10 months ago
March 2, 2024
विराटनगर (हाम्रो खेलकुद)– कोशी प्रदेशले दोस्रो राष्ट्रिय डोरी तान प्रतियोगिताको उपाधि जितेको छ । विराटनगरमा शनिबार भएको डोरीतानको फाइनलमा एपिएफ क्लबलाई २–० सेटले हराउँदै कोशी च्याम्पियन बनेको हो ।
नेपाल डोरी तान संघको आयोजनामा भएको दुई दिने प्र्रतियोगितामा कोशी,एपिएफसहित बाग्मती प्रदेश, मधेस प्रदेश, लुम्बिनी प्रदेश, कर्णाली प्रदेश, त्रिभुवन आर्मी क्लब, नेपाल पुलिस क्लब गरि ८ टोलीको सहभागिता रहेको संघका प्राविधिक विभागका सदस्य एवंम प्रतियोगिताका प्राविधिक संयोजक युवराज चौधरीले जानकारी दिए ।
प्रतियोगिताको संयोजन तथा व्यवस्थापन कोशी प्रदेश डोरी तान संघले गरेको डोरी तान संघका महासचिव विमल पौडेलले जानकारी दिए । ८ टोलीलाई दुई समूहमा विभाजित गरि लिग कम नकआउटका आधारमा प्रतिस्पर्धा गराइएको थियो । समूह चरणका शीर्ष २ टोली सेमिफाइनल पुगेका थिए ।
सेमिफाइनलमा कोशीले आर्मी र एपिएफले पुलिसलाई २–० सेटले हराएको थियो । प्रतियोगिताको विजेता टोलीले १ लाख र दोस्रो टोलीले ५० हजार रुपैयाँ प्राप्त गरे । विराटनगर महानगरपालिकाका प्रमुख नागेश कोइरालालगायतले विजेता, उपविजेता टोलीलाई पुरस्कृत गरे ।
January 8, 2025
काठमाडौं (हाम्रो खेलकुद)- कर्णाली प्रदेशमा हुने दसौं राष्ट्रिय खेलकुदको सचिवालय उदघाटन गरिएको छ। त्रिपुरेश्वरस्थित राष्ट्रिय खेलकुद परिषद (राखेप) मा बुधवार युवा तथा खेलकुद मन्त्री तेजुलाल चौधरीले सचिवालयको उद्घाटन गरे। राखेपले दसौं राष्ट्रिय खेलकुद चैत २३ गते देखि ३० गतेसम्म कर्णाली प्रदेशमा गर्ने गरि मन्त्री परिषदलाई सिफारिस गर्ने निर्णय गरेको थियो । सचिवालयको उद्घाटन गरेपछि मन्त्री […]
January 8, 2025
काठमाडौं (हाम्रो खेलकुद)- बंगलादेश एमेच्योर गल्फ च्याम्पियनसिपको ३८औं संस्करणको पहिलो दिन बुधवार नेपालका सदभाव आचार्य शीर्ष स्थानमा रहेका छन्। ३-अन्डर ६९ उत्कृष्ट स्कोर सहित सदभाव शीर्षस्थानमा रहन सफल भएका हुन्। उनले आयोजक बंगलादेशका मोहम्मद शाहबुद्दिनलाई ३ स्ट्रोकले पछि पारे। ढाकास्थित कुर्मितोला गल्फ क्लबमा आज सुरु भएको प्रतियोगितामा युवा गल्फर सदभावले बोगी रहित राउन्ड खेले। पहिलो […]
January 8, 2025
सुमन अधिकारी,बुटवल बुटवलमा जारी मदन भण्डारी गोल्डकप इन्डो–नेपाल रनिङ शिल्ड पुरुष भलिबल च्याम्पियनसिप–२०८१ को फाइनलमा विभागिय टोली नेपाल पुलिस क्लब र त्रिभुवन आर्मी क्लब भिड्ने भएका छन् । मंगलवार भएको पहिलो सेमिफाइनलमा पुलिस र बुधवार भएको दोस्रो सेमिफाइनलमा आर्मीले जित निकाल्दै फाइनलमा एकअर्कासँग भेट पक्का गरेका हुन् । आज आर्मीले सेमिफाइनलमा मणिमुकुन्द भलिबल क्लबलाई २५–१८, […]
