3 hours ago
October 4, 2024
काठमाडौं (हाम्रो खेलकुद) – ललितपुर क्विन्सले वात्सल्य एभरेस्ट महिला भलिबल लिग (इडब्लुभिएल) मा फाइनल प्रवेशको सम्भावना कायमै राखेको छ ।
त्रिपुरेश्वरस्थित राष्ट्रिय खेलकुद परिषदको कभर्ड हलमा शुक्रवारको पहिलो खेलमा चितवन शक्तिलाई ३-१ ले हराउँदै ललितपुरले फाइनल प्रवेशको सम्भावना कायमै राखेको छ ।
ललितपुरसँग पराजित चितवन भने प्रतियोगिताबाट बाहिरिएको छ । कर्णाली यश्विजले यसअघि नै फाइनलमा स्थान पक्का गरिसकेको छ ।
सुरूवात देखि नै खेल निकै रोमान्चक र प्रतिस्पर्धात्मक बनेको थियो । पहिलो सेट ललितपुरले २०-२५ ले गुमाएकोमा त्यसपछि पुरागमन गर्दै खेल जितेको थियो । दोस्रो सेट २५-२१, तेस्रो सेट २५-१६ र चौथो सेटमा २५-१९ को जित हात पारेको थियो ।
पहिलो खेलमा काठमाडौं र दोस्रोमा मधेश युनाइटेडलाई हराएको थियो । तेस्रो खेलमा कर्णाली र चौथो खेलमा गण्डकी थन्डर्ससँग पराजित भएको थियो ।
फाइनल प्रवेशका लागि ललितपुरले ९ अंक जोडेर तेस्रो स्थानमा रहेको काठमाडौंको हारको नतिजा पनि कुर्नुपर्नेछ । काठमाडौंले लिगको अन्तिम खेलमा कर्णालीसँग खेल्दैछ ।
ललितपुर र चितवनबीचको खेल निर्धारित समय भन्दा १ घन्टाभन्दा लामो समयपछि सुरु भएको थियो । आयोजक इन्फिनिटी ड्रिम्सले दुई टोलीका व्यवस्थापक, प्रशिक्षक र कप्तानसँग छलफल गरेपछि भएको थियो ।
ट्यालेन्ट हन्टबाट नियम विपरित खेलाडी छनोट गरेको भन्दै गण्डकी थन्डर्स विरुद्ध ललितपुरले तथा कर्णाली यश्विज, गण्डकी र काठमाडौं स्पाइकर्सविरुद्ध ले नियम उजुरी गरेका थिए ।
आजै हुने दोस्रो खेलमा गण्डकी र मधेश युनाइटेड तथा अन्तिम खेलमा कर्णाली र काठमाडौं खेल्दैछन् । शीर्ष दुई टोली बीच शनिवार फाइनल हुनेछ।
October 4, 2024
काठमाडौं (हाम्रो खेलकुद) – श्रीलंकामा हुने काभा यु २० पुरुष भलिबल च्याम्पियनसिपका पहिलो खेलमा नेपालले घरेलु टोलीसँग खेल्ने भएको छ । काभाले शुक्रवार जारी गरेको खेलतालिकामा नेपालले पहिलो खेलमा असोज २० मा श्रीलंकाको सामना गर्ने भएको हो । असोज २० देखि २६ गतेसम्म कोलम्बोमा हुने प्रतियोगिताको दोस्रो खेलमा असोज २१ गते नेपालले उज्वेकिस्तानको समान गर्नेछ […]
October 4, 2024
काठमाडौं (हाम्रो खेलकुद)- स्टार कराते खेलाडी एरिका गुरूङले इटलीमा हुने वल्ड कराते च्याम्पियनसिप क्याडेट जुनियर यु-२१ मा प्रतिस्पर्धा गर्ने भएकी छिन् । उनलाई आज राष्ट्रिय खेलकुद परिषद ( राखेप) का सदस्य सचिव टंकलाल घिसिङले बिदाइ गरे। पछिल्लो एकवर्षको खेल यात्रा एरिकाको लोभलाग्दो छ। खेलेको सबै अन्तराष्ट्रिय प्रतियोगितामा पदक जितेकी छिन्। १९औं एसियाली खेलकुदमा रजत पदक […]
October 4, 2024
काठमाडौं (हाम्रो खेलकुद)– एभरेष्ट महिला भलिबल लिग (डडब्लुभिएल) मा ललितपुर क्विन्सले गण्डकी थन्डर्सको खेलाडीविरुद्ध प्रोटेस्ट गरेको छ । आफ्नो टोलीविरुद्धको खेलमा बिहीवारको खेलमा प्रतियोगिताको नियम विपरित खेलाडी खेलाइएको भन्दै ललितपुरले खेल सकिएलगत्तै उजुरी गरेको जनाएको छ । सो खेलमा गण्डकी ३–२ सेटले विजयी भएको थियो । आफ्नो टोलीविरुद्धको खेलमा बिहीवारको खेलमा प्रतियोगिताको नियम विपरित खेलाडी […]