1 month ago
August 17, 2024
हिमाल खरेल, बिर्तामोड
कर्णाली प्रदेशमा यसै वर्ष हुने १० औं राष्ट्रिय खेलकुद प्रतियोगिताका बारेमा कोशी प्रदेश खेलकुद विकास बोर्डले खेल संघ र विकास समितिहरुसँग अन्तरक्रिया गरेको छ ।
विराटनगरमा भएको कार्यक्रममा बोर्डका अध्यक्ष तथा सामाजिक विकासमन्त्री पाँचकर्ण राईले
कोशी प्रदेशले १० औँ राष्ट्रिय खेलकुदमा अधिकतम पदक जित्नेगरी तयारीमा लाग्न आग्रह गरे ।
मन्त्री राईले प्रदेशका खेलकुद क्षेत्रका सबै सरोकारवालाहरूले एकताका साथ कोशी प्रदेशलाई पहिलो स्थानमा पुर्याउने गरी आवश्यक तयारी गर्नुपर्ने जिकिर गरे ।
कार्यक्रममा बोर्डका सदस्य सचिव कृष्ण (पर्शुराम) बस्नेतले आफ्नो कार्यकालमा राष्ट्रिय खेलकुद प्रतियोगितामा सहभागी हुने खेलाडी तथा प्रशिक्षकहरूलाई बोर्डले अधिकतम सहयोग गर्ने प्रतिबद्धता व्यक्त गरे ।
बस्नेतले जिल्ला खेलकुद विकास समितिमार्फत प्रत्येक जिल्लामा खेल संघहरूको सहकार्य र समन्वयमा प्रतियोगितालक्षित आयोजना अघि बढाउने जानकारी गराएका थिए ।
प्रदेशका १४ वटा जिल्लाका जिल्ला खेलकुद विकास समितिको प्रतिनिधित्व गर्दै झापाका अध्यक्ष तथा करातेका पूर्वअन्तराष्ट्रिय खेलाडी प्रशान्त भण्डारीले खेलकुदमा जनशक्तिको अभाव पूर्ति गर्न मन्त्रालयले तत्काल नयाँ प्रशिक्षकरूको नियुक्त गर्नुपर्ने माग राखे ।
भण्डारीले मन्त्रालयलाई बोर्डमार्फत राष्ट्रिय खेलकुदमा धेरैभन्दा धेरै पदक जित्न जिल्ला खेलकुद विकास समितिलाई विश्वासमा लिएर योजना बनाउन आग्रह गरेका थिए ।
कार्यक्रममा कोशी प्रदेश गल्फ संघका अध्यक्ष सुयेश प्याकुरेल, कोशी प्रदेश फुटबल संघका अध्यक्ष किशोर राईलगायतले आआफ्नो धारणा राखेका थिए ।
अन्तरक्रिया कार्यक्रममा बोर्डका सदस्य तथा विभिन्न खेलकुद संघका प्रदेश अध्यक्ष, सचिव, खेलका प्रशिक्षकहरू, १४ वटै जिल्लाका खेलकुद विकास समितिका अध्यक्षलगायतको सहभागिता रहेको थियो ।
१० औँ राष्ट्रिय खेलकुद कर्णाली प्रदेशका विभिन्न जिल्लाहरुमा यही मंसिर २ गतेदेखि ९ गतेसम्म आयोजना हुँदैछ ।
यसअघि गण्डकीमा सम्पन्न नवौँ राष्ट्रिय खेलकुदमा कोशी प्रदेशले ३६ वटा खेलमा १० स्वर्ण, २३ रजत र ५० कास्यसहित ८३ पदक जितेको थियो ।
तत्कालीन प्रदेश १ का लागि युकेश योञ्जनले सफ्ट टेनिसमा सर्वाधिक ३ स्वर्ण र एक रजत प्राप्त गरेका थिए । विकास कुमालले पौडीमा २ स्वर्ण र एक रजत पदक पाएका थिए ।
आइटिएफ तेक्वान्दोमा कुसुम राजवंशी, रोशन मगर र वीरबहादुर तामाङमार्फत ३ स्वर्ण पाएको कोशीका लागि शारीरिक सुगठनका अवतार श्रेष्ठ र बक्सिङकी त्रिसा जवगूले स्वर्ण पदक ल्याएका थिए ।
September 16, 2024
काठमाडौं (हाम्रो खेलकुद)- चीनको हाङझाव एसियाली क्षेत्रको करातेको सबै भन्दा ठूलो प्रतियोगिता एसियाली सिनियर करातेको २० औं संस्करणमा नेपाली खेलाडीले प्रतिस्पर्धा गर्ने भएका छन्। असोज ४ देखि ६ गतेसम्म हुने च्याम्पियनसिपमाएसियाली खेलकुद (एसियाड) की रजत पदक विजेता एरिका गुरुङसहित ११ खेलाडीले प्रतिस्पर्धा गर्नेछन् । त्यसका लागि खेलाडीसहित १८ सदस्यीय नेपाली टोली मंगलवार हाङझाव प्रस्थान गर्नेछ […]
September 16, 2024
काठमाडौं(हाम्रो खेलकुद) – नेपाल पुलिस क्लब माल्दिभ्समा जारी काभा महिला भलिबल क्लब च्याम्पियनसिपमा लगातार दोस्रो जित हात पारेको छ । पुलिसले सोमवार भएको आफ्नो दोस्रो खेलमा श्रीलंकाको श्रीलंकन एयर फोर्सलाई पराजित गरेको छ । माल्दिभ्सको मालेमा भएको खेलमा पुलिसले एयर फोर्सलाई ३-० सोझो सेटमा पराजित गर्यो । पुलिसले पहिलो सेट २५-१६, दोस्रो सेट २५-२० र […]
September 16, 2024
काठमाडौं(हाम्रो खेलकुद) – नेपाल पुलिस क्लब माल्दिभ्समा जारी काभा महिला भलिबल क्लब च्याम्पियनसिपमा दोस्रो खेल आज खेल्दै छ । पुलिसले दोस्रो खेलमा श्रीलंकाको श्रीलंकन एयर फोर्ससँग खेल्दैछ । माल्दिभ्सको मालेमा हुने खेल नेपाली समय अनुसार दिउँसो २ः१५ बजे सुरु हुनेछ। आफ्नो पहिलो खेलमा पुलिसले आइतवार उज्वेकिस्तानको हुमो क्लबलाई ३-० को साझो सेटमा पराजित गरि प्रतियोगिताको […]