4 hours ago
October 22, 2024
काठमाडौं (हाम्रो खेलकुद) – बहराइनको मानामा हुने आइएसएफ जिम्नासाइड समर गेम्समा नेपालबाट ५ खेलमा ३२ खेलाडी सहभागी हुने भएका छन् ।
अन्तर्राष्ट्रिय विद्यालय खेलकुद महासंघ (आइएसएफ) को आयोजना हुने पारासहित २६ खेल समावेश २० औं संस्करणको आइएसएफ जिम्नासाइड बुधवार सुरु हुनेछ । गेम्समा सहभागी हुन ३२ खेलाडीसहित ५८ सदस्यीय नेपाली टोली बुधवार त्यसतर्फ जाँदैछ ।
बास्केटबलको पुरुष थ्री बाइ थ्रीमा नेपालबाट ४ टिम सहभागी हुने छ । खेलाडीमा प्रणयमान श्रेष्ठ, प्रणय बासी, प्रथम श्रेष्ठ, समराज श्रेष्ठ, अदम्य महर्जन, आसिप महर्जन, दावा छिरिङ लामा तामाङ, लक्की महर्जन, कृषन लाखे श्रेष्ठ, आशिषकुमार थापा मगर, सशान्त कार्की, आदर्श बस्नेत, अश्विन चालिसे, सागर परियार र कृष लामा रहेका छन् । प्रशिक्षकमा सदीश प्रधान, विशाल महर्जन, प्रेमसुन्दर होना र शरद् दर्शनधारी तथा अफिसियलमा नवीन न्यौपाने छन् ।
बक्सिङको पुरुष ७५ केजीमा नोर्बु थेन्डुप शेर्पा, ४६ केजीमा रोहित जनाला, ८० केजीमा सूर्यान वैद्य, ६३ केजीमा युनिक राई र महिला ५४ केजीमा स्वस्तिका तिरुवाले प्रतिस्पर्धा गर्ने छन् । प्रशिक्षकमा दीपक महर्जन, निर्णायकमा अनिलप्रसाद दाहाल र अफिसियलमा तीर्थबहादुर वैद्य छन् ।
टेबलटेनिसको पुरुषमा जेविश बुर्लाकोटी र आशिष महता तथा महिलामा वियंका राई, इभाना थापा, माल्सा नेपाल र विद्विशा मैनालीले खेल्ने छन् । उनीहरुले सिंगल्स र टिम इभेन्टमा प्रतिस्पर्धा गर्ने छन् । प्रशिक्षकमा पुरुषोत्तम वज्राचार्य र सिक्का सुवाल श्रेष्ठ तथा अफिसियलमा सुवास न्यौपाने, विष्णुप्रसाद पराजुली र सुशिला मल्ल ठकुरी रहेका छन् ।
तेक्वान्दोको पुरुष ६८ केजीमुनि उज्ज्वल वाग्ले र अविन श्रेष्ठ, ४८ केजीमुनि राजन तामाङ, एकल पुम्सेमा लवाङ लामा तथा महिला ४५ केजीमुनि निविता केसी सहभागी हुने छन् । प्रशिक्षकमा सुवास तामाङ र राधाबहादुर तामाङ तथा अफिसियलमा राजकुमार लामा र प्रकाश साउद रहेका छन् ।
ब्याडमिन्टनको पुरुष सिंगल्समा कविर केसीले नेपालको चुनौती प्रस्तुत गर्ने छन् । तिलक पाण्डे प्रशिक्षकको भूमिकामा रहने छन् । टोली प्रमुखमा नेपाल विद्यालय खेलकुद महासंघका उपाध्यक्ष मोहनकुमार कार्की, टिम व्यवस्थापकमा सोविनराज रेग्मी तथा अफिसियलमा नेपाल विद्यालय खेलकुद महासंघका अध्यक्ष विनोद श्रेष्ठ, माधव सापकोटा, चन्दा कार्की, निश्चित कार्की र पशुपति अधिकारी छन् ।
यु–२० उमेरसमूहको आईएसएफ जिम्नासाइड सन् १९७४ मा पहिलोपटक जर्मनीमा भएको थियो । प्रत्येक २ वर्षको अन्तरालमा हुने आईएसएफ जिम्नासाइडको १९ औं संस्करणमा नेपालले पहिलोपटक सहभागिता जनाएको थियो ।
त्यसबेला नेपालले पौडी, टेबलटेनिस, तेक्वान्दो र बास्केटबलमा भाग लिएको थियो । बहराइन जिम्नासाइडमा ६९ राष्ट्रबाट २ हजार १ सय ७२ पुरुष तथा १ हजार ५ सय ४२ गरी कुल खेलाडी ३ हजार ७ सय १४ खेलाडीको सहभागिता रहने जनाइएको छ ।
टोलीलाई सञ्चार तथा सूचना प्रविधि मन्त्री पृथ्वी सुब्बा गुरुङ, ब्राइट फ्युचर माविका संस्थापक प्रिन्सिपल दयाराम थापालगायतले मंगलवार एक कार्यक्रमबीच बिदाइ गरे ।
October 22, 2024
काठमाडौं (हाम्रो खेलकुद)– एसियाली खेलकुद (एसियाड) को तयारीका लागि राष्ट्रिय खेलकुद परिषद् (राखेप) ले मिसन– २०२६ अन्तर्गत खेलाडीको विशेष प्रशिक्षण मंसिर १ गतेदेखि पुनः सुरु गर्ने भएको छ । सन् २०२६ मा जापानमा हुने २० औं एसियाडमा स्वर्णसहित दोहोरो अंकमा पदक जित्ने लक्ष्यसहित गत आर्थिक वर्षदेखि बढी सम्भावना भएका विभिन्न खेलका खेलाडीलाई समावेश गरी विशेष […]
October 22, 2024
काठमाडौं (हाम्रो खेलकुद) – प्रदीप खड्का, राजवीर प्रधान र प्रणव खनालले चौथो वीर गणेशमान सिंह राष्ट्रिय खुला टेनिस प्रतियोगिताको पुरुष सिंगल्समा मंगलवार जित हासिल गरेका छन् । उपाधिमा ह्याट्रिक गर्ने अभियानमा रहेका प्रदीपले प्रितम परियारलाई ६–० र ६–१ को सोझो सेटमा पराजित गरे । प्रदीप पछिल्लो दुई संस्करणका विजेता विजेता हुन् । राजवीरले सक्षमविक्रम शाहलाई […]
October 22, 2024
कन्चनपुर (हाम्रो खेलकुद)– दोश्रो राष्ट्रिय र्यापिड रेटिङ्ग बुद्धिचाल प्रतियोगिता कञ्चनपुर जिल्लाको बेदकोट नगरपालिकामा मंगलवार सुरु भएको छ । राष्ट्रिय बुद्धिचालका शीर्ष ६३ खेलाडी सहभागी रहेको प्रतियोगितामा बाँकी ४ चरणका खेल बुधवार हुनेछन् । नेपाल बुद्धिचाल महासंघ र काठमाडौं स्पोर्ट्स एकेडेमीको संयुक्त आयोजनामा भएको प्रतियोगिताको पहिलो दिन पाँचौ चरणका खेल सम्पन्न भएका छन् । एफएम क्षितिज […]