10 months ago
December 26, 2023
काठमाडौं (हाम्रो खेलकुद) – सूर्य नेपाल गल्फ टुर २०२३–२४ अन्तर्गत सिजनको दोस्रो प्रतियोगिता सूर्य नेपाल एनपिजिए म्याच प्ले बुधवार रोयल नेपाल गल्फ क्लबमा सुरु हुँदैछ ।
सिजनको कुल ८ मध्ये यो प्रतियोगितामा गत सिजन अर्डर अफ मेरिटमा पर्न सफल उत्कृष्ट १६ खेलाडीले प्रतिस्पर्धा गर्न पाउनेछन् । तर यो पटक नेपाल नम्बर एक शुक्र बहादुर राईसहित उत्कृष्ट १६ मा पर्ने ४ खेलाडीले सहभागिता जनाउने छैनन् ।
यही कारण अर्डर अफ मेरिटको उत्कृष्ट २० सम्म पर्न सफल खेलाडीले यो प्रतियोगितामा दाबेदारी प्रस्तुत गर्नेछन् । शुक्रसँगै १४औं वरियताका टंक बहादुर राई, १५औं वरियताका बलभद्र राई र १६औं वरियताका कमल तामाङले व्यक्तिगत कारण म्याच प्ले नखेल्ने भएका हुन् ।
४ खेलाडीले नाम फिर्ता लिँदा अर्डर अफ मेरिटमा दोस्रो स्थानमा रहेका भुवन नगरकोटी यो प्रतियोगिताका टप सिडेड खेलाडीको रूपमा रहनेछन् । १७औं वरियताका दीपक मगर, १८औं वरियताका तोरण विक्रम शाही, १९औं वरियताका प्रदीप कुमार लामा र २०औं वरियताका रामकृष्ण श्रेष्ठले म्याच प्लेमा स्थान बनाएका छन् ।
म्याच प्लेको ड्र अनुसार भुवन नगरकोटीले पहिलो चरणमा २०औं वरियताका रामकृष्ण श्रेष्ठसँग खेल्नेछन् । तेस्रो वरियताका निरज तामाङको सामना १९औं वरियताका प्रदीप कुमार लामाले गर्नेछन् । फेन्डिङ च्याम्पियन तथा चौथो वरियताका दिनेश प्रजापतिले १८औं वरियताका तोरण विक्रम शाहीसँग खेल्नेछन् । यस्तै १७औं वरियताका दीपक मगरले पाँचौ वरियताका जयराम श्रेष्ठलाई प्रतिद्वन्द्वीको रूपमा पाएका छन् ।
यसैगरी पहिलो चरणकै अर्को खेलमा छैटौं वरियताका सञ्जय लामा र १३औं वरियताका शिवराम पौडेलबीच प्रतिस्पर्धा हुनेछ । सातौं वरियताका रवि खड्काको सामना १३औं वरियताका रमेश अधिकारीले गर्नेछन् । अर्को खेलमा आठौं वरियताका रामे मगर र ११औं वरियताका सूर्य प्रसाद शर्माबीच क्वाटर फाइनल प्रवेशका लागि प्रतिस्पर्धा हुनेछ ।
यस्तै नवौं वरियताका धन बहादुर थापा र १०औं वरियताका भुवन कुमार रोक्काले पहिलो चरणको खेलमा एक अर्काको सामना गर्नेछन् । पहिलो चरणका विजेता आठ खेलाडी क्वाटरफाइनलमा प्रवेश गर्नेछन् । क्वाटरफाइनल खेलहरू बिहीबार हुनेछन् । सेमिफाइनल शुक्रबार हुनेछ । पहिलो चरण, क्वाटरफाइनल, सेमिफाइनल र तेस्रो स्थानको खेल १८ होलको हुनेछ । शनिबार हुने फाइनल खेल भने ३६ होलको हुनेछ ।
खेलाडीहरूले कुल २ लाख ५० हजार नगद पुरस्कारको लागि प्रतिस्पर्धा गर्नेछन् । पहिलो चरणमा पराजित हुने ८ खेलाडीहरूले जनही ६ हजार तथा क्वाटरफाइनलमा पराजित ४ खेलाडीले जनही ११ हजार प्राप्त गर्नेछन । विजेताले ६० हजार प्राप्त गर्दा दोस्रो हुने खेलाडीले ४२ हजार , तेस्रोले ३२ र चौथो हुने खेलाडी २४ हजार रुपैयाँ प्राप्त गर्नेछन् ।
नेपाल एनपिजिएका अध्यक्ष रविन्द्रमान श्रेष्ठले व्यावसायिक गल्फमा निरन्तर सहयोग गरेकोमा प्रमुख प्रायोजक सूर्य नेपाल प्रालिलाई धन्यवाद दिएका छन् । उनले भने, ‘सूर्य नेपाल प्रालिको सहयोग विना यो टुर यहाँसम्म आउन सक्ने थिएन । नेपालमा गल्फ क्रमशः बिकास भईरहेकोछ र भोली देखि सुरु हुने सूर्य नेपाल म्याच प्ले प्रतिस्पर्धात्मक हुनेछ भन्ने विश्वास लिएको छु।’
October 29, 2024
हिमाल खरेल, बिर्तामोड कोशी प्रदेश खेलकुद विकास बोर्डका सदस्य सचिव कृष्ण बस्नेतले सरकारी तलब भत्ता खाएर काम नगर्ने प्रशिक्षक र कर्मचारीलाई राजीनामा दिन आग्रह गरेका छन् । झापा जिल्ला खेलकुद विकास समितिले भद्रपुरमा संयोजन गरेको बस्नेतको निरीक्षण कार्यक्रममा सोमवार उनले भने, ‘काममा मन नलागे राजीनामा दिए हुन्छ, नयाँ तालिमप्राप्त प्रशिक्षक आउँछन् ।’ जिल्लाका अधिकांश प्रशिक्षकहरु […]
October 26, 2024
नेपालगन्ज (हाम्रो खेलकुद)- दशौं धारा नेपालगन्ज म्याराथनको प्रबद्र्धन गर्ने उद्देश्यले शनिवार आयोजना गरिएको राप्तीसोनारी ५ किमी रनको उपाधि अनिषा थारु आयुष केसीले जितेका छन् । निर्धारित दूरी छात्रातर्फ अनिषाले २५ मिनेट २१.०५ सेकेन्ड र छात्रातर्फ आयुषले १९ मिनेट २३ सेकेन्डमा पूरा गरे । नेपालगन्ज म्याराथनको एक दशक यात्रा पूरा गरेको अवसरमा राप्तीसोनारी गाउँपालिका वडा नं […]
October 24, 2024
काठमाडौं (हाम्रो खेलकुद) – कमल थापाले चौथो वीर गणेशमान सिंह राष्ट्रिय टेनिस प्रतियोगितामा बिहीवार दुई उपाधि जितेका छन् । सातदोबाटोस्थित नेपाल टेनिस संघको कोर्टमा भएको प्रतियोगिता कमलले पुरुष ५५ वर्षमाथि र ६५ वर्षमाथि उमेरसमूहको सिंगल्समा गरी दुई उपाधि जितेका हुन् । कमलले ५५ वर्षमाथि उमेरसमूहको फाइनलमा मनोजविक्रम शाहलाई समान ७–६, ७–६ ले हराए । उनले […]