सुदूरपश्चिम र आयोजकको जित

काठमाडौं (हाम्रो खेलकुद) –मधेश प्रदेशको धनुषामा जारी प्रथम मदन भण्डारी कप राष्ट्रिय महिला हक्की प्रतियोगितामा बुधबार सुदूरपश्चिम प्रदेशले जित हात पारेको छ ।

३ खेलाडीले ह्याट्रिकमा सुदूरपश्चिमले बागमती प्रदेशलाई ११–० को फराकिलो गोलअन्तरले पराजित ग¥यो । आशिका एसके, ‘प्लेयर अफ द म्याच’ बुलबुल कुमारी र सरिता उराव झागढले ह्याट्रिक गरे । सन्जनाकुमारी भारती र नमिता एसकेले समान १ गोल गरे ।

मधु राईले ह्याट्रिक गरेको खेलमा आयोजक मदन भण्डारी स्पोर्ट्स एकेडेमीले कोशी प्रदेशलाई ७–१ गोलले हरायो । ‘प्लेयर अफ द म्याच’ सुनिता नेगीले २ तथा पूर्णिमा राई र जाग्रिती यादवले समान१ गोल गरे । गण्डकी प्रदेश र लुम्बिनीबीचको खेल गोलरहित बराबरीमा सकियो ।