काठमाडौं (हाम्रो खेलकुद)- इन्टरनेसल चेस दिवसको उपलक्ष्यमा भएको चौथो त्रियोग अन्तर स्कुल बुद्धिचाल प्रतियोगिताको‌ कक्षा ६-७ र कक्षा ८-१० समूहको आयोजक त्रियोग स्कुल विजयी भएको छ।

मार्भेलस स्कुल कक्षा ४-५ को समूह तथा युरो स्कुल हात्तिगौंडा कक्षा १-३ समूहको विजेता बनेको छ।
अन्तर विद्यालय प्रतियोगितामा  कक्षा  १-३ छात्रा समूहमा इम्पेरियल वर्ल्डकी अग्रता आचार्य पहिलो , यूरो हात्तिगौंडाकी रुस्बेरी चौलागाई दोस्रो र पेभिलियनकी अधिरा पौडेल तेस्रो भएकी छन्।

सोही समूहको छात्रतर्फ ल्याबोरेटरीका अंकुर पोखरेल पहिलो, त्रियोगका प्रसुन मल्ल दोस्रो र काठमाडौं गुरुकुलका सुनभ ओझा तेस्रो भएका छन्। 

कक्षा ४-५ छात्रा समूहमा नितिन मेमोरियलकी नन्दा श्रेष्ठ पहिलो, युरो हात्तिगौंडाकी कृसा श्रेष्ठ दोस्रो र मार्भेलसकी सोनालिका सराफ तेस्रो भइन् । सोही समूहको छात्रतर्फ माछापुच्छ्रे आइबीका साहास श्रेष्ठ प्रथम, पुस्पसदनका हार्दिक पन्त दोस्रो तथा पेभिलियनका लक्ष मोरे तेस्रो भए । 

कक्षा ६-७ छात्रा समूहमा मार्भेलसकी निहाना श्रेष्ठ प्रथम, त्रियोगकी परिधी खत्री द्वितीय तथा मार्भेलसकी कृष्ती रिजाल तृतीय भइन् । सोही समूहको छात्रतर्फ पाठशालाका ओस्कार पन्थी प्रथम, त्रियोगका आभास रिमाल द्वितीय तथा त्रियोगकै सम्पन्न बज्रचार्य तृतीय भए । 

कक्षा ८-१० छात्रा समूहमा त्रियोगकी रिया श्रेष्ठ प्रथम, त्रियोगकै कृपा बेलबासे द्वितीय तथा डि.ए.भीकी प्रज्ञा पन्त तृतीय भइन् । सोही समूहको छात्र तर्फ मनकामनाका प्रतिक सुवेदी प्रथम मोडर्न इन्डीयनका आशीष गुप्ता द्वितीय तथा क्रियटिभका सफल महर्जन तृतीय भए ।  

दुई दिने प्रतियोगितामा काठमाडौं उपत्यकाका ५० भन्दा बढि विद्यालयका ३ सय ५० भन्दा बढि खेलाडीको सहभागिता थियो । विजेता खेलाडीलाई पुरस्कृत गरियो।

समापनमा नेपाल बुद्धिचाल संघका अध्यक्ष हेराकाजी महर्जन, बरिष्ठ उपाध्यक्ष दिपेन राई, पुर्व अध्यक्ष विदुर गौतम तथा प्रथम महिला नेशनल च्याम्पियन मोनालिसा खुम्बुको उपस्थिति थियो ।