काठमाडौं (हाम्रो खेलकुद) – नेपाली युवा टोलीले काभा यु २० पुरुष भलिबल च्याम्पियनसिपमा हार बेहोरेको छ।

प्रतियोगिताको आफ्नो दोस्रो खेलमट नेपालले पहिलो हार बेहोरेको हो । श्रीलंकाको कोलम्बो जारी प्रतियोगितामा सोमवार नेपाल उज्वेकिस्तानसॅंग ३-१ को सेटमा पराजित भएको हो ।

नेपाल‌ले पहिलो सेट १९-२५ र दोस्रो सेट १४-२५ ले गुमायो । तेस्रो सेटमा नेपालले २९-२७ ले जित निकाल्दै खेलमा फर्कने कोशिश गर्यो। तर चौथो १५-२५ सेट ले गुमाउँदै पहार बेहोर्यो ।

पहिलो खेलमा नेपालले घरेलु टोली‌ श्रीलंकालाई ३-० को सोझो सेटमा पराजित गरेको थियो ।

असोज २६ गतेसम्म कोलम्बोमा हुने प्रतियोगितामा मंगलवार तेस्रो खेलमा माल्दिभ्सको सामना गर्ने नेपालले चौथो खेलमा असोज २४ मा किर्गिस्तानसँग खेल्नेछ । नेपालले पाँचौ खेलमा असोज २५ मा तुर्किमेनिस्तानसँग खेल्नेछ ।

प्रतियोगिताको शीर्ष दुईमा रहने टोलीबीच फाइनल खेल हुनेछ । केहि महिनाअघि काठमाडौंमा‌ भएको यु १९ भलिबल च्याम्पियनसिपमा गरेको प्रदर्शनबाट खेलाडी छनोट गरिएको हो ।

सोही प्रतियोगिताको महिला प्रतियोगितामा भाग लिएर छनोट भएका टोलीले साउनमा माल्दिभ्समा भएको काभा यु २० च्याम्पियनसिपमा कास्य पदक जितेको थियो ।

नेपाली टोली – पहल गहतराज, सुरेश मल्ल, शैलेन्द्र यादव, सुर्य विक, अर्जुन नेपाली, विश्वास अधिकारी, सागर रसौली, अशोक राना, जित बहादुर सार्की, सुजन सुनार, लेसमन राहादी र दिपेश कुवँर।