काठमाडौं (हाम्रो खेलकुद )- वीर गणेशमान सिंह स्पोर्टस कमिटीको आयोजनामा अर्को महिना छैटौं गणेशमान सिंह राष्ट्रिय बक्सिङ प्रतियोगिता आयोजना हुने भएको छ।

गणेशमान सिंह फाउन्डेसन अन्तरगत रहेको स्पोर्टस कमिटीले चैत १३ देखि १७ गतेसम्म राष्ट्रिय खेलकुद परिषद्को त्रिपुरेश्वरस्थित कभर्ड हलमा हुने मंगलबार पत्रकार सम्मेलनमा जानकारी दिइयो।

नेपाल बक्सिङ संघको‌ सहकार्य र प्राविधिक सहयोगमा ५ दिन सम्म संचालन हुने प्रतियोगितामा महिलातर्फ ६ र ७ वटा गरि १३ तौल समूहमा प्रतिस्पर्धा हुने बताइएको छ ।

महिला तर्फ ५० केजी, ५४,५७, ६०, ६६ र ७५ केजी तथा
पुरुष तर्फ ५१ , ५७ , ६३.५,७१, ८०, ९२ र ९२ केजी भन्दा माथिको तौल समूह समावेश गरिएको प्रतियोगिताका संयोजक प्रभाषमान सिंहले जानकारी दिए।

प्रत्येक तौल समुहको विजेताले‌२५ , दोस्रोले १५ हजार र संयुक्त रुपमा तेस्रो हुने २ खेलाडीले ७ हजार ५ सय रुपैयाँ प्राप्त गरेका छन्।

प्रतियोगितामा महिला र पुरुष तर्फ उत्कृष्ट खेलाडी घोषित गरि पुरस्कृत गरिनेछ । यस पटकबाट उत्कृष्ट रेफ्रि र प्रशिक्षक समेत घोषित गरि पुरस्कृत गरिने बताइएको छ।

३ विभागिय र ७ प्रदेशका करिव १ सय ५० खेलाडीको सहभागिता रहने बताइएको छ । प्रतियोगिता संचालन गर्न ५५ लाख रुपैयाँ खर्च हुने अनुमान गरिएको छ ।
यसैबीच चौथो वीर गणेशमान सिंह १० किमी दौड २०८१ वैशाख १५ गते आयोजना हुने जानकारी दिइएको छ।