default_image

4 months ago

December 8, 2024

इरानी युवा टोलीको पुनरागमन जित

1934 views

0 Bookmark

काठमाडौं (हाम्रो खेलकुद)- इरानको यु-१८ टोलीले काभा मेन्स भलिबल क्लब च्याम्पियनसिपमा विजयी सुरूवात गरेको छ।

त्रिपुरेश्वरस्थित राष्ट्रिय खेलकुद परिषद्को कभर्ड हलमा आइतवार भएको दोस्रो खेलमा इरानको युवा टोलीले माल्दिभ्सको क्लब एचडिसीलाई ३-२ को रोमाञ्चक प्रतिस्पर्धामा माथ दियो।

सुरुवात राम्रो गरेको इरानले पहिलो सेट सहजै २५-१६ ले जित्यो। एचडिसी‌ दोस्रो सेटमा खेलमा फर्कने प्रयासमा थियो। भयो पनि त्यस्तै। सेट निकै प्रतिस्पर्धात्मक बन्यो। जहाँ २५-२२ ले एचडिसीले बाजी मार्यो। खेल १-१ को बराबरीमा पुग्यो।

एचडिसी यतिमा मात्र रोकिएन। तेस्रो सेट २५-२३ ले जित्दै खेलमा २-१ को अग्रता बनायो। यसपछि एचडिसीलाई नतिजा आफ्नो पक्षमा‌ पार्न अर्को एक सेट जित्नु थियो। तर इरानको युवा टोलीले त्यसो हुन दिएन।

लगातार दुई सेट जितेको एचडिसीले चौथो सेट २०-२५ ले गुमायो। खेल २-२ बराबरीमा पुग्यो। निर्णायक पाँचौं सेटमा इरानको युवा टोलीले आमविश्वासी प्रदर्शन गर्यो। १५-१३ ले यो सेटमा बाजी मार्यो। यसरी ३-२ को जितमा विजयी सुरुवात गरेको इरानको यु-१८ टोलीले २ अंक जोडेको छ।

दोस्रो खेलमा एचडिसीको भने यो पहिलो हार हो। हिजो एचडिसीले नेपालको गण्डकी प्रदेश भलिब संघलाई ३-२ ले हराएको थियो।

दिनको पहिलो खेलमा टिप टप हेल्प नेपाल स्पोर्ट्स क्लबले गण्डकीलाई ३-१ ले हरायो। त्यो हेल्प नेपालको लगातार दोस्रो जित र गण्डकीको दोस्रो हार थियो।

March 31, 2025

एपिएफ महिन्द्रा स्पोर्टस अवार्ड यसै महिना हुने

काठमाडौं (हाम्रो खेलकुद )- एपिएफ महिन्द्रा स्पोर्टस अवार्ड २०८१ यसै महिनाको अन्त्यमा हुने भएको छ। सशस्त्र प्रहरी बल नेपालको खेलकुद तथा शारीरिक सुगठन शिक्षालयअन्तर्गत नेपाल एपिएफ क्लबको आयोजना र अग्नी ईन्कोपर्पोरेटेड प्रा.लि. महिन्द्राको सहकार्यमा पहिलो पटक अवार्ड हुने लागेको हो । चैत २९ गते हुने अवार्डमा एपिएफ वर्षका उत्कृष्ट खेलाडी महिला,पुरुष,युवा, प्रशिक्षक,टिम, चर्चित खेलाडीसहित नगदसहित […]

March 31, 2025

अस्ट्रेलियामा गल्कोट कप भलिबल हुँदै

सिड्नी (हाम्रो खेलकुद) – अस्ट्रेलियाको सिड्नीमा तेस्रो गल्कोट कप पुरुष भलिबल प्रतियोगिता नेपाली नयाँ वर्ष २०८२ को पहिलो साता आयोजना हुने भएको छ । एक दिने प्रतियोगिता वैशाख ७ गते सिड्नीको लिडकमस्थित ओवर्न बास्केटबल सेन्टरमा हुनेछ । प्रतियोगितामा अस्ट्रेलियाका रहेका नेपाली समुदायका १२ देखि १४ टोलीको सहभागिता रहने आयोजकले जनाएको छ । प्रतियोगिताको पुरस्कार राशि […]

March 24, 2025

घोडचढी संघलाई सम्झौता पालना नगरेकोमा ओसिएको पत्र

काठमाडौं (हाम्रो खेलकुद)- ओलम्पिक काउन्सिल अफ एसिया (ओसिए) ले नेपाल घोडचढी संघका अध्यक्ष रवि राजकर्णिकारले सम्झौता पालना नगरेकोमा आश्चार्य व्यक्त गरेको छ। ओसिएका महानिर्देशक हुसैन अल मुसल्लमले सोमवार राजकर्णिकारलाई नेपाल ओलम्पिक कमिटी (एनओसी) विरुद्ध दायर मुद्दा अझै फिर्ता नलिएकोमा आश्चर्य व्यक्त गरेका हुन् । फागुन २७ गते कुवेतमा ओसिएको रोहवरमा एनओसीका अध्यक्ष जीवनराम श्रेष्ठ र […]

Success

Thank you for your time.