कर्णालीको खेल पोशाक दर्ता प्रक्रिया राखेपमा

काठमाडौं (हाम्रो खेलकुद) – कर्णाली प्रदेश खेलकुद विकास परिषद्ले आफ्ना प्रदेशका खेलाडीले दसौं राष्ट्रिय खेलकुदलगायत विभिन्न प्रतियोगितामा प्रयोग गर्न खेल पोशाक तयार पारेको छ ।

कर्णाली प्रदेश खेलकुदले सोही खेल पोशाक दर्ताका प्रक्रियाका लागि राष्ट्रिय खेलकुद परिषद्लाई बुधबार हस्तान्तरण गरेको छ । कर्णाली प्रदेश खेलकुद विकास परिषद्का सदस्य–सचिव विश्वमित्र सन्ज्यालले खेल पोशाकको नमुना राष्ट्रिय खेलकुद परिषद्का सदस्य–सचिव टंकलाल घिसिङलाई हस्तान्तरण गरे ।

सो अवसरमा सदस्य–सचिव घिसिङले खेलकुदमा खेल पोशाकको ठूलो महत्व हुने बताउदै कर्णाली प्रदेश खेलकुद विकास परिषद्ले कर्णालीको पहिचान झल्कने पोशाक तयार गरेर कर्णालीको पहिचान र उचाईलाई अझ माथि पु¥याउन सहयोग पुग्ने विश्वास व्यक्त गरे । सदस्य–सचिव सन्ज्यालले खेलाडीले मार्च पास्टमा प्रयोग गर्ने पोशाक बनाउने कार्यको तयारी भइरहेको जानकारी दिए ।

दसौं राष्ट्रिय खेलकुद कर्णालीमा २०८१ मंसिर १ देखि ९ गते सम्म गर्ने यसअघि नै घोषणा भइसकेको छ । राष्ट्रिय खेलकुदलाई मध्यनजर गर्दै कर्णाली प्रदेशले प्रदेशको गौरवको योजनाका रुपमा कर्णाली रंगशालासहित अन्य भौतिक पूर्वाधार निर्माण गरिरहेको छ ।