7 months ago
March 18, 2024
काठमाडौं (हाम्रो खेलकुद) – एपिएफ क्लबले जितबाट आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फको यात्रा सुरु गरेको छ ।
त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा जारी प्रतियोगिताको सोमबार अन्तिम खेलमा एपिएफले जावलाखेल भलिबल क्लबलाई ३–० को सोझो सेटमा हराएको हो । एपिएफले २५–१८,२५–१७,२५–१४ को सहज जित निकालेको थियो ।
समूह बीमा एपिएफ र सुदूरपश्चिम प्रदेश क्वार्टरफाइनलमा पुगेका छन् । दुवै खेल गुमाएको जावलाखेल युथ क्लब प्रतियोगिताबाट बाहिरिएको छ । एपिएफ र सुदूरपश्चिमको खेल समूहको विजेता र उपविजेता टोलीको टुंगो लाग्नेछ ।
सोमबारका अन्य खेलमा त्रिभुवन आर्मी क्लब, गण्डकी, नेपाल पुुलिस क्लब तथा महिलामा एभरेष्ट क्लब र चन्द्रागिरी नगरपालिका न्यु डायमण्ड महिला भलिबल टिम विजयी भएका छन् ।
आर्मीले न्युटन क्लबलाई २५–१५, २५–१२, २५–२० ले हराएको थियो । आर्मीले पहिलो खेलमा गण्डकी प्रदेशलाई ३–० ले हराएको थियो । त्यसअघि गण्डकीले पहिलो जित दर्ता गरेको छ । गण्डकीले मणि मुकुन्द भलिबल क्लब बुटवललाई ३–१ को सेटमा पराजित गर्दै पहिलो जित दर्ता गरेको हो ।
गण्डकीले पहिलो र दोस्रो सेट सहजै २५–१८ र २५–१४ ले सहजै आफ्नो पक्षमा पारेपनि तेस्रो सेट भने २७–२९ ले गुमाउन पुगेको थियो । जितसँगै समूह ‘डी’ बाट गण्डकीले क्वाटरफाइनल पुग्ने सम्भावना जीवितै राखेको छ । अब गण्डकीलाई समूह चरणको अन्तिम खेलमा न्युटनलाई पराजित गर्नुपर्ने हुन्छ ।
मणि मुकुन्दले पनि समूह क्वाटरफाइनलको सम्भावना जीवित राख्न अन्तिम खेलमा आर्मीलाई पराजित गर्नुपर्ने हुन्छ । आर्मीको ६ अंकसहित शीर्षस्थानमा छ । गण्डकी र मणि मुकुन्दको समान ३ अंक छ भने न्युटनले अंकको खाता खोल्न सकेको छैन ।
यसअघि पुरुषतर्फ पुलिसले बुढानिलकण्ठ भलिबल क्लबलाई २५–१९, २५–१४ र २५–२२ को सोझो सेटमा पराजित गर्दै समुह ‘सी’ को विजेता बनेर क्वाटरफाइनलमा पुगेको छ । हारका बावजुत बुढानिलकण्ठ पनि क्वाटरफाइनलमा पुगेको छ ।
आज नै महिलातर्फ तीन भारतीय खेलाडी सम्मिलित एभरेष्ट भलिबल क्लबले आर्मीलाई २४–२६, २५–१७, २५–१७ र २५–२२ ले पराजित गरेको थियो । छ । त्यस्तै न्यु डायमन्डले एपिएफ क्लबलाई २५–१७, १७–२५, २५–१५ र २५–२३ ले हराएको थियो । प्रतियोगिताको चौथो दिन मंगलबार पनि महिलातर्फ २ तथा पुरुषतर्फ ४ गरि ६ टोलीको सहभागिता रहनेछ ।
पुरुषतर्फ समूह ए मा हेल्प नेपाल स्पोर्ट्स क्लब, कोशी प्रदेश र ढोरपाटन क्लब छन् । समूह बी मा नेपाल एपिएफ क्लब, सुदूरपश्चिम प्रदेश र जावलाखेल भलिबल प्रशिक्षण केन्द्र छन् । समूह सी मा नेपाल पुलिस क्लब, कर्णाली प्रदेश र बुढानिलकण्ठ भलिबल क्लब छन् ।
समूह डी मा त्रिभुवन आर्मी क्लब, गण्डकी प्रदेश, मणिमुकुन्द भलिबल क्लब र न्युटन भलिबल क्लब छन् । राउन्ड रोविन लिगपछि समूहका शीर्ष दुई टोली क्वार्टरफाइनलमा पुग्नेछन् ।
नेपाल भलिबल संघको आयोजना तथा राष्ट्रिय वाणिज्य बैंकको मुख्य प्रायोजनमा ८ दिनसम्म चल्ने प्रतियोगितामा महिलातर्फ ७ र पुरुषतर्फ १३ टोलीको सहभागिता छ । दुवैतर्फको विजेता टोलीले ५ लाख, दोस्रो टोलीले २ लाख र तेस्रो टोलीले १ लाख २५ हजार रुपैयाँ प्राप्त गर्नेछ ।
October 29, 2024
हिमाल खरेल, बिर्तामोड कोशी प्रदेश खेलकुद विकास बोर्डका सदस्य सचिव कृष्ण बस्नेतले सरकारी तलब भत्ता खाएर काम नगर्ने प्रशिक्षक र कर्मचारीलाई राजीनामा दिन आग्रह गरेका छन् । झापा जिल्ला खेलकुद विकास समितिले भद्रपुरमा संयोजन गरेको बस्नेतको निरीक्षण कार्यक्रममा सोमवार उनले भने, ‘काममा मन नलागे राजीनामा दिए हुन्छ, नयाँ तालिमप्राप्त प्रशिक्षक आउँछन् ।’ जिल्लाका अधिकांश प्रशिक्षकहरु […]
October 26, 2024
नेपालगन्ज (हाम्रो खेलकुद)- दशौं धारा नेपालगन्ज म्याराथनको प्रबद्र्धन गर्ने उद्देश्यले शनिवार आयोजना गरिएको राप्तीसोनारी ५ किमी रनको उपाधि अनिषा थारु आयुष केसीले जितेका छन् । निर्धारित दूरी छात्रातर्फ अनिषाले २५ मिनेट २१.०५ सेकेन्ड र छात्रातर्फ आयुषले १९ मिनेट २३ सेकेन्डमा पूरा गरे । नेपालगन्ज म्याराथनको एक दशक यात्रा पूरा गरेको अवसरमा राप्तीसोनारी गाउँपालिका वडा नं […]
October 24, 2024
काठमाडौं (हाम्रो खेलकुद) – कमल थापाले चौथो वीर गणेशमान सिंह राष्ट्रिय टेनिस प्रतियोगितामा बिहीवार दुई उपाधि जितेका छन् । सातदोबाटोस्थित नेपाल टेनिस संघको कोर्टमा भएको प्रतियोगिता कमलले पुरुष ५५ वर्षमाथि र ६५ वर्षमाथि उमेरसमूहको सिंगल्समा गरी दुई उपाधि जितेका हुन् । कमलले ५५ वर्षमाथि उमेरसमूहको फाइनलमा मनोजविक्रम शाहलाई समान ७–६, ७–६ ले हराए । उनले […]