3 months ago
August 3, 2024
नयाँ कामको सुरुवातका लागि पहिला कसैको कल्पनामा आउनुपर्छ । एउटा कल्पनाबाट सुरु र त्यसपछि तीन जनाको सामुहिक पहलमा अघि बढेको हाम्रो खेलकुद डटकमको यात्रा आज नवौं पूरा गरेर दशौं वर्षमा प्रवेश गरेको छ ।
यो ९ वर्षको यात्रा हाम्रा लागि निकै रोमाञ्चक र त्यत्तिकै कठिन पनि रह्यो । नेपाली खेलकुद पत्रकारितामा नयाँ प्रयोग, सम्भावना र चुनौतीलाई स्वीकार्दै अघि बढेको हाम्रो यात्रा कस्तो हुन्छ साच्चै हामीलाई नै थाहा थिएन । लक्ष्य त हुनुपर्छ । राष्ट्रिय तथा अन्तर्राष्ट्रिय खेलकुद गतिविधि, लेख, रचना र विचारलाई पाठक सम्म पुरयाउने भन्ने हाम्रो सुरुवाती लक्ष्य थियो । समयको मागसँगै हामीले हाम्रा प्रस्तुतीलाई थप परिस्कृत र फराकिलो बनाउँदौ लाने प्रयास गर्यौं र गरिरहेका छौं । त्यसमा हाम्रा पाठक, दशर्कको साथ हाम्रा लागि सबैभन्दा ठूलो प्रेरणाको श्रोत बनेको छ ।
लक्ष्य प्राप्तीका लागि साधन, श्रोत र लगन पनि त्यतिकै जरुरी हुन्छ । हामीसँग साधान श्रोतको सिमितता त सुरुबाटै थियो । थियो त केवल लगन र हाम्रा पाठक, श्रोता र दर्शकप्रतिको दायित्व । जस्तै परिस्थितिमा पनि नेपाली खेलकुद पत्रकारिताको प्रवर्द्धन र नेपाली खेलकुदलाई सहि बाटोमा हिडोस भन्नका लागि खबरदारी गर्न हामी प्रयत्नशिल रह्यौं र रहनेछौं । अन्तर्राष्ट्रिय मन्चमा देशलाई चिनाउन सबैभन्दा शसक्त माध्यम खेलकुदलाई पत्रकारिताका माध्यमबाट सेवा गर्ने अवसर हाम्रा लागि गौरव गर्ने विषय हो ।
नयाँ यात्रामा चुनौती त हुन्छन् नै । त्यसलाई स्वीकार गर्नुको विकल्प पनि छैन । कोभिड र त्यसपछिको कमजोर आर्थिक अवस्थामा यात्रालाई अघि बढाउन सहज थिएन । तर, पनि हामीले हिम्मत हारेनौं र हारेका छैनौं । हामी नेपाली खेलकुद पत्रकारितामा केहि मानक स्थापित गर्नका लागि प्रयासरत थियौं र अझै रहनेछौं । त्यसमा सफलता वा असफलता के मिल्छ त्यो भविष्यले निर्धारण गर्नेछ ।
खेलकुदमा स्वतन्त्र, निष्पक्ष र सन्तुलित विषय प्रस्तुत गर्ने प्रयास हाम्रो सुरुबाट थियो र रहनेछ । त्यसो भन्दै गर्दा मानविय त्रुटी भएका छैनन् भन्ने होइन । त्यसलाई हामी स्वीकार्दै र सच्चाउने तत्परताका साथ अघि बढि रहेका छौं । थाहा छैन आउने दिन कति चुनौतीपूर्ण रहनेछन् । जस्तै चुनौतीमा पनि हामी हाम्रो व्यवसायिक धर्म निर्वाहमा पछि हट्ने छैनौं । यो हाम्रो वाचा हो ।
हामी पाठक, दर्शकको रुचीलाई ध्यानमा राखेर आफ्ना प्रस्तुतहरु तयार पार्ने प्रयासमा सधै नै जुटिरहनेछौं । यहाँहरुको प्रतिक्रिया हाम्रा लागि उर्जाका श्रोत हुन् । यहाँ निर भन्नै पर्ने हुन्छ हिजो छापा, रेडियो र टेलिभिजन हुँदै आज डिजिटल दुनियाँमा नेपाली खेलकुदको प्रचारले नयाँ उचाई पाएको छ । त्यसमा हाम्रो खेलकुद पनि एउटा सहयात्री हुन पाउँदा हामीलाई गर्व छ ।
यो यात्रामा हाम्रो खेलकुदको फेसबुक पेजमा ११ लाख पाठक जोडिनु, युट्युबमा २ लाख ५० हजार भन्दा बढीले सब्सक्राइब गर्नुले हाम्रो हौसलाले आकाश छोएको छ । हौसलाले आकाश छोएपनि हामीले भुई भने छोडेका छैनौं ।
हाम्रा पाठक, दर्शक सबैभन्दा ठूलो सम्पत्ती हुन् । यो परिवार आउने दिनमा अझै बढ्दै जाने विश्वास हामीलाई छ । हाम्रो यात्रामा खेलकुदसँग सम्बन्धित निकायहरुसँगको व्यवसायिक सहकार्य, व्यवसायिक कम्पनी, प्रायोजकको साथ अपरिहार्य छ । सबैप्रति हामी आभारी छौं । आउने दिनमा पनि सहकार्य निरन्तर रहने विश्वास हाम्रो छ ।
हाम्रो खेलकुद डटकमको सुरुवात सानो समूहले गरेपनि अब यो सार्वजनिक सम्पत्ति भइसकेको छ । त्यसैले यो मेरो होइन हाम्रो खेलकुद हो । नवौं वर्षिकोत्सवका अवसरमा सबैलाई धन्यवाद ।
प्रकाश तिमल्सिना
सम्पादक
October 22, 2024
काठमाडौं (हाम्रो खेलकुद)– एसियाली खेलकुद (एसियाड) को तयारीका लागि राष्ट्रिय खेलकुद परिषद् (राखेप) ले मिसन– २०२६ अन्तर्गत खेलाडीको विशेष प्रशिक्षण मंसिर १ गतेदेखि पुनः सुरु गर्ने भएको छ । सन् २०२६ मा जापानमा हुने २० औं एसियाडमा स्वर्णसहित दोहोरो अंकमा पदक जित्ने लक्ष्यसहित गत आर्थिक वर्षदेखि बढी सम्भावना भएका विभिन्न खेलका खेलाडीलाई समावेश गरी विशेष […]
October 22, 2024
काठमाडौं (हाम्रो खेलकुद) – प्रदीप खड्का, राजवीर प्रधान र प्रणव खनालले चौथो वीर गणेशमान सिंह राष्ट्रिय खुला टेनिस प्रतियोगिताको पुरुष सिंगल्समा मंगलवार जित हासिल गरेका छन् । उपाधिमा ह्याट्रिक गर्ने अभियानमा रहेका प्रदीपले प्रितम परियारलाई ६–० र ६–१ को सोझो सेटमा पराजित गरे । प्रदीप पछिल्लो दुई संस्करणका विजेता विजेता हुन् । राजवीरले सक्षमविक्रम शाहलाई […]
October 22, 2024
कन्चनपुर (हाम्रो खेलकुद)– दोश्रो राष्ट्रिय र्यापिड रेटिङ्ग बुद्धिचाल प्रतियोगिता कञ्चनपुर जिल्लाको बेदकोट नगरपालिकामा मंगलवार सुरु भएको छ । राष्ट्रिय बुद्धिचालका शीर्ष ६३ खेलाडी सहभागी रहेको प्रतियोगितामा बाँकी ४ चरणका खेल बुधवार हुनेछन् । नेपाल बुद्धिचाल महासंघ र काठमाडौं स्पोर्ट्स एकेडेमीको संयुक्त आयोजनामा भएको प्रतियोगिताको पहिलो दिन पाँचौ चरणका खेल सम्पन्न भएका छन् । एफएम क्षितिज […]