6 months ago
May 5, 2024
काठमाडौं (हाम्रो खेलकुद)- कञ्चन बस्न्यातले टर्किस एयरलाइन्स विश्व गल्फ कप काठमाडौं छनोटको उपाधि जितेका छन्।
गोकर्ण गल्फ क्लबमा आइतबार ४२ स्टेबलफोर्ड अंक सहित उपाधि जित्दै उनले टर्किस एयरलाइन्स विश्व गल्फ कप फाइनलमा स्थान सुरक्षित गरे। सो प्रतियोगिता आगामी डिसेम्बरमा टर्कीको अन्टालियास्थित ग्लोरिया होटल एण्ड रिसोर्टमा हुनेछ। जहाँ कञ्चनले नेपालको प्रतिनिधित्व गर्नेछन्।
टासी छिरिङ ४० अंक सहित दोश्रो भए। आशीष श्रेष्ठ ३८ अंक सहित तेश्रो भए। विजय श्रेष्ठ आइन्हाउसले ४१ अंक सहित काउन्ट ब्याकमा ग्रसतर्फको उपाधि जिते।
विजय र टासी छिरिङ दुबैले ५-अण्डर पार खेल्दै ४१ अंकमा बराबरी भएपछि विजेताको टुंगो काउन्ट ब्याकमा गरिएको हो। टासी र विजय दुवै एक ह्यान्डीक्याप गल्फर हुन्। ब्याक नाइनमा टासीले २१ अंक जोडेका थिए भने विजयले २३ स्कोर गर्दै पहिलो भएका हुन्।
नवाङ फिन्जो शेर्पाले १३औं होलमा होल-इन-वानको सफलता प्राप्त गरे। उनलाई काठमाडौं इस्तानबुलको राउन्ड ट्रिप टिकट प्रदान गरिएको छ। अनिल सिन्हा र गीता गुरूङले क्लोजेस्ट टु दी पिनको उपाधि जिते।
टर्किस एयरलाइन्सद्वारा प्रायोजित प्रतियोगितामा ९१ गल्फरको सहभागिता रहेको थियो। प्रतियोगिता स्टेबलफोर्ड पद्धतिमा खेलाइएको थियो।
विजयी खेलाडीहरुलाई टर्किस एयरलाइन्स काठमाडौंका जनरल म्यानेजर सेर्कान बसर, रिजनल सेल्स म्यानेजर बेनजिर खान, गोकर्ण गल्फ क्लबका अध्यक्ष सुहृद घिमिरे र क्याप्टेन जोसेफ नाथनले पुरस्कार वितरण गरे।
October 29, 2024
हिमाल खरेल, बिर्तामोड कोशी प्रदेश खेलकुद विकास बोर्डका सदस्य सचिव कृष्ण बस्नेतले सरकारी तलब भत्ता खाएर काम नगर्ने प्रशिक्षक र कर्मचारीलाई राजीनामा दिन आग्रह गरेका छन् । झापा जिल्ला खेलकुद विकास समितिले भद्रपुरमा संयोजन गरेको बस्नेतको निरीक्षण कार्यक्रममा सोमवार उनले भने, ‘काममा मन नलागे राजीनामा दिए हुन्छ, नयाँ तालिमप्राप्त प्रशिक्षक आउँछन् ।’ जिल्लाका अधिकांश प्रशिक्षकहरु […]
October 26, 2024
नेपालगन्ज (हाम्रो खेलकुद)- दशौं धारा नेपालगन्ज म्याराथनको प्रबद्र्धन गर्ने उद्देश्यले शनिवार आयोजना गरिएको राप्तीसोनारी ५ किमी रनको उपाधि अनिषा थारु आयुष केसीले जितेका छन् । निर्धारित दूरी छात्रातर्फ अनिषाले २५ मिनेट २१.०५ सेकेन्ड र छात्रातर्फ आयुषले १९ मिनेट २३ सेकेन्डमा पूरा गरे । नेपालगन्ज म्याराथनको एक दशक यात्रा पूरा गरेको अवसरमा राप्तीसोनारी गाउँपालिका वडा नं […]
October 24, 2024
काठमाडौं (हाम्रो खेलकुद) – कमल थापाले चौथो वीर गणेशमान सिंह राष्ट्रिय टेनिस प्रतियोगितामा बिहीवार दुई उपाधि जितेका छन् । सातदोबाटोस्थित नेपाल टेनिस संघको कोर्टमा भएको प्रतियोगिता कमलले पुरुष ५५ वर्षमाथि र ६५ वर्षमाथि उमेरसमूहको सिंगल्समा गरी दुई उपाधि जितेका हुन् । कमलले ५५ वर्षमाथि उमेरसमूहको फाइनलमा मनोजविक्रम शाहलाई समान ७–६, ७–६ ले हराए । उनले […]