default_image

1 year ago

December 12, 2023

हकी संघको वार्षिक कार्यक्रम सार्वजनिक

263 views

0 Bookmark

काठमाडौं (हाम्रो खेलकुद)– नेपाल हकी संघले मंगलबार वार्षिक कार्यक्रम सार्वजनिक गरेको छ । सातदोबाटोस्थित नेपाल ओलम्पिक कमिटी (एनओसी) मा भएको कार्यक्रममा हकी संघले कार्यक्रम सार्वजनिक गरेको हो ।

संघले पुसमा हेटौडामा अन्तरनगरपालिका हकी प्रतियोगिता आयोजना गर्ने बताएको छ । जनकपुरमा माघको अन्तिम साता मदन भण्डारी कप महिला राष्ट्रिय हकी प्रतियोगिता, धुलिखेलमा फागुनको अन्तिम साता सहाना प्रधान राष्ट्रिय महिला हक्की प्रतियोगिता हुनेछ ।

त्यस्तै विराटनगरमा चैतको अन्तिम साता गिरिजाप्रसाद कोइराला राष्ट्रिय पुरुष हकी प्रतियोगिता हुने जनाइएको छ । मदन भण्डारी कप पहिलोपटक हुन लागेको हो भने सहाना प्रधान र गिरिजा कोइरालाको स्मृतिमा हुन लागेको प्रतियोगिता विगतकै निरन्तरता हो ।

त्यस्तै बैशाख अन्तिम साता प्रदेशस्तरीय पुरुष तथा महिला हक्की प्रतियोगिता गर्ने हकी संघकी महासचिव सुवर्ण श्रेष्ठले जानकारी गराइन् । उक्त प्रतियोगिता हेटौडा वा चितवनमा गर्ने संघको योजना छ । जेठको अन्तिम साता पोखरामा पुरुष तथा महिला इन्डोर हकी प्रतियोगिता गर्ने संघको तयारी छ । काठमाडौं वा ललितपुरमा भेट्रान कप गर्ने र त्यसको मिति पछि तय गरिने छ ।

संघको पहिलो वार्षिक कार्यक्रमका रुपमा रहेको डिएनएसएस लेभल– २ प्रशिक्षक तालिम मंगलबार सम्पन्न भएको छ । एनओसीको सहयोगमा भएको तालिमको समापनका अवसरमा संघले वार्षिक कार्यक्रम घोषणा गरिएको हो । साताव्यापी तालिममा १९ प्रशिक्षक सहभागी थिए ।

सहभागीलाई एनओसी अध्यक्ष जीवनराम श्रेष्ठले प्रमाण पत्र वितरण गरे । सोही अवसरमा नेपालका पहिलो हकी प्रशिक्षक अशोकराज पाण्डेलाई सम्मान गरिएको थियो । एनओसी अध्यक्ष श्रेष्ठ र हकी संघका अध्यक्ष अनिलप्रसाद शर्माले पाण्डेलाई दोसल्ला र प्रशंसा पत्र प्रदान गरि सम्मान गरे ।

December 26, 2024

एनओसीको निर्वाचन रोक्न सर्वोच्चको आदेश

काठमाडौं (हाम्रो खेलकुद)- सर्वोच्च अदालतले नेपाल ओलम्पिक कमिटी (एनओसी)को शनिवारको लागि भएको निर्वाचन गर्न रोक लगाएको छ । एनओसीका अध्यक्ष जीवनराम श्रेष्ठले एकलौटी रुपमा निर्वाचन गर्न लागेको भन्दै कमल चित्रकारले रिट दायर गरेका थिए ।चित्रकारले दायर गरेको रिटउपर न्यायाधीश सारंगा सुवेदीको एकल इजलासले कारण देखाऊ आदेश जारी गरेको हो । एनओसीको निर्वाचन पुस १३ गते […]

December 26, 2024

निरजले बनाए ७ स्ट्रोकको अग्रता

काठमाडौं (हाम्रो खेलकुद)- धरानका प्रो निरज तामाङले सूर्य नेपाल इस्टर्न ओपनको दोस्रो दिन बिहीवार ७ स्ट्रोकको अग्रता बनाएका छन्। समग्रमा १२-अन्डर १२८ को प्रभावशाली स्कोरमा विष्णु प्रसाद शर्मालाई ७ स्ट्रोकले पछि पार्दै निरजले उपाधि जित्ने संभावनालाई मजबुत बनाए। पहिलो दिन ८-अन्डर ६२ को कोर्स रेकर्ड बनाएका निरजले दोस्रो दिन पनि उत्कृष्ट स्कोर कार्ड निकाले। उनले […]

December 25, 2024

सूर्य नेपाल इस्टर्न ओपन – निरजको सानदार प्रदर्शन

काठमाडौं (हाम्रो खेलकुद)- सूर्य नेपाल इस्टर्न ओपनको पहिलो दिन बुधवार ८-अन्डर ६२ को प्रभावशाली बोगी रहित स्कोरमा निरज तामाङ शीर्षस्थानमा रहेका छन्। घरेलु प्रो निरजले धन बहादुर थापालाई ४ स्ट्रोकले पछि पार्दै शीर्षस्थानमा रहे। धरान स्थित धरान गल्फ क्लबमा आज निरजले ८-अन्डर ६२ को उत्कृष्ट स्कोरकार्ड दर्ज गर्ने क्रममा तेस्रो, पाँचौं, छैटौं र नवौं होलमा […]

Success

Thank you for your time.