3 hours ago
October 3, 2024
काठमाडौं (हाम्रो खेलकुद)-कर्णाली यश्विज लगातारको चौथो जितमा वात्सल्य एभरेस्ट महिला भलिबल लिग (इडब्लुभिएल) को फाइनलमा प्रवेश गर्न सफल भएको छ।
त्रिपुरेश्वरस्थित राष्ट्रिय खेलकुद परिषदको कभर्ड हलमा बिहीवार भएको अत्यन्त रोमाञ्चक खेलमा चितवन शक्तिलाई ३-२ ले हराउँदै कर्णाली जारी लिगको फाइनलमा पुग्ने पहिलो टोली बनेको छ।
सुरूवात चितवनले उत्कृष्ट गर्यो। पहिलो सेट २५-२० ले जित्दै १-० को अग्रता बनायो। तर दोस्रो सेटमा कर्णालीले पकड बनायो। २५-१८ ले दोस्रो सेट जित्दा खेल १-१ को बराबरीमा पुग्यो।
तेस्रो सेट भने निकै प्रतिस्पर्धात्मक बन्यो। जहाँ बाजी मार्दै चितवनले कर्णालीलाई २५-२१ ले माथ दियो। फेरि कर्णालीले खेलमा २-१ को अग्रता बनायो। तर यो लयलाई चौथो सेटमा कायम राख्न सकेन।
चितवनले चौथो सेट १५-२५ ले गुमायो। यो सँगै कर्णालीले खेललाई २-२ को बराबरीमा पुग्यो। खेल पाँचौं सेटतर्फ धकेलियो। चितवनलाई फाइनलको यात्रा सहज गर्न यो जित जरूरी थियो। जितले कर्णालीललाई फाइनलमा पुर्याउने थियो। त्यसैले पाँचौ सेट झन रोचक बन्यो। यतिखेर भने कर्णालीले बाजी मार्यो।
य१५-१३ ले कर्णालीले पाँचौं सेट जित्यो। यो जितले कर्णालीलाई फाइनलमा पुर्याएको छ। अपराजित रहँदै फाइनलमा पुगेको कर्णालीले १० अंक बनाएको छ। कर्णाली लिगको शीर्षस्थानमा उक्लिएको छ। यसअघि कर्णालीले मधेश युनाइटेड, गण्डकी थन्डर्स र ललितपुर क्विन्सलाई हराएको थियो।
हारमा चितवनको फाइनल यात्रा कठिन बनेको छ। लिगको आफ्नो अन्तिम खेलमा ललितपुर क्विन्सलाई हराएर मात्र पुग्दैन।
९ अंक जोडेर दोस्रो स्थानमा रहेको काठमाडौंको हारको नतिजा पनि कुर्नुपर्नेछ। काठमाडौंले भोलि कर्णालीसँग लिगको अन्तिम खेल खेल्नेछ। चितवनसँग ७ अंक रहेको छ।
यसअघि काठमाडौंले मधेशलाई ३-१ ले हराएको थियो। त्यो खेलको नतिजापछि मधेश र गण्डकी थन्डर्स इडब्लुभिएलबाट बाहिरिएको छ।
October 3, 2024
काठमाडौं (हाम्रो खेलकुद) – काठमाडौं स्पाइकर्सको तेस्रो जितसँगै मधेश युनाइटेड र गण्डकी थन्डर्स वात्सल्य एभरेष्ट महिला भलिबल लिग (इडब्लुभिएल) को लिग चरणबाटै बाहिरिएका छन् । काठमाडौंले बिहीवार मधेशमाथि ३–१ को सेटमा जित निकाल्दै फाइनल पुग्ने सम्भावना बलियो बनाउँदा मधेश १ खेल र गण्डकी २ खेल बाँकी छँदै लिग चरणबाटै बाहिरिएका हुन् । फाइनल पुग्ने सम्भावना […]
October 3, 2024
काठमाडौं (हाम्रो खेलकुद)- श्रीलंकामा हुने काभा यु २० पुरुष भलिबल च्याम्पियनसिपका लागि नेपाली युवा टोली बिहीवार त्यसतर्फ जाने भएको छ। च्याम्पियनसिप असोज १७ देखि २३ गतेसम्म श्रीलंकाको कोलम्बोमा हुनेछ। झन्डै डेढ महिनाको प्रशिक्षण पछि टोली श्रीलंका जाँदैछ। नेपाल भलिबल संघले बुधवार टोलीको बिदाइ गरेको थियो। राष्ट्रिय खेलकुद परिषद्का सदस्य सचिव टंकलाल घिसिङ, भलिबल संघका अध्यक्ष जीतेन्द्रबहादुर […]
October 2, 2024
काठमाडौं (हाम्रो खेलकुद)- चितवन शक्तिले वात्सल्य एभरेष्ट महिला भलिबल लिग (इडब्लुभिएल) मा दोस्रो जित हासिल गरेको छ । शीर्ष दुईमा पर्ने अभियानलाई मजबुत गराउने क्रममा बुधवारको अन्तिम खेलमा चितवनले मधेश युनाइटेडलाई ३-१ को सेटमा हराएको हो । ३ खेलमा चितवनले दोस्रो खेल जित्दा मधेशले लगातार तेस्रो खेलमा हार बेहोरेको छ। त्रिपुरेश्वरस्थित राष्ट्रिय खेलकुद परिषद्को कभर्ड […]