4 months ago
June 8, 2024
काठमाडौं (हाम्रो खेलकुद) – च्याम्पियन टिप टप हेल्प नेपाल स्पोर्ट्स क्लबका पाकिस्तानी स्पाइकर मुवासर राजा वाटो र नेपाल पुलिस क्लबकी उषा भण्डारी आठौं पिएम कप एनभिए महिला तथा पुरुष भलिबल लिगको सर्वोत्कृष्ट खेलाडी चुनिएका छन् ।
मुवासर र उषाले आ–आफ्नो टोलीलाई च्याम्पियन बनाउन महत्वपूर्ण भुमिका निभाएका थिए । मुवासर र उषाले खेल अवधिभर सानदार प्रदर्शन गरेका थिए । ।
सर्वाेत्कृष्ट दुवैले समान ५० हजार रुपैयाँसँगै ट्रफी र प्रमाणपत्र पाए । पुरुष र महिला दुवैतर्फको विधागत उत्कृष्टले जनही २० हजार रुपैयाँसँगै ट्रफी र प्रमाण पत्र प्राप्त गरे ।
त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा शनिबार भएको पुरुषतर्फको फाइनलमा तीन पाकिस्तानी खेलाडीसम्मिलित टिप टप हेल्प नेपालले तीन भारतीय खेलाडीसम्मिलित गण्डकी प्रदेश भलिबल संघलाई ३१ को सेटमा पराजित गर्दै लगातार च्याम्पियन बन्न सफल भयो ।
हेल्प नेपालले गण्डकीमाथि २५–२२, २०–२५, २५–२० र २५–२० को जित निकाल्न सफल भयो । यता, महिलामा पुलिसले नेपाली राष्ट्रिय टोलीका कप्तान अरुणा शाहीसहित तीन भारतीय राष्ट्रिय टोलीका खेलाडी सम्मिलित एभरेस्ट भलिबल क्लब बुटवललाई ३–२ को सेटमा पराजित गर्दै च्याम्पियन बनेको छ ।
पुरुष र महिलाको विजेता हेल्प नेपाल र पुलिसले समान ८ लाख रुपैयाँसँगै ट्रफी, मेड र प्रमाणपत्र प्राप्त गरेको छ । दोस्रो भएको गण्डकी र एभरेस्टले समान ४ लाख रुपैयाँसँगै ट्रफी, मेड र प्रमाणपत्र प्राप्त गर्यो । तेस्रो भएको पुलिस र एपिएफले समान २ लाख हजार रुपैयाँ प्राप्त गरेको छ ।
१९ जेठबाट शुरु भएको लिगमा महिलातर्फ पुलिस, न्यु डायमण्ड, एपिएफ र एभरेस्टसँगै आर्मी र कर्णाली प्रदेश गरी ६ टोली तथा पुरुषतर्फ हेल्प नेपाल, एपिएफ, पुलिस, आर्मीसँगै कोशी, सुदुरपश्चिम, बुढानिलकण्ठ र गण्डकी गरी आठ टोलीले प्रतिस्पर्धा गरेका थिए ।
आठौं प्रधानमन्त्री कप एनभिए महिला तथा पुरुष भलिबल लिगको
महिलातर्फ
सर्वाेत्कृष्ट – उषा भण्डारी (पुलिस)
स्पाइकर – केपी अनुश्री (एभरेस्ट)
सेटर – कमला पुन (पुलिस)
सर्भर – निरुता ठगुन्ना (एपिएफ)
ब्लकर – सुर्या (एभरेस्ट)
लिवेरो – शान्तिकला तामाङ (पुलिस)
प्रशिक्षक – रुपेश कुमार विष्ट (पुलिस)
पुरुषतर्फ
सर्वाेत्कृष्ट – मुवासर राजा वाटो (हेल्प नेपाल)
स्पाइकर – सन्तोष (गण्डकी)
सेटर – अदनान खान (हेल्प नेपाल)
सर्भर – रमन कुमार (गण्डकी)
ब्लकर – सफल विक (पुलिस)
लिवेरो – टोप बहादुर थापा ‘दीपक’ (हेल्प नेपाल)
प्रशिक्षक – उत्सव खड्का (हेल्प नेपाल)
October 17, 2024
काठमाडौं(हाम्रो खेलकुद) – नेपाली राष्ट्रिय फुटसल टोलीको मुख्य प्रशिक्षकमा विक्रम महर्जन नियुक्त भएका छन् । एन्फा कम्प्लेक्स सातदोबाटोमा बिहीवार एन्फा महासचिव किरण राईले महर्जनलाई नियुक्तिपत्र हस्तान्तरण गरेका थिए । त्यस्तै टोलीको सहायक प्रशिक्षकमा सुमितकुमार आले र टोली व्यस्थापकमा राज महर्जन नियुक्त भएका छन् । सहायक प्रशिक्षक आले र टिम म्यानेजर महर्जनलाई पनि महासचिव राईले नियुक्तिपत्र […]
October 13, 2024
काठमाडौं(हाम्रो खेलकुद) – श्रीलंकामा भएको काभा यु २० भलिबल च्याम्पियनसिपमा दोस्रो भएको नेपाली युवा टोली आइतवार स्वदेश फर्केको छ। नेपाल भलिबल संघका अध्यक्ष जीतेन्द्रबहादुर चन्द, महासचिव रोशन श्रेष्ठलगायतले त्रिभुवन अन्तर्राष्ट्रिय विमानस्थलमा टोलीको स्वागत गरेका थिए। कोलम्बोमा शनिवार भएको च्याम्पियनसिप फाइनलमा उज्वेकिस्तानसँग पराजित हुँदै नेपाल दोस्रो भएको हो ।पहिलो सेट जितेको नेपाली टोलीले त्यसपछिका सेटमा कमजोर […]
October 12, 2024
काठमाडौं(हाम्रो खेलकुद) –नेपाली युवा टोली काभा यु २० भलिबल च्याम्पियनसिपमा दोस्रो भएको छ। श्रीलंकाको कोलम्बोमा शनिवार भएको फाइनलमा उज्वेकिस्तानसँग ३-१ ले पराजित हुँदै नेपाल दोस्रो भएको हो । पहिलो सेट जितेको नेपाली टोलीले त्यसपछिका सेटमा कमजोर प्रदर्शन गरेको थियो। उज्वेकिस्तानले नेपाललाई २५-२७,२५-१०,२५-२५-२० ले हराउँदै च्याम्पियन बनेको हो। नेपालले लिग चरणमा उज्वेकिस्तान र किर्गिजस्तानसँग पराजित भएको […]
