12 months ago
January 13, 2024
काठमाडौं (हाम्रो खेलकुद)- ढोरपाटन महिला भलिबल डबल लिग च्याम्पियनसिपलाई होङवाङ्जीले मुख्य प्रायोजन गरेको छ।
होङवाङ्जी मुख्य र रेडबुल सह प्रायोजकका रुपमा प्रतियोगितामा आबद्ध भएको शनिबार पत्रकार सम्मेलनमार्फत आयोजक ढोरपाटन क्लबका अध्यक्ष मनवीर छन्त्यालले जानकारी दिए।
होङवाङ्जीका कन्ट्री डाइरेक्टर सोनम भुटिया र ढोरपाटनका अध्यक्ष छन्त्यालले सम्झौता पत्रमा हस्ताक्षर गरे। ३ वर्षका लागि होङवाङ्जीले मुख्य प्रायोजन गर्ने सहमति भएको अध्यक्ष छन्त्यालले बताए ।
अब प्रतियोगिताको नाम १६औं ढोरपाटन होङवाङ्जी कप महिला भलिबल लिग रहने बताइएको छ। ढोरपाटनको उत्कृष्ट खेलाडी र वर्षको उत्कृष्ट खेलाडीले एम्पियरको स्कुटर प्राप्त गर्नेछन् ।
आयोजकले काठमाडौंको टोलीलाई खाजा र उपत्यका बाहिरको टोलीलाई आवाससहितको सुविधा दिने बताइएको छ। विष्णु छन्त्याल र कोपिला छन्त्यालले सोही अवसरमा प्रतियोगिताको लागि भलिबल नेट हस्तान्तरण गरे।
गोगंबु बसपार्क नजिक डिभी मार्केटसँगैको कोर्टमा हुने ढोरपाटन लिगमा ३ विभागिय टोली एपिएफ, त्रिभुवन आर्मी क्लब, नेपाल पुलिस क्लबसहित चन्द्रागिरी नगरपालिका न्यु डायमण्ड महिला टिम, एन्जलहार्ट, जावलाखेल युथ क्लब , धादिङ स्पोर्टस क्लब तथा परोपकार वा काठमाडौं जिल्ला भलिबल संघको सहभागिता रहने बताइएको छ ।
प्रतियोगिताको विजेता टोलीले ५ लाख १ हजार, दोस्रो टोलीले २ लाख ५० हजार, तेस्रो टोलीले १ लाख २५ हजार, चौथो टोलीले ७५ हजार, पाँचौं टोलीले ५० हजार र छैटौं टोलीले २५ हजार रुपैयाँ प्राप्त गर्नेछ।
प्रतियोगिताको विधागत उत्कृष्ट खेलाडीले जनही ५ हजार रुपैयाँ र एक्सटेपको जुत्ता प्राप्त गर्नेछन्। चिरायु अस्पताल मेडिकल पार्टनर रहेको प्रतियोगिताको हाम्रो खेलकुदले प्रत्यक्ष प्रसारण गर्नेछ। प्रतियोगिता आयोजनमा ५१ लाख रुपैयाँभन्दा बढी खर्च हुने अनुमान छ ।
कार्यक्रममा राष्ट्रिय भलिबल टोलीका पूर्व कप्तान रेशमबहादुर गुरुङ, प्रकाश थपलिया, पूर्व खेलाडी मीनध्वज खड्काले प्रतियोगिताको सफलताका लागि शुभकामना दिएका थिए।
January 11, 2025
काठमाडौं (हाम्रो खेलकुद) – सदभाव आचार्यले३८औं बंगलादेश एमेच्योर गल्फ च्याम्पियनसिपमा ऐतिहासिक स्वर्ण पदक जितेका छन्। सदभाव यो च्याम्पियनसिप जित्ने पहिलो नेपाली खेलाडी बने। नेपालले सन् १९८८ को दोस्रो संस्करण देखि सहभागिता जनाउँदै आएपनि उपाधि जितेको यो पहिलो पटक हो।ढाका स्थित कुर्मितोला गल्फ क्लबमा अन्तिम दिन शनिवार १-ओभर ७३ स्कोर बनाएका सदभावले समग्रमा ३-ओभर २९१ सहित […]
January 10, 2025
काठमाडौं (हाम्रो खेलकुद)- नेपाल कबड्डी लिग (एनकेएल) को खेल तालिका शुक्रवार सार्वजनिक गरिएको छ । माघ ४ गते हुने उद्घाटन खेलमा काठमान्डु माभरिक्स र पोखरा लेकर्सबिच प्रतिस्पर्धा हुनेछ । एस्ट्रोनिक्स म्यानेजमेन्टले आयोजना गर्ने एनकेएलको पहिलो सिजन फ्रेन्चाइज अवधारणमा ६ सहरका ६ टोलीले प्रतिस्पर्धा गर्दैछन् । विराटनगरले पहिलो खेलमा धनगढी वाइल्डक्याट्सको सामना गर्नेछ । जनकपुर नाइट्सले […]
January 10, 2025
काठमाडौं (हाम्रो खेलकुद)- नेपालका नम्बर एक गल्फर सदभाव आचार्यले ३८औं बंगलादेश एमेच्योर गल्फ च्याम्पियनसिपको तेस्रो दिन शुक्रवार ८-ओभर ८० को निराशाजनक प्रदर्शन गरे। यो स्कोरमा ५४ होलको खेल सकिंदा समग्रमा २-ओभर २१८ सहित चार स्ट्रोकको अग्रता सहित शीर्षस्थानमा कायमै रहे। तर उनले ३६ होलको समाप्तिमा बनाएको ८ स्ट्रोकको सानदार अग्रतालाई जोगाउन सकेनन्। सदभावले बंगलादेशका मोहम्मद […]