default_image

1 year ago

January 11, 2024

राष्ट्रिय टिम बुद्धिचालको सेमिफाइनल समिकरण पूरा

385 views

0 Bookmark

ललितपुर (हाम्रो खेलकुद) – छैटौं तुल्सीलाल स्मृति राष्ट्रिय क्लब टिम च्याम्पियनसिप बुद्धिचाल प्रतियोगिताको लिग चरणसम्मको खेल समाप्तिसँगै दोलखा चेस होम नेपाल, कोशी प्रदेश चेस संघ, भक्तपुर जिल्ला बुद्धिचाल संघ र मकवानपुर जिल्ला बुद्धिचाल संघ नकआउट चरणमा प्रवेश गरेका छन् ।

नेपाल बुद्धिचाल महासंघ र ललितपुर स्पोर्ट्स क्लबको संयुक्त आयोजना जारी प्रतियोगितामा बिहीबार सम्पन्न लिग चरणको अन्तिम खेलमा रोचक प्रतिस्पर्धा हुन पुगेको थियो ।

प्रतियोगितामा उत्कृष्ट खेल पस्किरहेको दोलखा चेस होम नेपालमाथि कोशी प्रदेश संघले रोमाञ्चक जित निकालेको थियो । जसमा वर्तमान नेपाल च्याम्पियन एफएम रुपेश जैसवालले प्रकाश चन्द्र नेपाललाई हराएका थिए ।

सुश्रुत दहाल र सविन चन्द्र घिमिरेबीचको खेल बराबरीमा सकियो भने मुहान नर्सिङ मिसन दहालसँग हारे । यस्तै वर्तमान महिलातर्फको नेपाल च्याम्पियन डब्लुएफएम सुजना लोहनी कृतिसरा अधिकारीसँग मात खान पुगिन् । जसले गर्दा कोशीदोलखासँगै नकआउट चरण्मा प्रवेश गर्न सफल भयो ।

भक्तपुर चेस संघले नकआउट चरणमा प्रवेश गर्ने क्रममा थापाथली पार्क चेस क्लबमाथि २.५ – १.५ को कठिन जित हासिल गर्यो । जसमा युवा खेलाडी पुरुषोत्तम सिलवाल र क्षितज भण्डारीबीचको खेल बराबरीमा सकियो ।

विक्रम चोकामी सुसिल चौधरीसँग हारे भने स्वर्णिम दुवालले सेम सुब्बामाथि र अभिक शाहले अनुप जंग शाहमाथि जित दर्ता गर्दै टिमलाई नकआउट चरणमा प्रवेश गराउन महत्वपूर्ण खेल पस्किए ।

मकवानपुर चेस संघ र आयोजक ललितपुर स्पोर्ट्स क्लबबीचको खेलमा जित्ने टोली नकआउट चरणमा प्रवेश गर्ने थियो । सो खेलमा सिएम कृष्ण थापा, सिन्देश्वर दाश र अनुशा गौतमसहित तीन खेलाडीले महत्वपूर्ण जित हासिल गर्दै ३-१ को अनुपातमा टिमलाई जितको स्वाद दिलाए भने सुदेन टुईटुई रिसोन थापासँग पराजित हुँदा पनि टिमलाई कुनै असर परेन ।

तुल्सीलाल स्मृति राष्ट्रिय क्लब टिम च्याम्पियनसिप बुद्धिचाल प्रतियोगिताको मुख्य आकर्षण सातौं चरणसम्मको लिग खेल पश्चात् चार टिमले नकआउट चरणमा आफ्नो स्थान सुरक्षित गरेका छन् ।

जसमा दोलखा चेस होम, कोशी प्रदेश संघ, भक्तपुर जिल्ला संघ र मकवानपुर जिल्ला बुद्धिचाल संघ समान १०/१० अंकसहित नकआउट चरणमा पुगेका हुन् । आयोजक ललितपुर स्पोर्ट्स क्लब र पूर्व च्याम्पियन थापाथली पार्क चेस क्लब भने आशा गरे अनुरुप परिणाम निकाल्न असमर्थ रहे ।

यसअघि आज नै भएको छैटौं चारणको खेलमा दोलखाले मकवानपुरमाथि २.५-१.५ को जित हात पार्दा एफएम रुपेश जैसवाल र सुश्रुत दहाल द्वयको जित र मुहान नर्सिङले बराबरी खेली टिमलाई नकआउट चरणमा पुर्याएका थिए ।

त्यस्तै आयेजक ललितपुर स्पोर्ट्स क्लबले थापाथली चेस पार्कसँग टिमले बराबरी खेल्दा राजन सुवेदी र क्षितिज भण्डारीबीचको खेल बराबरी, सुसिल चौधरीले सुरोज महर्जनलाई पराजित गरे ।

रिसोन थापाले सेम सुब्बालाई हराएका थिए भने आयुष देमन रौरा र अनुप जंग शाहबीचको खेल बराबरीमा सकिएको थियो । कोशी र दोलखा जिल्ला चेस संघबीचको टिम खेल २-२ को बराबरीमा टुंगिएको‌ थियो । भक्तपुर जिल्ला संघले लुम्बिनी इभेन्ट म्यानेज्मेन्टमाथि ३-१ ले जित हात पारेको थियो ।

राष्ट्रिय स्तरका उत्कृट १९ क्लबको सहभागिता रहेको प्रतियोगितामा विजेता टिमले नगद पुरस्कार २ लाख, दोस्रो टोलीले १ लाख २० हजार, तेस्रो टोलीले ६० हजार र चौथोले ४० हजार रुपैयाँ प्राप्त गर्नेछ । त्यसैगरी प्रत्येक बोर्डमा प्रथम हुने ४ जना खेलाडीहरुलाई जनही १० हजार रुपैयाँ प्राप्त गर्नेछन् ।

ललितपुरस्थित तुल्सीलाल स्मृती प्रतिष्ठामा जारी प्रतियोगितामा शुक्रबार पहिलो र दिउँसो दोश्रो सेमिफाइनल खेल हुनेछ । प्रतियोगिताको कूल पुरस्कार राशी ४ लाख ७० हजार रुपैयाँ पुरस्कार रहेको छ।

March 31, 2025

एपिएफ महिन्द्रा स्पोर्टस अवार्ड यसै महिना हुने

काठमाडौं (हाम्रो खेलकुद )- एपिएफ महिन्द्रा स्पोर्टस अवार्ड २०८१ यसै महिनाको अन्त्यमा हुने भएको छ। सशस्त्र प्रहरी बल नेपालको खेलकुद तथा शारीरिक सुगठन शिक्षालयअन्तर्गत नेपाल एपिएफ क्लबको आयोजना र अग्नी ईन्कोपर्पोरेटेड प्रा.लि. महिन्द्राको सहकार्यमा पहिलो पटक अवार्ड हुने लागेको हो । चैत २९ गते हुने अवार्डमा एपिएफ वर्षका उत्कृष्ट खेलाडी महिला,पुरुष,युवा, प्रशिक्षक,टिम, चर्चित खेलाडीसहित नगदसहित […]

March 31, 2025

अस्ट्रेलियामा गल्कोट कप भलिबल हुँदै

सिड्नी (हाम्रो खेलकुद) – अस्ट्रेलियाको सिड्नीमा तेस्रो गल्कोट कप पुरुष भलिबल प्रतियोगिता नेपाली नयाँ वर्ष २०८२ को पहिलो साता आयोजना हुने भएको छ । एक दिने प्रतियोगिता वैशाख ७ गते सिड्नीको लिडकमस्थित ओवर्न बास्केटबल सेन्टरमा हुनेछ । प्रतियोगितामा अस्ट्रेलियाका रहेका नेपाली समुदायका १२ देखि १४ टोलीको सहभागिता रहने आयोजकले जनाएको छ । प्रतियोगिताको पुरस्कार राशि […]

March 24, 2025

घोडचढी संघलाई सम्झौता पालना नगरेकोमा ओसिएको पत्र

काठमाडौं (हाम्रो खेलकुद)- ओलम्पिक काउन्सिल अफ एसिया (ओसिए) ले नेपाल घोडचढी संघका अध्यक्ष रवि राजकर्णिकारले सम्झौता पालना नगरेकोमा आश्चार्य व्यक्त गरेको छ। ओसिएका महानिर्देशक हुसैन अल मुसल्लमले सोमवार राजकर्णिकारलाई नेपाल ओलम्पिक कमिटी (एनओसी) विरुद्ध दायर मुद्दा अझै फिर्ता नलिएकोमा आश्चर्य व्यक्त गरेका हुन् । फागुन २७ गते कुवेतमा ओसिएको रोहवरमा एनओसीका अध्यक्ष जीवनराम श्रेष्ठ र […]

Success

Thank you for your time.