सुमन अधिकारी, बुटवल

रुपन्देहीको तिलोत्तमामा जारी नवौं मणिमुकुन्द कप राष्ट्रियस्तरको पुरुष भलिबल प्रतियोगिताको तेस्रो दिन आइतबार बिहान भएको खेलमा त्रिभुवन आर्मी क्लब विजयी भएको छ ।

लगातार दोस्रो खेल जित्ने क्रममा आर्मीले कोशी प्रदेशलाई ३–० को सोझो सेटमा हरायो । आर्मीले २५–२०, २५–१३ र २७–२५ मा खेल जितेको हो । पहिलो र अन्तिम सेटमा कोशीले आर्मीमाथि दबाब बनाएको भएपनि सफलता भने हात लागेन ।

प्रतियोगिताको दाबेदार आर्मीले समूह चरणमा अर्को खेलम नेपाल पुलिस क्लब र फागुन २ गते सुदूरपश्चिम प्रदेशसंग गर्ने छ । समुह एमा आर्मीसहित पुलिस, सुदुरपश्चिम, कोशी र मधेश प्रदेश रहेका छन् ।

आइतबार आजै लुम्बिनी प्रदेश र बागमती प्रदेश, पुलिस र मधेश तथा नेपाल एपिएफ क्लब र कर्णाली प्रदेशबीच खेल हुनेछ ।

प्रदेश खेलकुद परिषद, लुम्बिनीको मुख्य प्रायोजन, नेपाल भलिबल संघको संयोजन तथा मणिमुकुन्द भलिबल क्लब, रुपन्देहीको आयोजनामा शुक्रवारबाट सुरु भएको प्रतियोगितामा सहभागी १० टिमलाई दुई समुहमा विभाजन गरि प्रतिप्रस्पर्धा गराइएको छ ।

जसमा समुह ए मा रहेका कोशी प्रदेश र नेपाल आर्मीले समान २ खेलमा जित हात पारेका छन् । पुलिसले १ खेल जितेको छ । यसै मधेश र सुदूरपश्चिम दुबै खेलमा पराजित भएका छन्

त्यसैगरि समुह बी मा रहेको बागमति प्रदेश २ खेल जित्दै शिर्ष स्थानमा रहेको छ । लुम्बिनी प्रदेशले खेलेको २ खेलमा १ मा जितेको छ भने अर्कोमा हार व्यहोरेको छ । सोहि समुहमा रहेको गण्डकिले १ खेल जितेको छ‌।

कर्णाली प्रदेश खेलेका दुबै खेलमा पराजित भएको छ ।
प्रतियोगितामा प्रथम हुनेले २ लाख १ रुपैया, दोस्रोले १ लाख ५० हजार १ रुपैंया, तेस्रोले १ लाख १ रुपैया तथा चौथोले ५० हजार १ रुपैंया पाउनेछन्।