7 months ago
February 2, 2024
महेन्द्रनगर (हाम्रो खेलकुद) – गण्डकी प्रदेशकाे पुरुष भलिबल टोली तेस्रो मुख्यमन्त्री कप पुरुष राष्ट्रिय भलिबल प्रतियोगिताको फाइनलमा प्रवेश गरेको छ ।
कञ्चनपुरको महेन्द्रनगरमा शुक्रबार भएको पहिलो सेमिफाइनलमा विभागीय नेपाल पुलिस क्लबमाथि ३–२ को प्रतिस्पर्धात्मक र रोमाञ्चक जित निकाल्दै गण्डकीले फाइनलको यात्रा तय गरेको हो ।
पहिलो सेट २०–२५ ले गुमाएको गण्डकीले दोस्रो सेट सहजै २५–१५ ले आफ्नो पक्षमा पार्यो । तेस्रो सेटमा गण्डकीको प्रदर्शन फितलो रहँदा १९–२५ ले गुमाउन पुग्यो ।
चौथो सेटमा एक समय गण्डकी १६–१० ले अघि रहेपनि लगातार अंक गुमाउन पुग्दा खेल २३–२३ को बराबरीमा पुगेको थियो । त्यसपछि गण्डकीले गेम प्वइन्टको अवसर पाएपनि पुलिसले अग्रता बढाउँदै म्याच प्वाइन्टमा पुगेको थियो । पछि गण्डकीले अग्रता लिदै ३१–२९ को प्रतिस्पर्धात्मक जित निकाल्न सफल भयो ।
निर्णायक तथा पाँचौं सेटमा गण्डकीले सानदार प्रदर्शन गर्दा पुलिसको प्रदर्शन निकै फितलो देखियो । सुरुमै ३–० को अग्रता लिएर अघि बढेको गण्डकीले १५–७ को जित निकाल्दै फाइनलमा स्थान पक्का गर्यो ।
अब गण्डकीले फाइनलमा शनिबार आर्मी र एपिएफबीचको विजेतासँग खेल्नेछ । आर्मी र एपिएफबीच अहिले फाइनल प्रवेशका लागि खेल भइरहेको छ ।
सुदूरपश्चिम खेलकुद परिषद्को आयोजना एवं कञ्चनपुर जिल्ला भलिबल संघको व्यवस्थापनमा भइरहेको प्रतियोगिताको विजेताले ४ लाख, उपविजेताले २ लाख र तेस्रो हुने टिमले १ लाख नगदसहित ट्रफी, मेडलका साथै प्रमाणपत्र प्रदान गरिने छ । चौथो हुने टिमलाई सान्त्वना स्वरूप ५० हजार नगद पुरस्कारसमेत प्रदान गरिनेछ ।
प्रतियोगिताको सर्वोत्कृष्ट खेलाडीलाई २० हजार, विभिन्न उत्कृष्ट ६ विधाका खेलाडीलाई जनही १० हजारका दरले पुरस्कार प्रदान गरिनेछ ।
प्रतियोगितामा सात प्रदेशसँगै तीन विभाग एपिएफ, पुलिस र आर्मी गरी १० टोलीले लिग कम नकआउटको आधारमा प्रतिस्पर्धा गरेका छन् ।
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
पोखरा (हाम्रो खेलकुद)- लामाचौर कप भलिबल प्रतियोगिताको पुरुषतर्फ नेपाल पुलिस क्लब च्याम्पियन बनेको छ । शनिवार भएको फाइनलमा एपिएफलाई ३-२ को सेटमा हराउँदै पुलिसले उपाधि जितेको हो । नव आदर्श सामुदायिक विकास समाजले आफ्नो वार्षिकोत्सव तथा हरितालिका तीजको अवसरमा लामाचौर कप राष्ट्रिय भलिबल च्याम्पियनसिपको आयोजना गरेको थियो । पुलिसले पहिलो सेट २५–१६ को सहज जित […]