काठमाडौं (हाम्रो खेलकुद)- नेपालले काभा वमन्स नेसन्स भलिबल लिगको उद्घाटन खेलमा श्रीलंकाको सामना गर्ने भएको छ।

नेपालसहित ५ राष्ट्रको सहभागिता साउन १७ गते नेसन्स लिग सुरु हुँदैछ। नेपाल, श्रीलंकासहित इरान, भारत र माल्दिभ्सले नेसन्स लिगको‌ उपाधिका लागि प्रतिस्पर्धा गर्नेछन्।

आयोजक नेपाल भलिबल संघले शुक्रबार पत्रकार सम्मेलनमार्फत नेसन्स लिगको ट्रफी सार्वजनिक गरेको छ । गैर आवासीय नेपाली संघ (एनआरएनए) का संस्थापक अध्यक्ष उपेन्द्र महतोले ट्रफी सार्वजनिक गरेका छन् । संघले नेसन्स लिगको लागि तयारी पूरा भएको जनाएको छ।

संघका अध्यक्ष जितेन्द्र बहादुर चन्द संयोजकत्वमा विभिन्न २१ वटा उप-समिति गठन भएको पत्रकार सम्मेलनमा जानकारी दिइयो।

प्रतियोगितामा विशेष सहयोगिको रुपमा राष्ट्रिय खेलकुद परिषद् हस्पिलेटी पार्टनरमा होटेल एभरेष्ट, मेडिकल पार्टनरको रुपमा नेपाल नेसनल हस्पिटल एवं मिडिया पार्टनरको रुपमा हाम्रो खेलकुद रहेको बताइयो छ।

७ दिन सम्म चल्ने प्रतियोगिताको पहिलो दिन इरान र भारतबीच खेल हुनेछ‌। नेपालले साउन १८ गते भारतसँग, साउन २० गते माल्दिभ्स र साउन २१ गते नेपालले इरानको सामना गर्नेछ।

राउन्ड रोविन‌ लिगपछि अंक तालिकाको‌ पहिलो र चौथो तथा दोस्रो र तेस्रो बीच साउन २२ गते सेमिफाइनल हुनेछ। फाइनल र तेस्रो स्थानको खेल साउन २३ गते हुनेछ।