गोर्खाली रग्वीसँग एपिएफको हार

काठमाडौं (हाम्रो खेलकुद) – काठमाडौंमा जारी फिफ्टिन्स रग्वी लिगमा गोर्खाली रग्वी क्लबले लगातार दोस्रो जित निकालेको छ ।

दशरथ रंगशालामा लिग चरणमा खेलमा बुधबार गोर्खाली रग्वीले एपिएफ क्लबलाई पराजित ग¥यो । लगातार दोस्रो जित निकाल्ने क्रममा गोर्खाली रग्वीले एपीएफलाई ४९–२० को स्कोरमा हरायो । ६ अंकका साथ गोर्खाली तालिकाको शीर्ष स्थानमा उक्लिएको छ । एपिएफ ४ अंकसहित तेस्रो स्थानमा झरेको छ ।

अर्को खेलमा त्रिभुवन आर्मी क्लबले नेपाल पुलिस क्लबलाई पराजित ग¥र्यो । आर्मीले प्रतियोगितामा पहिलो जित दर्ता गर्ने क्रममा पुलिसलाई ५३–७ ले पन्छायो । जित सहित आर्मी ४ अंक जोडेर दोस्रो स्थानमा उक्लिएको छ । एपिएफसँग समान अंक भएपनि आर्मी स्कोरका आधारमा दोस्रो स्थानमा छ । पुलिस २ अंक सहित चौथौं स्थानमा छ ।

प्रतियोगिता अन्तर्गत शनिबार लिग चरणका अन्तिम खेलहरु हुनेछन् । अन्तिम चरणमा पुलिस र एपिएफ तथा गोर्खाली रग्वी र आर्मी क्लब भिड्ने छन् ।

नेपाल रग्वी संघले आयोजना गरेको प्रतियोगितामा ४ टोलीको सहभागिता छ । प्रतियोगिताको विजेता टोलीले १ लाख र दोस्रो हुने टोली ५० हजार रुपैयाँ पाप्त गर्नेछन् । प्रतियोगितामा उत्कृष्ट प्रर्दशन गर्ने खेलाडीलाई समावेश गरेर राष्ट्रिय टोली तयार पार्ने रग्वी संघले जनाएको छ ।