4 months ago
December 9, 2024
काठमाडौं (हाम्रो खेलकुद)- काभा मेन्स भलिबल क्लब च्याम्पियनसिपमा आज पनि लिग चरणका दुई खेल हुँदैछन्।
त्रिपुरेश्वरस्थित राष्ट्रिय खेलकुद परिषद्को कभर्ड हलमा पहिलो खेलमा भारतको क्यालिकट हिरोजले माल्दिभ्सको क्लब एचडिसीसँग खेल्दैछ। खेल दिउँसो २:३० बजे सुरु हुनेछ।
दाबेदार मानिएको क्यालिकट हिरोज पहिलो जितको खोजीमा हुनेछ। पहिलो खेलमा क्यालिकट नेपालको टिप टप हेल्प नेपाल स्पोर्टस क्लबसँग ३-२ ले हारेको थियो। त्यसैले आज जित निकाल्ने दबाबमा भारतीय टोली रहनेछ।
तेस्रो खेल खेल्न लागेको क्लब एचडिसीले भने १ खेलमा जित र अर्कोमा हार बेहोरेको थियो। पहिलो खेलमा नेपालको गण्डकी प्रदेश भलिबल संघलाई ३-२ ले हराउँदै विजयी सुरूवात गरेको थियो।
दोस्रो खेलमा हिजो इरानको यु-१८ टोलीसँग ३-२ को सेटमा पराजित भएको थियो । दुई खेलबाट ३ अंक बनाएको छ।
आजै हुने दोस्रो खेलमा नेपालको गण्डकीले इरान यु-१८ को सामना गर्नेछ। इरानको टिम लगातार दोस्रो जित दर्ज गर्ने दाउमा हुनेछ। हिजो उसले पहिलो खेलमा
माल्दिभ्सको क्लब एचडिसीलाई ३-२ को सेटमा हराएको थियो।
गण्डकी भने दबाबमा छ। टोली लगातार दुई खेलमा हार भोगिसकेको छ। पहिलो खेलमा क्लब एचडिसीसँग हारेको गण्डकी दोस्रो खेलमा हिजो हेल्प नेपालसँग ३-१ पराजित भएको थियो।
त्यसैले लिग चरणबाट सेमिफाइनलमा पुग्न सम्भावना जीवित राख्न पनि गण्डकीलाई तेस्रो खेलमा जित्नै पर्ने दबाब छ। खेल साँझ ५ बजे हुनेछ। ५ अंकसहित शीर्ष स्थानमा रहेको हेल्प नेपालको ५ अंक, इरानी टोली र एचडिसीको समान २ अंक छ।
च्याम्पियनसिपमा नेपाल सहित ४ राष्ट्रका ५ क्लबको सहभागिता छ। सिगंल राउन्ड रोबिन लिगमा १० खेल सहित च्याम्पियनसिपमा कुल १४ खेल हुनेछन्।
तालिकाको शीर्ष ४ टोली सेमिफाइनल पुग्नेछन्।
तालिकाको शीर्ष टोलीले तेस्रो तथा दोस्रोले चौथोसँग सेमिफाइनल खेल्नेछ।
फाइनल मंसिर २९ गते हुनेछ। च्याम्पियनसिपको सबै खेल हाम्रो खेलकुद डटकमको युट्युब र कान्तिपुर म्याक्स एचडीमा प्रत्यक्ष प्रसारण हुनेछ ।
March 31, 2025
काठमाडौं (हाम्रो खेलकुद )- एपिएफ महिन्द्रा स्पोर्टस अवार्ड २०८१ यसै महिनाको अन्त्यमा हुने भएको छ। सशस्त्र प्रहरी बल नेपालको खेलकुद तथा शारीरिक सुगठन शिक्षालयअन्तर्गत नेपाल एपिएफ क्लबको आयोजना र अग्नी ईन्कोपर्पोरेटेड प्रा.लि. महिन्द्राको सहकार्यमा पहिलो पटक अवार्ड हुने लागेको हो । चैत २९ गते हुने अवार्डमा एपिएफ वर्षका उत्कृष्ट खेलाडी महिला,पुरुष,युवा, प्रशिक्षक,टिम, चर्चित खेलाडीसहित नगदसहित […]
March 31, 2025
सिड्नी (हाम्रो खेलकुद) – अस्ट्रेलियाको सिड्नीमा तेस्रो गल्कोट कप पुरुष भलिबल प्रतियोगिता नेपाली नयाँ वर्ष २०८२ को पहिलो साता आयोजना हुने भएको छ । एक दिने प्रतियोगिता वैशाख ७ गते सिड्नीको लिडकमस्थित ओवर्न बास्केटबल सेन्टरमा हुनेछ । प्रतियोगितामा अस्ट्रेलियाका रहेका नेपाली समुदायका १२ देखि १४ टोलीको सहभागिता रहने आयोजकले जनाएको छ । प्रतियोगिताको पुरस्कार राशि […]
March 24, 2025
काठमाडौं (हाम्रो खेलकुद)- ओलम्पिक काउन्सिल अफ एसिया (ओसिए) ले नेपाल घोडचढी संघका अध्यक्ष रवि राजकर्णिकारले सम्झौता पालना नगरेकोमा आश्चार्य व्यक्त गरेको छ। ओसिएका महानिर्देशक हुसैन अल मुसल्लमले सोमवार राजकर्णिकारलाई नेपाल ओलम्पिक कमिटी (एनओसी) विरुद्ध दायर मुद्दा अझै फिर्ता नलिएकोमा आश्चर्य व्यक्त गरेका हुन् । फागुन २७ गते कुवेतमा ओसिएको रोहवरमा एनओसीका अध्यक्ष जीवनराम श्रेष्ठ र […]