पुरूषोत्तम र पदम कृष्णलाई चेस उपाधि

काठमाडौं (हाम्रो खेलकुद)- नेपाल युथ वन डे र्‍यापिड रेटिङ चेस प्रतियोगिता खुल्ला पुरूषोत्तम सिलवाल र रेटिङ्ग १७०० मुनि पदम कृष्ण श्रेष्ठले उपाधि जितेका छन्। प्रतिस्पर्धामा दुबै विधाका विजेताहरूले ७ खेलमा ६.५ अंक जोडेर अपराजित रहँदै विजयी भएका छन्।

सुबास कुमार गुरुङ्गको संयोजकत्वमा भएको प्रतियोगिताका विजेता पुरुषोत्तमले १५ हजार रुपैयाँ र अक्फित स्मार्ट वाच प्राप्त गरे। पदमकृष्णले १० हजार रुपैयाँ र अक्फित स्मार्टवाच प्राप्त गरेका छन् ।

पाभिलियन्स चेस एकेडेमीको आयोजनामा भएको प्रतियोगितामा कुल ९३ रुपैयाँ पुरस्कार थियो।
खुल्ला तर्फ दोश्रो देखि दशौं स्थानमा क्रमशः सुरोज महर्जन, सबिन चन्द्र घिमिरे, राम हरि कार्की, रमेश भण्डारी, अभीक शाह, पूर्णराज खड्का, सीएम सुश्रुत दाहाल, नबिन तण्डुकार, र कपिलदेव नाथ रहे।

सामाखुशी स्थित पुष्पकुञ्ज माविमा सञ्चालन भएको प्रतिस्पर्धामा रेटिङ्ग १७०० मुनि अनरेटेड खेलाडी द्रोन महर्जन दोस्रो र मनीष कुमार देव तेस्रो भए ।उत्कृष्ट चौथो देखि दशौं स्थानमा क्रमशः रमेश्वर मल्ल, नबिन कालौनी, राजु श्रेष्ठ, सम्यक श्रेष्ठ, ओम लामा, सुरेश राई, र केसी खगेन्द्र रहे।