5 months ago
June 2, 2024
काठमाडौ (हाम्रो खेलकद) – उपाधि दाबेदार तथा साविक विजेता टिप टप हेल्प नेपाल, नेपाल पुलिस क्लब, गण्डकी प्रदेश भलिबल संघ र त्रिभुवन आर्मी क्लबले आठौं पिएम एनभिए भलिबल लिग अन्तरगत पुरुषतर्फ विजयी सुरुवात गरेका छन् ।
त्रिपुरेश्वरस्थित राष्ट्रिय खेलकुद परिषद (राखेप) कभर्ड हलमा पहिलो दिन शनिबार महिलातर्फ दुई विभिागिय टोली एपिएफ र पुलिस विजयी भएका छन् । महिलातर्फका दुवै खेलमा तीब्र प्रतिस्पर्धा भएको थियो ।
एपिएफले चन्द्रागिरी नगरपालिका न्यु डायमण्ड महिला टिम र पुलिसले एपिएफलाई समान ३–२ ले हरायो । एपिएललले न्यु डायमण्डलाई २५–२३,२३–२५,२०–२५,२५–१५ र १५–३ ले हराएको थियो । अर्को खेलमा पुलिसले आर्मीमाथि २६–२४,२५–२२,२३–२५,२२–२५ र १५ –८ को जित निकालेको थियो ।
दिनको पहिलो खेलमा हेल्प नेपालले बुढानिलकण्ठ भलिबल क्लबलाई ३–१ को सेटमा पराजित गर्दै विजयी सुरुवात गरेको हो ।
तीन पाकिस्तानी र नेपालका चर्चित खेलाडीलाई टोलीमा समेटेको हेल्प नेपालले २५–२०, २५–१२, २७–२९ र २५–२२ को सेटमा जित निकाल्यो ।
सुरुवाती दुई सेट सहजै जितेको हेल्प नेपालले प्रतिस्पर्धात्मक बनेको तेस्रो सेट भने गुमाउन पुगेको थियो । १७–२१ को स्थितिबाट खेललाई बराबरीमा ल्याएर अग्रता लिदै सेट प्वइन्टमा पुगेपनि हेल्प नेपालले उक्त सेट बुढानिलकण्ठलाई नै सुम्पियो ।
दिनको दोस्रो खेलमा नेपाल पुलिस क्लबले भारतीय खेलाडी सम्मिलित सुदुरपश्चिम प्रदेशलाई २५–२०, २५–१५ र २५–१६ को सोझो सेटमा हराउँदै जित निकाल्यो । पुरुषतर्फकै अर्काे खेलमा तीन भारतीय खेलाडीसम्मिलित गण्डकी प्रदेशले विभागीय नेपाल एपिएफलाई क्लबलाई ३–१ को सेटमा पराजित गर्दै विजयी सुरुवात गरेको छ ।
गण्डकीले एपिएफमाथि २५–२२, १९–२५, २५–२० र २५–१९ को सेटमा जित दर्ता गदै उपाधि दावेदारी पेश गरेको छ । यसै खेलका लागि गत महिना जापान पुगेका चर्चित स्पाइकर रवि केसी पनि स्वदेश फर्किएका छन् । दिनको अन्तिम खेलमा पुरुषतर्फ आर्मीले कोशी प्रदेशलाई ३–० ले हराएको थियो ।
पुलिस, गण्डकी, हेल्प नेपाल, र आर्मीले समान ३ अक बटुलेका छन् । ८ मध्ये ७ दिन लिग चरणका खेल हुनेछन् । लिगको चौथो दिन जेठ २२ गते ७ खेल र बाँकी दिन ६ खेल हुनेछन् । अन्तिम दिन जेठ २६ गते महिला र पुरुषतर्फको तेस्रो स्थान र फाइनल गरि ४ खेल हुनेछन् ।
महिलातर्फ १७ र पुरुषतर्फ ३० गरि गरि लिगमा ४७ खेल हुनेछन् । गत चैतमा सम्पन्न आठौं आरबिबिएभिए भलिबल च्याम्पियनसिपबाट छनोट भएका महिलातर्फ ६ र पुरुषतर्फ ८ टोलीले जेठको १९ देखि २६ गते सम्म आयोजना हुने लिगमा प्रतिस्पर्धा गर्नेछन् ।
लिगमा पुरुष तर्फ टिपटप हेल्प नेपाल, एपिएफ, त्रिभुवन आर्मी क्लब, नेपाल पुलिस क्लब, कोशी प्रदेश, गण्डकी प्रदेश, सुदूरपश्चिम प्रदेश र बूढानिलकण्ठ भलिबल क्लबले प्रतिस्पर्धा गर्नेछन् । त्यस्तै महिला तर्फ पुलिस, एपिएफ, न्यु डायमण्ड, आर्मी, एभरेष्ट भलिबल क्लब बुटवल र कर्णालीले प्र्रतिस्पर्धा गर्नेछन् ।
नेपाली भलिबलकै इतिहासमा सर्वाधिक पुरस्कार राशी ३१ लाख ४० हजार रुपैयाँ लिगमा प्रदान गरिने संघले जनाएको । लिगको दुवैतफेको विजेताले ८ लाख, दोस्रोले ४ लाख र तेस्रो हुने टोलीले २ लाख रुपैयाँ प्राप्त गर्नेछ । त्यस्तै दुवैतर्फ सर्वोत्कृष्ट खेलाडीले ५० हजार, दुवै तर्फको उत्कृष्ट लिबेरो, सरभर, ब्लकर, लिफ्टर, स्पाइकर र प्रशिक्षकले जनही २० हजार रुपैयाँ प्राप्त गर्नेछन् ।
उपत्यका बाहिरका टोलीले तयारी स्वरुप १ लाख २० हजार तथा उपत्यका भित्रका सहभागी टोलकिा खेलाडीले दैनिक २ सय ५० रुपैयाँ पाउनेछन् । लिगको प्रत्यक्ष प्रसारण हाम्रो खेलकुदको युट्युब च्यानलबाट हुनेछ ।
October 17, 2024
काठमाडौं(हाम्रो खेलकुद) – नेपाली राष्ट्रिय फुटसल टोलीको मुख्य प्रशिक्षकमा विक्रम महर्जन नियुक्त भएका छन् । एन्फा कम्प्लेक्स सातदोबाटोमा बिहीवार एन्फा महासचिव किरण राईले महर्जनलाई नियुक्तिपत्र हस्तान्तरण गरेका थिए । त्यस्तै टोलीको सहायक प्रशिक्षकमा सुमितकुमार आले र टोली व्यस्थापकमा राज महर्जन नियुक्त भएका छन् । सहायक प्रशिक्षक आले र टिम म्यानेजर महर्जनलाई पनि महासचिव राईले नियुक्तिपत्र […]
October 13, 2024
काठमाडौं(हाम्रो खेलकुद) – श्रीलंकामा भएको काभा यु २० भलिबल च्याम्पियनसिपमा दोस्रो भएको नेपाली युवा टोली आइतवार स्वदेश फर्केको छ। नेपाल भलिबल संघका अध्यक्ष जीतेन्द्रबहादुर चन्द, महासचिव रोशन श्रेष्ठलगायतले त्रिभुवन अन्तर्राष्ट्रिय विमानस्थलमा टोलीको स्वागत गरेका थिए। कोलम्बोमा शनिवार भएको च्याम्पियनसिप फाइनलमा उज्वेकिस्तानसँग पराजित हुँदै नेपाल दोस्रो भएको हो ।पहिलो सेट जितेको नेपाली टोलीले त्यसपछिका सेटमा कमजोर […]
October 12, 2024
काठमाडौं(हाम्रो खेलकुद) –नेपाली युवा टोली काभा यु २० भलिबल च्याम्पियनसिपमा दोस्रो भएको छ। श्रीलंकाको कोलम्बोमा शनिवार भएको फाइनलमा उज्वेकिस्तानसँग ३-१ ले पराजित हुँदै नेपाल दोस्रो भएको हो । पहिलो सेट जितेको नेपाली टोलीले त्यसपछिका सेटमा कमजोर प्रदर्शन गरेको थियो। उज्वेकिस्तानले नेपाललाई २५-२७,२५-१०,२५-२५-२० ले हराउँदै च्याम्पियन बनेको हो। नेपालले लिग चरणमा उज्वेकिस्तान र किर्गिजस्तानसँग पराजित भएको […]