमान गरिएको छ। डिफेन्डिङ च्याम्पियन निरज तामाङ, नेपाल नम्बर एक प्रो भुवन नगरकोटी, रवि खड्का र दिनेश प्रजापति पनि दाबेदारको रुपमा रहनेका छन्।