काठमाडौं (हाम्रो खेलकुद)– विद्यालय स्तरीय बुद्धिचाल प्रतियोगिताको सिनियर छात्रामा ग्रिनहिल स्कुलकी एन्जल महर्जन र छात्रतर्फ अरुणिमा सेकेन्डरी स्कुलका शीर्ष वरियता १७४४ रेटेड सजल न्यौपाने उपाधि जितेकी छिन् ।

१४३२ रेटड छात्राकी शीर्ष वरियताकी एञ्जलले ७ अंक जोड्दै उपाधि जितेकी हुन् । रिलायन्स पब्लिक स्कुलका राधिका पौडेल ६ अंकसहित दोस्रो, त्रियोग हाइ स्कुलका परिधि खत्री ५.५ अंकसहित तेश्रो स्थान प्राप्त गरिन् । जेम्स स्कुलकी ताचिता अग्रवाल तेस्रो भइन् ।

नेपाल प्रहरी स्कुल सामाखुसीमा सम्पन्न प्रतियोगितामा सजलले ७ मा ६ खेलमा जित र १ खेल बराबर गर्दै ६.५ अंक सहित उपाधि जितेकी हुन । उनले ७ हजार र ट्रफी प्राप्त गरे ।

नितेन मेमोरियल स्कुलका अनरेटेड दिपक गोले ६ अंक जोड्दै दोश्रो स्थान प्राप्त गरे । ६ अंक सहित मनकामना सेकेण्डरी स्कुलका अनरेटेड प्रतीक सुवेदी तेस्रो भए । जेम्स स्कुलका एन्सिल शाक्यले चौथो स्थान प्राप्त गरिन् । दिपकले ५ हजार, प्रतीकले ३ हजार र एन्सिलले २ हजार रुपैयाँ प्राप्त गरे ।

छात्र जुनियर प्रतिस्पर्धामा काठमाडौ प्रज्ञाकुञ्ज स्कुलका कशिभ कार्की विजयी भए । ६ अंक जोडेर कशिभले प्रथम भएका हुन् । ६ अंक जोड्दै सूर्योदय सेकेण्डरी स्कुलका अग्रिम शैंजु, अरुणिमाका सिद्धार्थ लामा तेस्रो र बृहस्पती विद्या सदनका अर्हान्त महर्जन चौथो भए ।

नेपाल प्रहरी स्कुल सामाखुशीको आयोजना दुई दिने छात्र र छात्रा समूह ¥यापिड चेस प्रतियोगिताको आयोजना गरेको हो । उपत्यकाका एक विद्यालय एक खेलाडी गरी १ सय ८९ विद्यार्थीले प्रतियोगितामा भाग लिएका थिए । सिनियर छात्रामा ४५, सिनियर छात्रमा ७१ जना, छात्र जुनियर तर्फ ७३ जना खेलाडी प्रतियोगितामा भाग लिएका थिए ।