8 months ago
June 2, 2024
काठमाडौं (हाम्रो खेलकुद) – नेपाल बुद्धिचाल महासंघ र लुम्बिनी इभेन्ट मेनेजमेन्टको संयुक्त आयोजनामा नेसनल चेस च्याम्पियनसिप शनिबार सुरु भएको छ ।
खुल्लातर्फ नेपाल च्याम्पियन फिडे मास्टर क्षितिज भण्डारी , युथ च्याम्पियन पुरुषोत्तम सिलवाल , सिएम मिलन लामा मास्टर , धनुषाका सुशील चौधरी र झापाका राजन सुवेदीले जित निकाल्दै समान १ अंक जोडेका छन्।
क्षितिजले प्रतिस्पर्धामक खेलमा पूर्व नेपाल च्याम्पियन काठमाडौका केशव श्रेष्ठलाई हराए । पुरुषोत्तमले दोलखाका राजिव कार्कीलाई पराजित गरे । मिलनले काठमाडौका प्रेम महर्जनलाई शुसिलले झापाका प्रकाश नेपाल तथा राजनले ललितपुरका सुरोज महर्जनलाई निराश पारे ।
वर्तमान नेपाल च्याम्पियन फिडे मास्टर रुपेश जैशवाललाई श्रुसुरत दाहालले बराबरीमा रोके । राउन्ड रोविनको प्रणालीमा संचालन भइरहेको प्रतियोगितामा महिलातर्फ पूर्व नेपाल च्याम्पियन सिन्दिरा जोशी, मोरङका शान्ति धिमाल कास्कीका पूजा भण्डारी , काठमाडौका विनिता कपाली , रिया श्रेष्ठले र पर्साका सुशिला गुरुङले जित निकालेका छन्।
सिन्दिराले भक्तपुरका श्रेया दुवाल पराजित गरिन् । शान्तिले नेशनल बी छनौटमा उत्कृष्ट प्रदर्शन गरि प्रथम स्थानमा रहेर छनौट भएकी झापाकी कृतिसारा अधिकारीलाई हराइन् । विनिताले अन्सु प्रजापतिलाई पराजित गरिन्। त्यसैगरी रियाले झापाकी पूनम प्रसाईंलाई र सुशिलाले भक्तपुरकी सविना गुजःलाई पराजित गरिन्।
लुम्बिनी इभेन्ट मेनेजमेन्टका प्रबन्ध निर्देशक सुबोधराज शेर्पालीको सभापतित्व रहेको कार्यक्रममा राष्ट्रिय खेलकुद परिषदका सदस्य सचिव टंकलाल घिसिङ र संगितकार शंम्भुराज बाँसकोटाले चेसको गोटी चालेर प्रतियोगिताको उद्घाटन गरे।
६ दिनसम्म चल्ने प्रतियोगितामा नेसनल बीबाट छनौट भएका खुल्लातर्फ र महिलातर्फ ९÷ ९ जना र जना २३ औं नेसनल च्याम्पियनसिपका ३÷३ जना गरि २४ जना खेलाडीहरुको सहभागिता रहेको छ । च्याम्पियनसिपमा खुल्लातर्फ ३ जना र महिलातर्फ उत्कृष्ट ४ जना हंगेरीको बुडापेस्टमा सेप्टेम्बर १० देखि २३ सम्म हुने ४५ औं चेस ओलम्पियाडमा सहभागिता निश्चित गर्नेछन् ।
नेपाल बुद्धिचाल महासंघका वरिष्ठ उपाध्याय तथा कार्यक्रम संयोजक दिपेन राईका अनुसार आर्थिक व्यवस्थापनमा सहकार्य गर्ने हिमालयन प्रपोटी म्यानेजमेन्ट प्रा.लि.भक्तपुर, ओम क्वालिटि फाइबर ग्लास एण्ड ग्रील मेटल इण्ड प्रा.लि. काठमाण्डु , प्रभु बैंक, ग्लोबल आइएमइ बैंक, नेपाल टेलिकम, रुक्मिणी टुर्स एण्ड ट्राभल्सको प्रायोजन रहेको जानकारी गराएका छन् ।
February 5, 2025
पोखरा (हाम्रो खेलकुद)- सुदूरपश्चिम विश्वविद्यालयका मुकेश विष्ट र त्रिभुवन विश्वविद्यालय (टियु) की विना थारुले दोश्रो विश्वविद्यालय खेलकुद महोत्सवको एथलेटिक्सको १ सय मिटर दौडमा बुधबार स्वर्ण जितेका छन् । मुकेश पुरुष तथा विना महिलामा पहिलो भए । पोखरा रंगशालामा बुधवार मुकेशले निर्धारित दूरी ११.२२ सेकेन्डमा पूरा गरे । ११.६५ सेकेन्ड समयमा काठमाडौं विश््रवविद्यालयका विकासकुमार शाह दोश्रो […]
February 4, 2025
काठमाडौं (हाम्रो खेलकुद)- नेपाल चेम्बर अफ कमर्सले विभिन्न खेलकुद र खेलकुदसँग सम्बन्धित सामाग्रीको प्रर्दशनी आयोजनाका लागि विभिन्न संस्थासंग सहकार्यको सम्झौता गरेको छ । चेम्बर अफ कमर्सको शिक्षा एवं खेलकुद समितिले नेपाल खेलकुद पत्रकार मञ्च, माईस इन्टरनेशनल सर्भिस प्रालि, नेपाल स्पोर्टस एण्ड फिटनेश इन्ट्रस्ट्रि तथा नेपाल स्पोर्टस् एशोसिएसनसंग सहकार्यका लागि सम्झौता गरेको हो । नेपाल स्पोर्टस […]
January 27, 2025
सिड्नी (हाम्रो खेलकुद) – नेपाली पुरुष राष्ट्रिय भलिबल टोलीका सदस्य रविन चन्द ठकुरी दोस्रो अजी फाइनान्स गोर्खा कप पुरुष तथा भेट्रान्स पुरुष भलिबल प्रतियोगिता २०२५ मा सर्वाेत्कृष्ट खेलाडी घोषित भएका छन् । म्याग्दी प्रवासी नेपाली संघ (मोना) अस्ट्रेलियालाई च्याम्पियन बनाउन सानदार प्रदान गरेका उनी प्रतियोगिताकै सर्वाेत्कृष्ट खेलाडी घोषित भएका हुन् । विभागीय नेपाल पुलिस क्लबबाट […]
