1 hour ago
September 23, 2024
धादिङ (हाम्रो खेलकुद)- ललितपुरका बद्रीलाल नेपालीले छैटौं राष्ट्रिय भेट्रान बुद्धिचाल प्रतियोगिताको उपाधि जितेका छन्। उनले उपाधिसंगै ४० हजार रुपैयाँ प्राप्त गरे।
धादिङको थांक्रे गाउँपालिकाले प्रायोजन गरेको प्रतियोगितामा ३ पटकका पूर्व नेपाल च्याम्पियन बद्रीलाल ७ चरणको खेलबाट ६ अंक जोड्दै च्याम्पियन बनेका हुन्। बद्रीलालले २१२४ रेटिङ पर्फोम गर्दै व्यक्तिगत २८ रेटिङ समेत वृद्धि गर्न सफल भए।
१९३७ रेटेड बद्रीलालले आफ्ना पाँच जना प्रतिद्वन्द्वी विरुद्ध जित हासिल गरे भने पूर्व नेपाल च्याम्पियन द्वय सिएम नवीन तण्डुकार, एफएम बिलम लाल श्रेष्ठ सँग बराबर खेले।
धादिङमा भऐको प्रतियोगितामा पूर्व नेपाल च्याम्पियन सिएम नवीनले ५.५ अंक जोडेर दोस्रो स्थान प्राप्त गरे। १८६६ रेटेड सिएम नवीनले ५ जित र एक बराबर खेलेका थिए। काठमाडौंका नविनले २० हजार रुपैयाँ प्राप्त गरे।
पूर्व नेपाल च्याम्पियन एफएम बिलमलाल तेश्रो भए । ललितपुरका १९८७ रेटेड बिलमलालले डाइरेक्ट इन्काउन्टर, बुचोल्ज टाइब्रेक गेमप्वाइण्ट कट वान र कट टु , मोष्ट विन ब्लाकका आधारमा ५ अंक जोडे । उनले १५ हजार रुपैयाँ प्राप्त गरे।
नेपाल बुद्धिचाल महासंघ र धादिङ जिल्ला बुद्धिचाल संघको संयुक्त आयोजनामा सम्पन्न प्रतियोगितामा समान ५ अंक जोडेका भक्तपुरका जगन्नाथ ताम्राकार चौथो र ताप्लेजुङका हर्क बहादुर चोङ्वाङ पाँचौ भए । १८१२ रेटेड जगन्नाथले १० हजार र १७२० रेटेड हर्क बहादुरले ८ हजार रुपैयाँ हात पारे ।
यस्तै काठमाडौंका १८४३ रेटेड सिएम भगवती प्रसाद शर्माले ४.५ अंकका साथ छैटौं भए र उनले ५ हजार रुपैयाँ पाए । भक्तपुरका १८४५ रेटेड गणेशमान दुवाल सातौं भए र उनले ५ हजार रुपैयाँ प्राप्त गरे ।
निराजु धादिङ च्याम्पियन
धादिङ जिल्ला बुद्धिचाल संघले यसै अवसरमा ७ चरणको खेल खेलाउदै जिल्ला च्याम्पियन प्रतियोगिता सम्पन्न भएको छ।
निराजु लामा ६ अंकका साथ विजयी भए । मनिष कोइराला ५.५ अंकका साथ दोस्रो र रमेश हमाल ५ अंक जोडेर तेस्रो भए । निराजुले १५ हजार, मनिषले १० हजार र रमेशले ५ हजार रुपैयाँ प्राप्त गरे।
धादिङ जिल्ला थांक्रे गाउँपालिकाका अध्यक्ष रामकुमार कार्की र धादिङ जिल्ला बुद्धिचाल संघका अध्यक्ष विकास कार्कीले विजेतालाई पुरस्कृत गरे ।
September 23, 2024
सुशील पन्त क्षेत्री, चितवन एभरेष्ट महिला भलिबल लिग (इडब्लुभिएल) का लागि चितवन शक्तिको ट्यालेन्ट हन्टबाट नितिशा महतो छनोट भएकी छन् । भरतपुर २२ को कभर्ड हलमा आज सम्पन्न ट्यालेन्ट हन्टबाट नितिशा चितवन शक्तिका लागि छनोट भएकी हुन् । ट्यालेन्ट हन्टमा चितवनका ३४ भलिबल खेलाडी सहभागी थिए । प्रशिक्षक अर्जुन घिमिरे र कप्तान अरुणा शाहीले उनीहरु […]
September 23, 2024
काठमाडौं (हाम्रो खेलकुद)- वडा नं १४ दोस्रो प्रयागराज सिंह सुवाल स्मृति अन्तर वडा फुटसल प्रतियोगिताको क्वाटरफाइनलबाट विदा भएको छ । लैनचौर फुटसल मैदानमा सोमवार वडा नं १६ ले वडा नं १४ लाई टाइब्रेकरमा २-१ ले हराएर सेमिफाइनलमा स्थान बनायो । निर्धारित समयको खेल गोलरहित बराबरीमा सकिएपछि पेनाल्टी सुटआउटबाट जितहारको निर्णय गरिएको हो । सो खेलमा […]
September 23, 2024
काठमाडौं (हाम्रो खेलकुद)- माल्दिभ्समा काभा महिला क्लब च्याम्पियनसिपको उपाधि जितेको नेपाल पुलिस क्लबको टोली सोमवार स्वदेश फर्केको छ। टोलीलाई त्रिभुवन अन्तर्राष्ट्रिय विमानस्थलमा नेपाल भलिबल संघका अध्यक्ष जीतेन्द्रबहादुर चन्द, महासचिव रोशन श्रेष्ठ, पुलिस क्लबका खेलाडी लगायतले भव्य स्वागतको गरेका थिए। माल्दिभ्सको मालेमा शनिवार उज्वेकिस्तानको हुमो भिसीलाई ३-० को सोझो सेटमा हराउँदै पुलिस च्याम्पियन बनेको हो । पुलिस अपराजित […]