५ खेलाडीसहित १८ सम्मानित हुँदै

काठमाडौं (हाम्रो खेलकुद)- राष्ट्रिय खेलकुद परिषद् (राखेप) ले आफ्नो को ६१ औं वार्षिकोत्सवको उपलक्ष्यमा आज ५ खेलाडीसहित १८ लाई सम्मान गर्ने भएको ।

वार्षिकोत्सव राखेपका संरक्षक समेत रहेका प्रधानमन्त्री केपी शर्मा ओलीको प्रमुख आतिथ्यतामा बुधबार भद्रकालीस्थित आर्मी अफिसर्स क्लब कार्यक्रम हुने राखेपले जनाएको छ ।

सिनियर र जुनियरमा समान महिला/पुरुष समान १ तथा १ पारा खेलाडीलाई सम्मान गरिने बताइएको । प्रशासनिक र प्रविधिकमा ८ कर्मचारी (२ करार कर्मचारीसहित), २ खेल पत्रकार, १ स्थानिय तह, १ प्रायोजक तथा १ राष्ट्रिय खेल संघलाई पुरस्कृत गरिने राखेपले जनाएको छ ।

स्थानिय तह, प्रायोजक र राष्ट्रिय खेल संघलाई कदर पत्र तथा बाँकीलाई कदर पत्रसहित नगद पुरस्कारबाट सम्मान गरिने छ । सोही अवसरमा राखेपमा २० वर्ष सेवा अवधि पूरा गरेका २ सय ३६ कर्मचारीलाई परिषद् सेवा पदक प्रदान गरिने छ ।

२०२१ साल भदौ १३ गते पहिलो खेलकुद ऐन लागू भएको दिनलाई राखेपले आफ्नो वार्षिकोत्सवका रुपमा मनाउँदै आएको छ । वार्षिकोत्सवका दिन भदौ १३ गते राखेपले त्रिपुरेश्वरस्थित परिसरमा कार्यक्रम आयोजना गरेको थियो ।