7 months ago
April 11, 2024
काठमाडौं (हाम्रो खेलकुद) – फाल्डो जुनियर टुर नेपाल च्याम्पियनसिपको दोस्रो दिन बिहीबार पनि सद्भाव आचार्य आफ्नो उमेर समूहको शीर्षस्थानमा कायम रहेका छन् । सिद्धान्त सापकोटा र आइन्स्टिना टण्डन आ–आफ्नो उमेर समुहमा शीर्षस्थानमा छन् ।
नेपाल गल्फ संघको आयोजनामा रोयल नेपाल गल्फ क्लबमा जारी च्याम्पियनसिप अन्तर्गत पुरूष १७ देखि २१ वर्ष उमेर समुहमा राष्ट्रिय टोलीका सदस्य सद्भाव आचार्यले ५–ओभर ७३ को स्कोर दर्ज गरे ।
समग्रमा इभन–पार १ सय ३६ सहित ३६ होलको समाप्तीमा सद्भावले संसार विकेलाई १७ स्ट्रोकको फराकिलो अन्तरमा पछि पारेका छन् । यो स्कोरमा सद्भावले उपाधि जित्दै फाल्डो सिरिज एसिया फाइनलमा छनोट हुने संभावनालाई बलियो बनाएका छन् ।
पहिलो दिनको तुलनामा सद्भावले आज खेल बिगारे। पहिलो होलमा नै डबल बोगीको सामना गरे । चौथो होलमा एक सट बचाए भने सातौं होलको बोगीले फ्रन्ट नाइन २–ओभर ३६ मा सकाए । यसपछि १०औं होलमा बर्डी प्रहार गरेपनि ११औं, १२औं, १३औं र १७औं होलमा एक–एक सट खेर फाले। ब्याक नाइन सद्भावले ३–ओभर ३७ मा पूरा गरे ।
दोस्रो स्थानमा रहेका संसारले आज ९–ओभर ७७ मा सकाउँदा समग्रमा १७–ओभर १ सय ५३को स्कोर दर्ज गरे । उनले फ्रन्ट नाइन ४–ओभर ३८ र ब्याक नाइन ५–ओभर ३९ मा खेल पुरा गरेका हुन् । समग्रमा २३–ओभर १ सय ५९ सहित स्वप्निल भट्टराई तेस्रो स्थानमा छन् । उनले आज १३–ओभर ८१ मा खेल सकाए ।
च्याम्पियनसिपको पुरूष १२ देखि १६ वर्ष उमेर समूहमा सिद्धान्त सापकोटा समग्रमा २२–ओभर १ सय ५९ सहित शीर्षस्थानमा उक्लिएका छन् । उनले दोस्रो दिनको खेल १७–ओभर ८५ मा सकाए । यो स्कोरमा उनले सोहम अग्रवाललाई ६ स्ट्रोकले पछि पारेका छन् ।
सोहमले आज २०–ओभर ८८ खेल्दा समग्रमा ४१–ओभर १ सय ७७ स्कोर दर्ज गरे । पहिलो दिनका लिडर इदान्त सिंह साउद समग्रमा ४३–ओभर १ सय ७९ सहित तेस्रो स्थानमा झरे । उनले आज २७–ओभर ९५ मा खेल पूरा गरे।
महिलातर्फ आइन्स्टिना टण्डन समग्रमा ३३–ओभर १ सय ७५ सहित शीर्षस्थानमा उक्लिएकी छिन् । उनले अवानी राईलाई ७ स्ट्रोकले पछि पारिन् । आइन्स्टिनाले आज १४–ओभर ८२ को स्कोर कार्ड तयार पारिन् । समग्रमा ४६–ओभर १ सय ८२ सहित अवानी दोस्रो स्थानमा झरिन् । उनले आज २६–ओभर ९४ मा खेल सकाइन् ।
५४ होलको ३ दिने प्रतियोगितामा पुरूषतर्फ २७ र ४ महिलागरी कुल ३१ खेलाडीको सहभागिता रहेको छ । ३ तीन विधाका विजेता खेलाडीले फाल्डो सिरिज एसिया फाइनल खेल्न पाउनेछन् ।
प्रतियोगिता सकिएपछि ३ विधाको विजेता खेलाडीको स्कोर संघले फाल्डो फाउन्डेसनलाई पठाउने र त्यसपछि स्पेन वा भियतनाममा नेपालका खेलाडीले देशको प्रतिनिधित्व गर्न पाउनेछन् । प्रतियोगितामा काठमाडौं, पोखरा, धरान र चितवनका खेलाडीको सहभागिता रहेको छ ।
October 29, 2024
हिमाल खरेल, बिर्तामोड कोशी प्रदेश खेलकुद विकास बोर्डका सदस्य सचिव कृष्ण बस्नेतले सरकारी तलब भत्ता खाएर काम नगर्ने प्रशिक्षक र कर्मचारीलाई राजीनामा दिन आग्रह गरेका छन् । झापा जिल्ला खेलकुद विकास समितिले भद्रपुरमा संयोजन गरेको बस्नेतको निरीक्षण कार्यक्रममा सोमवार उनले भने, ‘काममा मन नलागे राजीनामा दिए हुन्छ, नयाँ तालिमप्राप्त प्रशिक्षक आउँछन् ।’ जिल्लाका अधिकांश प्रशिक्षकहरु […]
October 26, 2024
नेपालगन्ज (हाम्रो खेलकुद)- दशौं धारा नेपालगन्ज म्याराथनको प्रबद्र्धन गर्ने उद्देश्यले शनिवार आयोजना गरिएको राप्तीसोनारी ५ किमी रनको उपाधि अनिषा थारु आयुष केसीले जितेका छन् । निर्धारित दूरी छात्रातर्फ अनिषाले २५ मिनेट २१.०५ सेकेन्ड र छात्रातर्फ आयुषले १९ मिनेट २३ सेकेन्डमा पूरा गरे । नेपालगन्ज म्याराथनको एक दशक यात्रा पूरा गरेको अवसरमा राप्तीसोनारी गाउँपालिका वडा नं […]
October 24, 2024
काठमाडौं (हाम्रो खेलकुद) – कमल थापाले चौथो वीर गणेशमान सिंह राष्ट्रिय टेनिस प्रतियोगितामा बिहीवार दुई उपाधि जितेका छन् । सातदोबाटोस्थित नेपाल टेनिस संघको कोर्टमा भएको प्रतियोगिता कमलले पुरुष ५५ वर्षमाथि र ६५ वर्षमाथि उमेरसमूहको सिंगल्समा गरी दुई उपाधि जितेका हुन् । कमलले ५५ वर्षमाथि उमेरसमूहको फाइनलमा मनोजविक्रम शाहलाई समान ७–६, ७–६ ले हराए । उनले […]