काठमाडौं (हाम्रो खेलकुद) – मेचीनगरले प्रथम झापा १ काठमाडौं कप फुटसल प्रतियोगिताको उपाधि जितेको छ ।

नेपाली कांग्रेस झापा १ सांसद सचिवालय तथा झापा १ काठमाडौं सम्पर्क समिति, काठमाडौंको संयुक्त आयोजनामा जावलाखेलस्थित डिएभी स्कुलमा शनिवार फाइनलमा धाइजनलाई ४–३ ले हराउँदै मेचीनगरले जितेको हो ।

धाइजनका देवासिस प्रसाईँले ह्याट्रिक गरे । मेचीनगरका लागि रोहन कार्की र प्रथम कार्कीले समान २ गोल गरे । प्रतियोगितामा मेचीनगर र धाइजनसँगै शान्तिनगर, दुवागढी, बाहुनडाँगी, चन्द्रगढी र ज्यामिरगढीले सहभागिता थियो ।

सेमिफाइनलमा मेचीनगरले बाहुनडाँगीलाई ५–१ ले र धाइजनले ज्यामिरेगढीलाई ३–० ले हराएको थियो । विजेता मेचीनगरले उपाधिसहित २१ र धाइजनले ११ हजार रुपैयाँ प्राप्त गर्यो ।

मेचीनगरका रोहन बुढाथोकी सर्वोत्कृष्ट खेलाडी घोषित भएको प्रतियोगितामा सोही टोलीका जयश खनालले उत्कृष्ट गोलकिपर र ८ गोल गरेका अंकित दुलाल सर्वाधिक गोल कर्ता बने ।

नेपाली कांग्रेसका महमन्त्री विश्वप्रकाश शर्माले निर्णायक समितिमा रहेका नेपाली टोलीका पूर्वप्रशिक्षक तथा पूर्वकप्तान हरि खड्का र अमनप्रताप अधिकारीलगायतले बनाएको उत्कृष्ट खेलाडीको सूचीबाट एक टोली बनाउने जानकारी दिए ।

महामन्त्री शर्माको २ गोल
मैत्रीपूर्ण खेलतर्फ कांग्रेस महामन्त्री शर्माको २ गोलसँगै राजनीतिक दलले कलाकारको टोलीलाई ६–१ ले पराजित गर्यो । राजनीतिक दलका लागि भास्कर काफ्लेले २ तथा बालकुमार केसी र रन्जित तामाङले समानएक गोल गरे । कलाकारबाट बालकृष्ण निरौलाले गरेको गोल सान्त्वना रह्यो ।

अन्य मैत्रीपूर्ण खेलमा महिला ‘ख’ ले महिला ‘क’ लाई १–० ले पराजित ग¥यो । महिला ‘ख का लागि युनिशा प्रसाईँले गरेको गोल नै निर्णायक बन्यो । अर्को खेलमा पेसा व्यवसायीले कर्मचारीमाथि ६–२ को सानदार जित हात पा¥यो ।

सभामुख देवराज घिमिरेले प्रतियोगिताको उद्घाटन गरेका थिए । विजेता र उपविजेता टोलीसँगै व्यक्तिगत पुरस्कार जित्ने खेलाडी र प्रतियोगितामा सहभागिता जनाउने खेलाडीलाई महामन्त्री शर्माले पुरस्कार वितरण गरेका थिए ।