5 months ago
May 14, 2024
काठमाडौँ — चौंथो नेपाल ई–स्पोर्ट्स च्याम्पियनसिप तथा एक्स्पो २०२४ तयारी पूरा भएको छ । भृकुटीमण्डपस्थित एक्स्पो हलमा मंगलबारदेखि सुरु हुने च्याम्पियनसिप तथा एक्स्पो माइस इन्टरनेसनल सर्भिस प्रालि र नेपाल ई–स्पोर्ट्स एसोसिएसन (नेसा) ले संयुक्त रूपमा आयोजना गनै लागेको हुन् ।
वैशाख ४ गते सम्म हुने च्याम्पियनसिप तथा एक्स्पोका दौरान नेपाल स्पोर्ट्स कन्क्लेभ तथा स्पोर्ट्स फिटनेस एक्स्पो हुनेछ ।
माइस इन्टरनेसनलका प्रवन्ध निर्देशक दीपक थापाले नेपाल ओलम्पिक कमिटी (एनओसी) सहित विभिन्न खेल संघ र संस्थाबीच नेटवर्किङ र समन्वय गर्ने उद्देश्यले कार्यक्रम गरिएको सोमबार पत्रकार सम्मेलनमा बताए ।
नेसाका अध्यक्ष सुरज डंगोलले चौथो ई–ंस्पोर्टस च्याम्पियनसिपबाट १६ औं अन्तर्राष्ट्रिय वर्ल्ड ई स्पोर्ट्स च्याम्पियनसिपका लागि खेलाडी छनोट गरिने जानकारी दिए । वल्र्ड इ स्पोर्टस च्याम्पियनसिप नोभेम्बर ११ देखि १९ सम्म साउदी अरबको रियादमा हुनेछ ।
स्पोर्ट्स कन्क्लेभमा खेलकुद क्षेत्रका बारेमा बृहत् संवाद हुनेछ । कन्क्लेभमा खेलाडीको जीवन, खेलकुदमा कर्पोरेट क्षेत्रको आवश्यकता तथा खेलकुदका लागि सरकारको नीति नियमका बारे ३ वटा सेसनमा छलफल हुने प्रवन्ध निर्देशक थापाले बताए ।
त्यस्तै च्याम्पियनसिपमा ई–स्पोटर््सका विभिन्न विधा समावेश गरिएको छ । ईफुटबल, डोटा २, काउन्टर स्ट्राइक (सीएस) २, पब्जीएम, एमएलबीबी ओपन र एमएलबीबी वुमेन प्रतिस्पर्धा हुने बताइएको छ ।
नेपाली खेलकुद, ई–स्पोर्टस र फिटनेस क्षेत्रका लागि एक्स्पो आकर्षणको केन्द्र बन्ने आयोजकको अपेक्षा रहको छ । खेलकुदका पुराना क्लबको इतिहास, खेल सामग्री उत्पादक तथा व्यापारिक कम्पनी, खेल संघ, शैक्षिक संस्था, ई–स्पोर्टसका डिभाइस, एसेसरिज र सर्भिस प्रदायक कम्पनी तथा संस्थाले आ–आफ्ना उत्पादन तथा सेवा प्रदर्शनीमा राख्ने बताइउको छ ।
एनओसीका महासचिव निलेन्द्रराज श्रेष्ठले आफूहरुले डंगोलले नेतृत्व गरेको नेसासँग सहकार्य गरिरहेको बताए । ‘उहाँहरुकै नेतृत्वमा नेपालले एसियाली खेलकुदमा भाग लिएको थियो । उहाँहरुले लामो समयदेखि काम गरिराख्नुभएको छ,’ श्रेष्ठले भने, त्यसैले एनओसीले यहि नेसाको कामलाई नजिकबाट हेरिरहेको छ ।’ राष्ट्रिय खेलकुद परिषदमा केहि साता अघि अलग्गै इस्पोर्टस संघ दर्ता भएको थियो ।
October 17, 2024
काठमाडौं(हाम्रो खेलकुद) – नेपाली राष्ट्रिय फुटसल टोलीको मुख्य प्रशिक्षकमा विक्रम महर्जन नियुक्त भएका छन् । एन्फा कम्प्लेक्स सातदोबाटोमा बिहीवार एन्फा महासचिव किरण राईले महर्जनलाई नियुक्तिपत्र हस्तान्तरण गरेका थिए । त्यस्तै टोलीको सहायक प्रशिक्षकमा सुमितकुमार आले र टोली व्यस्थापकमा राज महर्जन नियुक्त भएका छन् । सहायक प्रशिक्षक आले र टिम म्यानेजर महर्जनलाई पनि महासचिव राईले नियुक्तिपत्र […]
October 13, 2024
काठमाडौं(हाम्रो खेलकुद) – श्रीलंकामा भएको काभा यु २० भलिबल च्याम्पियनसिपमा दोस्रो भएको नेपाली युवा टोली आइतवार स्वदेश फर्केको छ। नेपाल भलिबल संघका अध्यक्ष जीतेन्द्रबहादुर चन्द, महासचिव रोशन श्रेष्ठलगायतले त्रिभुवन अन्तर्राष्ट्रिय विमानस्थलमा टोलीको स्वागत गरेका थिए। कोलम्बोमा शनिवार भएको च्याम्पियनसिप फाइनलमा उज्वेकिस्तानसँग पराजित हुँदै नेपाल दोस्रो भएको हो ।पहिलो सेट जितेको नेपाली टोलीले त्यसपछिका सेटमा कमजोर […]
October 12, 2024
काठमाडौं(हाम्रो खेलकुद) –नेपाली युवा टोली काभा यु २० भलिबल च्याम्पियनसिपमा दोस्रो भएको छ। श्रीलंकाको कोलम्बोमा शनिवार भएको फाइनलमा उज्वेकिस्तानसँग ३-१ ले पराजित हुँदै नेपाल दोस्रो भएको हो । पहिलो सेट जितेको नेपाली टोलीले त्यसपछिका सेटमा कमजोर प्रदर्शन गरेको थियो। उज्वेकिस्तानले नेपाललाई २५-२७,२५-१०,२५-२५-२० ले हराउँदै च्याम्पियन बनेको हो। नेपालले लिग चरणमा उज्वेकिस्तान र किर्गिजस्तानसँग पराजित भएको […]