काठमाडौं (हाम्रो खेलकुद)- खेलाडीलाई प्राथमिकतामा राखेर खेलकुद योजना बन्नु पर्ने युवा तथा खेलकुद मन्त्री तेजुलाल चौधरीले बताएका छन् ।

राष्ट्रिय खेलकुद परिषद् (राखेप) उपाध्यक्षको चार बर्षे पदावधि सकिएर विदा भएका शिव कोईरालालाई सम्मान गर्दै मन्त्री चौधरीले खेलकुदका योजना बनाउँदा खेलाडीको सुविधलाई प्रहिलो प्राथमिकतामा राख्नु पर्ने बताएका हुन् ।

मन्त्री चौधरीले स्वास्थ्य तथा शिक्षामा सहुलियत दिन सकिने भन्दै  यसका लागि खेलाडीको वर्गिकरण गरिने पनि उल्लेख गरे ।  

खेलकुदका विकास र खेलाडीका पक्षमा आफुले अप्रिय निर्णय लिन पनि पछि नपर्ने मन्त्री चौधरीको भनाई छ । विदाई कार्यक्रममा राखेपका उपाध्यक्ष कोईरालाले प चार बर्ष उपाध्यक्षका रुपमा काम गर्दै धेरै सिकेको भन्दै अझै यस क्षेत्रमा सुधार गर्नु पर्ने धरै बिषय रहेको बताए ।

कार्यक्रममा राखेप सदस्य सचिव टंकलाल घिसिङले नेपाली खेलकुदको विकासका लागि सम्पूर्ण पक्षको एकता आवश्यक रहेको बताए ।

खेलकुद विमालेख कार्यान्वयनमा ल्याईएको तथा कानूनी रुपममा नै खेलाडीको पुरस्कार सुनिश्चित गरिएको उनले बताए ।

राखेपका सदस्यहरु, विभागीय प्रमुख तथा कर्मचारीहरुको सहभागितामा  कोईरालालाई सम्मान पत्र सहित बिदाई गरिएको थियो । कोईराला २०७७ साल साउन १२ गते राखेप उपाध्यक्ष पदमा नियुक्त भएका थिए।