default_image

4 months ago

December 7, 2024

माल्दिभ्सको क्लब एचडिसीसँग गण्डकीको‌ हार

3047 views

0 Bookmark

काठमाडौं (हाम्रो खेलकुद)- माल्दिभ्सको क्लब एचडिसीले सानदार कमब्याक गर्दे काभा मेन्स भलिबल क्लब च्याम्पियनसिपमा विजयी सुरुवात गरेको छ।

पहिलो दुई सेट गुमाएको एचडिसीले शनिवार दोस्रो खेलमा नेपालको गण्डकी प्रदेश भलिबल संघलाई ३-२ ले पराजित गर्यो।

त्रिपुरेश्वरस्थित राष्ट्रिय खेलकुद परिषदको कभर्ड हलमा भएको खेलमा गण्डकीले सानदार सुरुवात गर्यो। पहिलो सेटमा क्लब एचडिसीलाई निरह बनायो।

११-४ को अग्रता बनाएपछि यो सेटमा गण्डकीले निरन्तर अग्रता बनायो। पहिलो सेट सहजै २५-१८ ले जित्यो।
दोस्रो सेटमा पनि गण्डकीले सुरुवात राम्रो गर्यो। १७-१२ को अग्रतालाई गण्डकीले निरन्तरता दियो।

२१-१५ को स्कोरमा गण्डकीसँग ६ अंकको स्पष्ट अग्रता थियो। तर एचडिसीले लगातार ६ अंक जोड्दै खेललाई २१-२१ मा पुर्यायो। यो सेट निकै रोमाञ्चक बन्यो।

तर पनि गण्डकीले अन्त्यमा दबाब खेपेर भएपनि २५-२३ ले सेट आफ्नो पक्षमा पार्यो। योसँगै गण्डकीले २-० को स्पष्ट अग्रता कायम गर्यो।

२ सेट गुमाएपछि तेस्रो सेटमा एचडिसीले सम्हालिंदै सुरुवात देखि नै अग्रता बनायो। १९-१४ को अग्रतामा एचडिसी तेस्रो सेटको जित नजिक थियो।

तर गण्डकीले खेललाई २४-२२ मा पुर्याउँदै दबाब दिएपनि एचडिसीले तेस्रो सेट २५-२३ ले आफ्नो पक्षमा पार्यो। खेललाई २-१ मा पुर्याउँदै खेलमा फर्कन आतुर थियो।

खेलको चौथो सेट निकै रोचक बन्यो। पालै पालो दुवै टिमले अंक जोड्दा खेल प्रतिस्पर्धात्मक बन्यो। दुवै टिमले फराकिलो अग्रता कुनैपनि स‌मय लिन सकेनन् । ३०-२८ ले एचडिसी चौथो सेट जित्न सफल रहयो। योसँगै खेल २-२ को बराबरीमा पुग्यो।

पाँचौ सेटमा पनि एचडिसीले नै दबाब बनायो। १२-७ को अग्रतामा जित नजिक पुगेको एचडिसीलाई रोक्दै गण्डकीले खेललाई १४-१३ सम्म पुर्यायो।

तर यसपछि गण्डकीले अंक जोड्न सकेन। चिरागले म्याच प्वाइन्ट दिलाएसँगै एचडिसीले १५-१३ ले पाँचौ सेट आफ्नो पक्षमा पारेर सानदार कमब्याक जित दर्ज गर्यो।

यसअघि पहिलो खेलमा टिप टप हेल्प नेपाल स्पोर्टस क्लबले दाबेदार भारतको क्यालिकट हिरोजलाई ३-२ को सेटमा हराएको थियो। आइतवार पनि २ खेल हुनेछ।

March 31, 2025

एपिएफ महिन्द्रा स्पोर्टस अवार्ड यसै महिना हुने

काठमाडौं (हाम्रो खेलकुद )- एपिएफ महिन्द्रा स्पोर्टस अवार्ड २०८१ यसै महिनाको अन्त्यमा हुने भएको छ। सशस्त्र प्रहरी बल नेपालको खेलकुद तथा शारीरिक सुगठन शिक्षालयअन्तर्गत नेपाल एपिएफ क्लबको आयोजना र अग्नी ईन्कोपर्पोरेटेड प्रा.लि. महिन्द्राको सहकार्यमा पहिलो पटक अवार्ड हुने लागेको हो । चैत २९ गते हुने अवार्डमा एपिएफ वर्षका उत्कृष्ट खेलाडी महिला,पुरुष,युवा, प्रशिक्षक,टिम, चर्चित खेलाडीसहित नगदसहित […]

March 31, 2025

अस्ट्रेलियामा गल्कोट कप भलिबल हुँदै

सिड्नी (हाम्रो खेलकुद) – अस्ट्रेलियाको सिड्नीमा तेस्रो गल्कोट कप पुरुष भलिबल प्रतियोगिता नेपाली नयाँ वर्ष २०८२ को पहिलो साता आयोजना हुने भएको छ । एक दिने प्रतियोगिता वैशाख ७ गते सिड्नीको लिडकमस्थित ओवर्न बास्केटबल सेन्टरमा हुनेछ । प्रतियोगितामा अस्ट्रेलियाका रहेका नेपाली समुदायका १२ देखि १४ टोलीको सहभागिता रहने आयोजकले जनाएको छ । प्रतियोगिताको पुरस्कार राशि […]

March 24, 2025

घोडचढी संघलाई सम्झौता पालना नगरेकोमा ओसिएको पत्र

काठमाडौं (हाम्रो खेलकुद)- ओलम्पिक काउन्सिल अफ एसिया (ओसिए) ले नेपाल घोडचढी संघका अध्यक्ष रवि राजकर्णिकारले सम्झौता पालना नगरेकोमा आश्चार्य व्यक्त गरेको छ। ओसिएका महानिर्देशक हुसैन अल मुसल्लमले सोमवार राजकर्णिकारलाई नेपाल ओलम्पिक कमिटी (एनओसी) विरुद्ध दायर मुद्दा अझै फिर्ता नलिएकोमा आश्चर्य व्यक्त गरेका हुन् । फागुन २७ गते कुवेतमा ओसिएको रोहवरमा एनओसीका अध्यक्ष जीवनराम श्रेष्ठ र […]

Success

Thank you for your time.