default_image

9 months ago

June 11, 2024

अन्नपूर्ण फ्रेण्डसिप बुद्धिचाल सम्पन्न

395 views

0 Bookmark

काठमाडौं (हाम्रो खेलकुद)- अन्नपूर्ण माध्यामिक विद्यालयको आयोजनामा १९ औं अन्नपूर्ण फ्रेण्डसिप बुद्धिचाल प्रतियोगिता सम्पन्न भएको छ। प्रतिस्पर्धामा २५ वटा विद्यालयका कूल ३ सय ५४ जना विद्यार्थीहरुको सहभागिता रहेको छ

बृहत् विद्यालय स्तरीय बुद्धिचाल प्रतियोगितामा युवा-९, युवा -११, युवा-१३ र युवा -१३ वर्ष माथिका खेलाडीहरुले उ खेल प्रदर्शन गरेका छन्। छात्र तथा छात्रा खेलाडीबीच ८ विधामा छुट्टाछुट्टै प्रतिस्पर्धा मार्फत विजेता घोषणा गरिएका छन्।

छात्र १३ माथि ७ चरणको खेलमा ६.५ अंक जोडेर पुष्प सदन इङ्गिस स्कूलका सुप्रभ सागर श्रेष्ठ पहिलो स्थान हासिल गरेका छन्। यस्तै क्रिएटिभ एकेडेमीका सफल महर्जन ६ अंकसहित दोश्रो भए। ६ अंक नै बनाएर अन्नपूर्ण सेकेण्डरी स्कूलका रोहित श्रेष्ठ तेश्रो भए।

युवा- १३ माथि पनि पुष्प सदन स्कुलबाट प्रतिस्पर्धा गरेका विद्यार्थी शिवानी रिजाल ६ अंकसहित प्रथम भइन् । यस्तै नाइटिङ्गेल स्कूलका दीया श्रेष्ठले ५ अंक जोडेर दोश्रो भइन् । ५ अंक जोडेकी त्रियोग हाइ स्कुलका रिया श्रेष्ठ तेश्रो भइन् ।

युवा- १३ वर्ष सम्मको विद्यार्थी बिच प्रतिस्पर्धा मार्फत पाठशाला नेपाल फाउन्डेसनका ओस्कार पन्थले सबै खेल जितेर ७ अंक जोड्दै विजयी भए। ६ अंक जोडेर प्रज्ञा कुञ्ज स्कुलका कशिभ कार्की दोश्रो र समान अंकका साथ संस्कृति स्कुलका सहर्ष श्रेष्ठ भए।

१३ वर्ष मुनिका छात्रा बिचको प्रतिस्पर्धामा नितेन मेकोरियल स्कूलका ज्ञानी श्रेष्ठ ६ चरणमा ५ अंक जोडेर प्रथम भइन्। समान ५ अंकमा त्रियोगकी परिधि खत्री दोश्रो र मनकामना सेकेण्डरी स्कुलका प्रिसिओस अधिकारी तेश्रो बनिन्।

युवा- ११ वर्षमा छात्र तर्फ एभरेष्टका सार्थक श्रेष्ठ ७ चरणको खेलवाट ६.५ अंक जोड्दै प्रथम स्थान प्राप्त गरे। ६ अंकसहित त्रियोगका आभाष रिमाल दोश्रो र ५.५ अंक बनाएर अल्चेमिष्ट एकेडेमीका वचन सिलवाल तेश्रो भए।

११ वर्ष छात्रा तर्फ ५ खेलमा ५ जित दर्ता गर्दै न्यूसमिटकी निहाना श्रेष्ठ विजेता बनिन्। ४ अंकसहित अन्नपूर्णकी ओजस्वी श्रेष्ठ र न्युसमिट कै सुहानी सिंह ४ अंक जोड्दै तेश्रो भइन्।

९ वर्ष छात्र तर्फ ६ चरणको खेलमा ६ जित हासिल गर्दै ल्याबोटोरीका अंकुर पोखरेल विजयी भए । ५ अंक जोडेर दिपज्योतिका मन्दिप आले मगर दोस्रो र भने एभरेष्टका निशान्त गिरि ५ अंकसहित तेश्रो भए।‌
युवा- ९ छात्रा तर्फ ५ चरणको खेलवाट समान ४ अंक जोडेर इशानी मण्डल प्रथम, अन्नपूर्णका जैनव खातुन दोस्रो र अग्रता आचार्य तेस्रो भइन् ।

निर्देशक एवं योजनाकार, काठमाडौं जिल्ला बुद्धिचाल संघका अध्यक्ष केशव श्रेष्ठले लामो समय देखि यो प्रतियोगिता मार्फत धेरै राष्ट्रिय तथा अन्तर्राष्ट्रिय खेलाडी उत्पादन गरेको स्मरण गराउदै थप उत्कृष्ट खेलाडी बनाउन जिल्ला बुद्धिचाल संघ प्रयासरत बताए ।

पूर्व नेपाल च्याम्पियन समेत रहेका सिएम श्रेष्ठले ग्रासरुटबाट नै प्रतिस्पर्धा गराई तिनलाई प्रशिक्षण दिनु पर्ने कुरामा जोड दिदै यो १९ औं संस्करणवाट धेरै नयाँ प्रतिभावान खेलाडी तयार भएकोमा खुसी व्यक्त गरेका छन्।

प्रतियोगिताका प्रमुख निर्णायक आईए महेश्वर लाल डंगोलले स्वीस् मानेजर हेइन्ज हेर्जोग टाइमफाइल सिस्टम अनुसार डाइरेक्ट इन्काउण्टर , मोष्ट वीन फिडे टाइब्रेकरको नियममा २५ मिनेट १० सेकेण्ड इन्क्रिजमेण्ट टाइममा खेल खेलाइएको जानकारी गराए।

March 19, 2025

अन्तरिम आदेशबीच पनि एनओसीले गर्यो विशेष साधारण सभा

काठमाडौं (हाम्रो खेलकुद)- नेपाल ओलम्पिक कमिटी (एनओसी) को १८औं विशेष साधारण सभा आज सम्पन्न भएको छ। हिजो उच्च अदालत पाटनले विशेष साधारण सभा नगर्न अन्तरिम आदेश जारी गरेको थियो। सरकारले एनओसी कार्यलयमा तालाबन्दी गरेको कारण अदालतको पत्र बुझ्ने ठाउँ नै नभएको र पत्र प्राप्त नभएको एनओसीका महासचिव राजीव श्रेष्ठले बताए। नेपाल सरकार युवा तथा खेलकुद […]

March 10, 2025

मञ्जुश्री ट्रेल रेस यसै साता

काठमाडौं (हाम्रो खेलकुद)- मञ्जुश्री ट्रेल रेस (एमटिआर) को पाँचौँ संस्करण यसै साता सुरु हुने भएको छ। आयोजकका अनुसार चैत १ देखि ३ गते (मार्च १४ देखि १६) सम्म हुने प्रतियोगितामा ५ सयभन्दा बढी धावकधाविका दौडने छन् । मञ्जुश्री ट्रेस रेसमा ३ सय ७१ नेपाली र १ सय ३१ विदेशी गरी कुल ५ सय २ जनाको […]

March 9, 2025

अर्जुनधाराद्वारा झापा राष्ट्रपति रनिङ शिल्ड कब्जा

हिमाल खरेल,भद्रपुर झापा जिल्लास्तरीय १५ औँ राष्ट्रपति रनिङ शिल्ड प्रतियोगिताको उपाधि अर्जुनधारा नगरपालिकाले जितेको छ । योसँगै अर्जुनधारा नगरपालिका लगातार तेस्रो पटक च्याम्पियन बनेको छ । उसले रनिङ शिल्डमाथि कब्जा जमाएको छ । आज मेची रंगशाला भद्रपुरमा सम्पन्न सबै छवटा विधाका खेलमा अर्जुनधारा १५ स्वर्ण, १२ रजत र १२ कास्य पदकसहित प्रथम भएको आयोजक झापा […]

Success

Thank you for your time.