11 months ago
February 1, 2024
काठमाडौं (हाम्रो खेलकुद)- एनएसजेएफ पल्सर स्पोर्टस अवार्डको मोबिलिटी पार्टनरको रूपमा राइड सेयरिङ एप ई–ड्राइभ आबद्ध भएको छ ।
होटल याक एण्ड यतिमा माघ २८ गते आयोजना हुने पल्सर स्पोर्टस अवार्डको २० औं संस्करणला लागि ई–ड्राइभ नेपाल र अवार्ड आयोजक नेपाल खेलकुद पत्रकार मञ्चबीच बिहीबार सह प्रायोजनसम्बन्धी सम्झौता भएको छ ।
सम्झौता पत्रमा मञ्चका अध्यक्ष दुर्गानाथ सुवेदी (देवेन्द्र) र ई–ड्राइभ नेपालका अध्यक्ष राजेश मास्केले हस्ताक्षर गरे ।
नेपालमा भर्खरै विद्युतीय ट्याक्सीको अवधारणा भित्र्याउने ई–ड्राइभ नेपाल प्रतिष्ठित पल्सर स्पोर्ट्स अवार्डसँग जोडिन पाउँदा हर्षित भएको बताउँदै ई–ड्राइभका अध्यक्ष मास्केले आगामी दिन यो सहकार्यलाई थप मजबुत बनाउने बताए ।
मञ्चका अध्यक्ष सुवेदीले स्पोर्ट्स अवार्डको दायरा फराकिलो पार्ने क्रममा यस वर्ष फरक फरक क्षेत्रसँग सहकार्य गरिएको बताउँदै ई–ड्राइभसँगको सम्झौताले सवारी प्रदूषणबाट आक्रान्त स्थिति वातावरण सचेतनामा केही योगदान पुग्न विश्वास व्यक्त गरे।
९ विधामा प्रदान गरिने पल्सर स्पोर्ट्स अवार्डको पिपल्स च्वाइस विधाको मनोनयन सार्वजनिक भइसकेको छ ।
पिपल्स च्वाइसमा फुटबलका अनन्त तामाङ, करातेका विप्लवलाल श्रेष्ठ, भलिबलकी निरुता ठगुन्ना, टेबलटेनिसकी सिक्का सुवाल श्रेष्ठ र शारीरिक सुगठनकी रजनी श्रेष्ठ मनोनयनमा छन् ।
पल्सर स्पोर्ट्स अवार्ड २०७९ को अन्य विधामा वर्षका उत्कृष्ट पुरुष, महिला र युवा तथा प्रशिक्षक विधाको मनोनयन छिटै सार्वजनिक गरिने मन्चले जनाएको छ।
पारा एथलिट सम्मान, स्पेसल अवार्ड, लाइफटाइम एचिभमेन्ट अवार्ड र एसियन स्पोर्ट्स जर्नालिस्ट अवार्डको घोषणा कार्यक्रमकै दिन घोषणा हुनेछ ।
यस पटक वर्ष पुरुष, महिला, युवा, प्रशिक्षक र पिपल्स च्वाइस गरी पाँच विजेताले जनही बजाज पल्सर मोटरसाइकल पाउनेछन् ।
तीमध्ये दुई वटा एन २५० र तीन वटा एन १६० मोटरसाइकल रहेको छ । अन्य विधाका विजेतालाई जनही ५० हजार रुपैयाँ र गिफ्ट ह्याम्पर प्रदान गरिनेछ ।
स्पोर्ट्स अवार्डका अन्य सह–प्रायोजक तथा सहयोगीमा ई–सेवा, सूर्य नेपाल प्रालि, होटल याक एन्ड यती, युनाइटेड अजोड इन्स्योरेन्स, लालपूर्जा नेपाल, सुबिसु, रोयल सिंगी होटल, प्लाजा गु्रप अफ होटल्स, आईएसएस, राष्ट्रिय खेलकुद परिषद् (राखेप) र नेपाल ओलम्पिक कमिटी छन् ।
December 27, 2024
मेलम्ची (हाम्रो खेलकुद)– नेपाल गोजु–रियो कराते–दो सघं शाखा डोजो मेलम्चीको आयोजनामा अर्को महिना राष्ट्रिय खुला कराते प्रतियोगिता हुने भएको छ । प्रतियोगिता माघ ४ र ५ गते मेलम्चीमा हुनेछ । खेलकुद माध्यमबाट मेलम्ची नगरपालिकालाई र युवा पुस्तालाई खेल क्षेत्रमा आकर्षित गराउने उद्देश्यले प्रतियोगिता आयोजना गर्न लागिएको प्रतियोगिता आयोजक समितिका संयोजक एवम् नेपाल गोजु–रियो कराँते–दो सघंका […]
December 27, 2024
फेयर प्ले प्रकाश तिमल्सिना, काठमाडौं आफूले जे बोल्यो त्यहि सहि र जहाँ उभियो त्यहि ठाँउ ठिक सोच्ने नेपाली खेलकुदको एउटा प्रवृत्ति नै छ । अनेक तानावाना बुनेर पदमा टिकी रहनेहरुको उदाहरण नेपाली खेलकुदमा पर्याप्त छ । उनीहरुलाई लाग्छ आफू विना खेल संघ र खेल अघि बढ्नै सक्दैन । त्यसको एउटा उदाहरण हुन् नेपाल ओलम्पिक कमिटी […]
December 27, 2024
काठमाडौं (हाम्रो खेलकुद)- निरज तामाङले शुक्र बहादुर राईको कुल स्कोरको रेकर्ड बराबरी गर्दै १७-अन्डर १९३ को सानदार स्कोरमा सूर्य नेपाल इस्टर्न ओपनको उपाधि जितेका छन्। आज ५-अन्डर ६५ को स्कोरमा उनले विष्णु प्रसाद शर्मालाई १० स्ट्रोकको फराकिलो अन्तरमा हराउँदै पहिलो पटक इस्टर्न ओपन च्याम्पियन बने। निरजले यसअघि गत सिजन काठमाडौं ओपनको उपाधि जितेका थिए। लयमा […]
