काठमाडौं (हाम्रो खेलकुद)- काजकिस्तानकी कालिनोभा यभजिनियाले मधेश युनाइटेडबाट एभरेष्ट वुमन्स भलिबल लिग (इडब्लुभिएल) खेल्ने भएकी छिन्।

इडब्लुभिएलका लागि विदेश खेलाडीसँग अनुबन्ध गर्ने मधेश पहिलो टोली बनेको छ। इन्फिनिटी ड्रिम्सको आयोजनामा पहिलो पटक हुन लागेको महिला भलिबलको फ्रेन्चाइज इडब्लुभिएलको मिति भने तय हुन बाँकी छ।

काजकिस्तानकी अनुभवी खेलाडी कालिनोभलाई अनुबन्ध गर्न पाउँदा मधेशले खुसी लागेको बताएको छ छौँ ।

३५ वर्षिय कालिनोभाले काजकिस्तानको राष्ट्रिय टोलीका साथै काजकिस्तानको लिग खेलेको अनुभव छ । स्पाइकर उनको उचाई १ सय ८० सेन्टिमिटर रहेको बताइएको छ ।

कालिनोभाले अनुबन्धबाट आफू खसी रहेको खेल्नका लागि उत्साहित रहेको मधेश युनाइटेडले जनाएको छ‌ ।  ‘
मधेश युनाइटेडकी अपरेसन हेड संज्ञा श्रेष्ठले कालिनोभाको अनुभवले टोलीको लागि धेरै फाइदा पुग्ने बतान् ।

नेपाली राष्ट्रिय टोली तथा एपिएफकी स्पाइकर निरुता ठगुन्ना मधेशको मार्की खेलाडी हुन् । राष्ट्रिय टोलीकी संगम महतो र शान्तिकला तामाङ तथा यु २० का एलिशा मानन्धर र आशिका क्षेत्री पनि टोलीमा छन् ।

यस्तै हिरा केसी, पुजा थारु र जसना महतो पनि मधेश युनाइटेडको टोलीमा छन् । हिरा र पुजाले पनि राष्ट्रिय टोलीबाट खेलिसकेका छन् । राष्ट्रिय टोलीका सहायक प्रशिक्षक भरत यादव टोलीको‌ प्रशिक्षकमा छन् । इडब्लुभिएलमा ६ टोलीको सहभागिता रहनेछ।