काठमाडौं (हाम्रो खेलकुद) –  चन्द्रागिरी नगरपालिका न्यु डायमण्डको जितपछि त्रिभुवन आर्मी क्लब चौथो टाइगर कप भलिबल प्रतियोगिता महिलातर्फको‌ सेमिफाइनलमा पुगेको छ ।

पोखरामा रंगशालाको हातामा रहेको भलिबल कोर्टमा न्यु डायमण्डले बुधबार भारतको हरियाणा पुलिस टिमलाई ३-० ले हराउँदै समूह ‘बी’ को ६ अंकसहित समूह विजेता बन्यो। आर्मी २ अंकका साथ उपविजेताका रुपमा अन्तिम चारमा पुगेको थियो।

न्यु डायमण्ड २५-१७,२५-१८ र २५-१६ ले विजयी भएको थियो। अब सेमिफाइनलमा एपिएफ र आर्मी तथा न्यु डायमण्ड र नेपालमा पुलिस क्लबबीच हुनेछ।

पुरुषतर्फ सविक विजेता घरेलु टोली गण्डकी, पूर्व विजेता आर्मी र हेल्प नेपाल स्पोर्टस क्लब समूह ‘ए’ तथा एपिएफ, पुलिस र श्रीलंका आर्मी टिम समूह ‘बी’ मा छन् । महिलातर्फ समूह ‘ए’मा एपिएफ र पुलिसका साथ गण्डकी तथा समूह ‘बी’ मा आर्मी, न्यु डायमण्ड र भारतीय हरियाणा टिम छन् । गण्डकी र हरियाणा प्रतियोगिताबाट बाहिरिएका छन् ।

आज पुरुषतर्फ दुई खेल हुनेछ । पुलिस र श्रीलंका आर्मी टिमबीच १२:३० बजे र घरेलु टोली गण्डकी र हेल्प नेपालबीच २:३० बजे खेल सुरु हुनेछ।

महिला र पुरुष दुवै तर्फको विजेता टोलीले समान ५ लाख ५५ हजार ५ सय ५५, दोस्रो हुनेले २ लाख ५५ हजार ५ सय ५५ तथा तेस्रो हुनेले १ लाख २५ हजार ५ सय ५५ रुपैयाँ प्राप्त गर्नेछन् ।