2 hours ago
September 22, 2024
काठमाडौं (हाम्रो खेलकुद) – सिंगापुरमा भलिबल सिकेकी ज्याक्युशा थापाले ललितपुर क्विन्स बाट एभरेष्ट महिला भलिबल लिग (इडब्लुभिएल) खेल्ने भएकी छिन्।
जावलाखेल भलिबल तालिम केन्द्रमा शनिवार भएको ट्यालेन्ट हन्ट मार्फत ज्याक्युशा ललितपुर क्विन्सका लागि छनोट भएकी हुन् । करिब ४५ जना सहभागीबाट ज्याक्युशा छनोट हुन सफल भएकी हुन् ।
ललितपुर स्थित नखिपोटमा बस्ने ज्याक्युशाको बुवा सिंगापुर प्रहरी भएकोले उनको बाल्यकाल उतै बित्यो । उनले सिंगापुरमा आफू पढ्ने विद्यालयमा नै भलिबल सिक्ने अवसर पाइन् । सन् २०२२ मा उनको बुवा सेवानिवृत्त भइसकेपछि सपरिवार नेपाल फर्किए ।
पहिलो पल्ट व्यावसायिक भलिबल तर्फ पाइला सर्दै गरेकी उनी उत्साहित साथै नर्भस भएकी बताउँछिन् । ’ठूलो प्रतियोगिता बाट नै आफ्नो करियर सुरु गर्न पाउँदा उत्साहित त छु नै, साथै नर्भस पनि महसुस हुँदै छ,’ छनोट भएपछि ज्याक्युशाले भनिन् , ’स्कुल हुँदा अतिरिक्त क्रियाकलापमा भलिबल छनोट गरेर खेल्न थाले । भलिबललाई आफ्नो हबीको रुपमा मात्र अघि बढाएकी थिए, व्यावसायिक रुपमा नै खेल्छु भनेर कल्पना गरेकी थिएन । तर अब अवसर प्राप्त भएको छ, यसको सदुपयोग गर्छु ।’ ५ फिट ८ इन्च कद भएकी उनी आउटसाइड हिटर खेल्छिन ।
इन्फिनिटी ड्रिम्स प्रा लिले आयोजना गर्ने ६ टोलीको सहभागितामा इडब्लुभिएलमा असोज १४ देखि असोज १९ गते हुनेछ। राष्ट्रिय भलिबल टोलीकी लिबेरो सलिना श्रेष्ठ कप्तान रहेको टोलीको प्रशिक्षकमा उत्सव खड्का छन् ।
ललितपुर क्विन्स टोली – सलिना श्रेष्ठ ‘ए’, पुनम चन्द ‘बि’, कामना विष्ट ‘बि’, साफिया पुन ‘बि’, निशा चौधरी ‘बि’, अनुषा चौधरी ‘सी’, नेहा चौधरी ‘सी’, भावना तामाङ ‘सी’।
September 22, 2024
काठमाडौं (हाम्रो खेलकुद)– नेपाल भलिबल संघका अध्यक्ष जीतेन्द्रबहादुर चन्दको संयोजकत्वमा गठित उपसमितिले भलिबल कभर्ड हल निर्माणका लागि सम्भावित जग्गाहरुको सुचीसहितको प्रतिवेदन राष्ट्रिय खेलकुद परिषद् (राखेप) लाई बुझाएको छ । एक महिनाको स्थलगत अध्ययनपछि तयार पारिएको प्रतिवेदन चन्द नेतृत्वको टोलीले आइतबार राखेप सदस्य सचिव टंकलाल घिसिङलाई बुझाएको छ । सदस्य सचिव स्तरीय निर्णयले चन्दको संयोजकत्वमा अन्तर्राष्ट्रिय […]
September 22, 2024
धादिङ (हाम्रो खेलकुद) – छैटौं राष्ट्रिय भेट्रान बुद्धिचाल प्रतियोगितामा तीन पटकका पूर्व नेपाल च्याम्पियन बद्रीलाल नेपालीले एकल अग्रता लिएका छन् । बद्रीलालले पाँचौ चरण सम्मको खेलमा ४ जित, एक बराबरी खेल्दै ४.५ अंक जोडेर शीर्षस्थानमा रहेका छन् । नेपाल बुद्धिचाल महासंघको आधिकारिक क्यालेण्डर प्रतियोगिता मध्येको एक ‘छैटौं राष्ट्रिय भेट्रान’ प्रतिस्पर्धामा बद्रीलालले स्याङ्जाका मोहन सिं प्रधान, […]
September 22, 2024
काठमाडौं (हाम्रो खेलकुद) – डिभि ट्राभल्सले फोर ए साइड पुरुष पार्क भलिबल प्रतियोगिताको उपाधि जितेको छ । नयाँ बसपार्कस्थित ढोरपाटन स्पोर्ट्स क्लबको कोर्टमा शनिबार भएको फाइनलमा युके लन्डन टिमलाई पराजित गर्दै उपाधि जित्न सफल भएको हो । उपाधिसँगै डिभि ट्राभल्सले १ लाख १ हजार रुपैयाँ, कप, मेडल र प्रमाण पत्र प्राप्त गरेको छ । दोस्रो […]