default_image

1 year ago

January 12, 2024

दोलखा र भक्तपुर राष्ट्रिय टिम बुद्धिचालको फाइनलमा

509 views

0 Bookmark

ललितपुर (हाम्रो खेलकुद) – दोलखा चेस होम नेपाल र भक्तपुर जिल्ला बुद्धिचाल संघबीच छैटौं तुल्सीलाल स्मृति राष्ट्रिय क्लब टिम च्याम्पियनसिप बुद्धिचाल प्रतियोगिताको उपाधिका लागि प्रतिस्पर्धा हुने भएको छ ।

नेपाल बुद्धिचाल महासंघ र ललितपुर स्पोर्ट्स क्लबको संयुक्त आयोजना जारी प्रतियोगितामा शुक्रबार सम्पन्न नकआउट चरणको पहिलो खेलमा दोलखाले मकवानपुर जिल्ला बुद्धिचाल संघलाई पराजित गर्दै फाइनलमा स्थान बनाएको हो ।

फाइनलमा पुग्ने क्रममा दोलखाले मकवानपुरमाथि २-५ र १-५ को जित हासिल गर्यो । जसमा वर्तमान नेपाल च्याम्पियन रुपेश जैसवाल र कृष्ण थापाबीचको खेल बराबरीमा सकिएको थियो ।

त्यस्तै सुश्रुत दहाल सिन्देश्वर दाशसँग हारे भने मुहान नर्सिङ श्रेष्ठले सुदेन टुईटुईलाई र सुजना लोहनीले अनुस्ना गौतमलाई हराउँदै फाइनलपुर्याएका थिए ।

त्यसैगरी नकआउट चरणको दोश्रो खेलमा भक्तपुरले कोशी प्रदेश बुद्धिचाल संघलाई पराजित गर्दै फाइनलमा दोलखासँगको भेट पक्का गरेको हो । सेमिफाइनल अन्तर्गत क्लासिकल चरण बराबरीमा सकिएपछि खेल टाइब्रेकर गएको थियो । जसमा भक्तपुर विजयी भयो । जित निकाल्ने क्रममा भक्तपुरले कोशीलाई टाइब्रेकरको चार वटै खेलमा पराजित गर्यो ।

क्लासिकल चरणमा भक्तपुरका युवा खेलाडी पुरुषोत्तम सिलवाल र कोशीका प्रकाश चन्द्र नेपाल तथा भक्तपुरका स्वर्णिम दुवाल र कोशीका मिसन दहालबीचको खेल बराबरीमा सकियो ।

भक्तपुरका राजेश कक्षपती कोशीका सविन चन्द्र घिमिरेसँग पराजित भएका थिए । अभिक शाहले कोशीका कृतिशारा अधिकारीलाई हराउँदै टिमलाई स्ट्यान्डर चरणमा बराबरी गर्दै खेललाई टाइब्रेकरमा पुर्याएका थिए ।

टाइब्रेकरमा भक्तपुरका पुरुषोत्तमले‌ कोशीका प्रकाशलाई
, विक्रमले सविनलाई, स्वर्णिमले मिसनलाई र अभिकले कृतिशारालाई हराएपछि टिम ४-० सहित फाइनलमा पुगेको हो। ललितपुरस्थित तुल्सीलाल स्मृती प्रतिष्ठानमा जारी प्रतियोगिताको फाइनल शनिबार हुनेछ ।

राष्ट्रिय स्तरका उत्कृट १९ क्लबले प्रतिस्पर्धा गरेको प्रतियोगितामा विजेताले २ लाख दोस्रो टोलीले १ लाख २० हजार, तेस्रोले ६० हजार र चौथोले ४० हजार रुपैयाँ प्राप्त गर्नेछ।

हरेक बोर्डमा विजयी हुने ४ खेलाडीले जनही १० हजार रुपैयाँ पाउँनेछन् । प्रतियोगितामा कुल ४ लाख ७० हजार रुपैयाँ पुरस्कार रहेको छ।

March 31, 2025

एपिएफ महिन्द्रा स्पोर्टस अवार्ड यसै महिना हुने

काठमाडौं (हाम्रो खेलकुद )- एपिएफ महिन्द्रा स्पोर्टस अवार्ड २०८१ यसै महिनाको अन्त्यमा हुने भएको छ। सशस्त्र प्रहरी बल नेपालको खेलकुद तथा शारीरिक सुगठन शिक्षालयअन्तर्गत नेपाल एपिएफ क्लबको आयोजना र अग्नी ईन्कोपर्पोरेटेड प्रा.लि. महिन्द्राको सहकार्यमा पहिलो पटक अवार्ड हुने लागेको हो । चैत २९ गते हुने अवार्डमा एपिएफ वर्षका उत्कृष्ट खेलाडी महिला,पुरुष,युवा, प्रशिक्षक,टिम, चर्चित खेलाडीसहित नगदसहित […]

March 31, 2025

अस्ट्रेलियामा गल्कोट कप भलिबल हुँदै

सिड्नी (हाम्रो खेलकुद) – अस्ट्रेलियाको सिड्नीमा तेस्रो गल्कोट कप पुरुष भलिबल प्रतियोगिता नेपाली नयाँ वर्ष २०८२ को पहिलो साता आयोजना हुने भएको छ । एक दिने प्रतियोगिता वैशाख ७ गते सिड्नीको लिडकमस्थित ओवर्न बास्केटबल सेन्टरमा हुनेछ । प्रतियोगितामा अस्ट्रेलियाका रहेका नेपाली समुदायका १२ देखि १४ टोलीको सहभागिता रहने आयोजकले जनाएको छ । प्रतियोगिताको पुरस्कार राशि […]

March 24, 2025

घोडचढी संघलाई सम्झौता पालना नगरेकोमा ओसिएको पत्र

काठमाडौं (हाम्रो खेलकुद)- ओलम्पिक काउन्सिल अफ एसिया (ओसिए) ले नेपाल घोडचढी संघका अध्यक्ष रवि राजकर्णिकारले सम्झौता पालना नगरेकोमा आश्चार्य व्यक्त गरेको छ। ओसिएका महानिर्देशक हुसैन अल मुसल्लमले सोमवार राजकर्णिकारलाई नेपाल ओलम्पिक कमिटी (एनओसी) विरुद्ध दायर मुद्दा अझै फिर्ता नलिएकोमा आश्चर्य व्यक्त गरेका हुन् । फागुन २७ गते कुवेतमा ओसिएको रोहवरमा एनओसीका अध्यक्ष जीवनराम श्रेष्ठ र […]

Success

Thank you for your time.