9 months ago
February 3, 2024
काठमाडौं (हाम्रो खेलकुद)– नेपाल एपिएफ क्लब र चन्द्रागिरी नगरपालिका न्यु डायमण्ड महिला टिमले शनिबार ढोरपाटन महिला भलिबल डबल लिग च्याम्पियनसिपको दोस्रो चरणमा एकै दिन दोहोरो जित हासिल गरेको छन् ।
ढोरपाटन स्पोर्टस क्लबको आयोजनामा गोगंबु बसपार्क नजिक डिभी मार्केटसँगैको कोर्टमा जारी प्रतियोगिताको नवौं दिन एपिएफले एन्जल्स हार्ट र धादिङ स्पोर्टस क्लबलाई समान ३–० ले हरायो ।
त्यस्तै न्यु डायमण्डले धादिङ र त्रिभुवन आर्मी क्लबलाई समान ३–० ले पराजित गर्यो । एपिएफ शीर्षस्थानमा थप मजबुत हुँदा न्यु डायमण्ड पुनः अंकतालिकाको दोस्रो स्थानम उक्लेको छ । अर्को खेलमा नेपाल पुलिस क्लब विजयी भएको छ । धादिङ र एन्जल्स हार्टले दुबै खेल गुमाए ।
एपिएफले एन्जल्स हार्टलाई २५–३,२५–११,२५–१६ ले र धादिङलाई २५–१०,२५–८, २५–७ ले हराएको थियो । न्यु डायमण्डले धादिङलाई २५–४,२५–११ र २५–१६ र आर्मीलाई २५–१९,२५–११,२५–१६ ले पराजित गरेको थियो । पहिलो चरणमा न्यु डायमण्डले आमईलाई ३–२ ले हराएको थियो । पुलिसले एन्जल्स हार्टलाई २५–४,२५–११,२५–१६ ले हराएको थियो ।
अन्तिम दुई दिनको खेल बाँकी रहँदा एपिएफको २९ अंक पुगेको छ । दोस्रो स्थानमा उक्लेको न्यु डायमण्डको २४ अंक छ । तेस्रो स्थानको आर्मीको १९ अंक र पुलिसको १८ अंक छ । एन्जल्स हार्टको १२ र धादिङको ६ अंक छ । जावलाखेल भलिबल ट्रनिङ क्लब र बागमती प्रदेश पहिलो चरणबाट बाहिरिएका थिए ।
ढोरपाटनको १६ औं संस्करणको उत्कृष्ट खेलाडी र वर्षको उत्कृष्ट खेलाडीले एम्पियरको स्कुटर प्राप्त गर्नेछन् । प्रतियोगिताको विजेता टोलीले ५ लाख १ हजार, दोस्रो टोलीले २ लाख ५० हजार, तेस्रो टोलीले १ लाख २५ हजार, चौथो टोलीले ७५ हजार, पाँचौं टोलीले ५० हजार र छैटौं टोलीले २५ हजार रुपैयाँ प्राप्त गर्नेछ ।
October 29, 2024
हिमाल खरेल, बिर्तामोड कोशी प्रदेश खेलकुद विकास बोर्डका सदस्य सचिव कृष्ण बस्नेतले सरकारी तलब भत्ता खाएर काम नगर्ने प्रशिक्षक र कर्मचारीलाई राजीनामा दिन आग्रह गरेका छन् । झापा जिल्ला खेलकुद विकास समितिले भद्रपुरमा संयोजन गरेको बस्नेतको निरीक्षण कार्यक्रममा सोमवार उनले भने, ‘काममा मन नलागे राजीनामा दिए हुन्छ, नयाँ तालिमप्राप्त प्रशिक्षक आउँछन् ।’ जिल्लाका अधिकांश प्रशिक्षकहरु […]
October 26, 2024
नेपालगन्ज (हाम्रो खेलकुद)- दशौं धारा नेपालगन्ज म्याराथनको प्रबद्र्धन गर्ने उद्देश्यले शनिवार आयोजना गरिएको राप्तीसोनारी ५ किमी रनको उपाधि अनिषा थारु आयुष केसीले जितेका छन् । निर्धारित दूरी छात्रातर्फ अनिषाले २५ मिनेट २१.०५ सेकेन्ड र छात्रातर्फ आयुषले १९ मिनेट २३ सेकेन्डमा पूरा गरे । नेपालगन्ज म्याराथनको एक दशक यात्रा पूरा गरेको अवसरमा राप्तीसोनारी गाउँपालिका वडा नं […]
October 24, 2024
काठमाडौं (हाम्रो खेलकुद) – कमल थापाले चौथो वीर गणेशमान सिंह राष्ट्रिय टेनिस प्रतियोगितामा बिहीवार दुई उपाधि जितेका छन् । सातदोबाटोस्थित नेपाल टेनिस संघको कोर्टमा भएको प्रतियोगिता कमलले पुरुष ५५ वर्षमाथि र ६५ वर्षमाथि उमेरसमूहको सिंगल्समा गरी दुई उपाधि जितेका हुन् । कमलले ५५ वर्षमाथि उमेरसमूहको फाइनलमा मनोजविक्रम शाहलाई समान ७–६, ७–६ ले हराए । उनले […]