11 months ago
December 12, 2023
काठमाडौं (हाम्रो खेलकुद)- ओलम्पिक सोलिडारिटीको डेभलपमेन्ट अफ नेसनल स्पोर्ट्स सिस्टम (डिएनएसएस लेभल टु कोर्स) प्रशिक्षक प्रशिक्षण मंगलबार सम्पन्न भएको छ ।
नेपाल हकी सङ्घले नेपाल ओलम्पिक कमिटी (एनओसी)को सिफारिसमा अन्तर्राष्ट्रिय ओलम्पिक कमिटीअन्तर्गतको ओलम्पिक सोलिडारिटीअन्तर्गत हकीका तीन प्रशिक्षण कार्यक्रमको आयोजना भएका थिए । पाकिस्तानका जाहिद अलीले एक साताको प्रशिक्षण दिएका थिए।
यसअघि, असारमा ओलम्पिक सोलिडारिटीको सहयोग र अन्तर्राष्ट्रिय हकी महासंघको प्राविधिक सहयोगमा नेपाल हकी संघले ३३ जना प्रशिक्षक सहभागी डिएनएसएस लेभल वन कोर्स आयोजना गरेको थियो । संघले गत कात्तिकमा ३८ जनालाई एफआइएजए–एएचएफ नेपाल अम्पायरिङ कोर्सको आयोजना पनि गरिएको थियो ।
एनओसीका अध्यक्ष जीवनराम श्रेष्ठले समापन कार्यक्रममा ७० वर्ष पुरानो नेपाल हकी संघ विगतमा खासै सक्रिय नभएपनि हाल हकीको विकास र प्रवद्र्धनमा संघले राम्रो कार्य गरिरहेको मध्यनजर गरी एनओसीले हकी संघलाई यो ओलम्पिक सोलिडारिडी कार्यक्रम सिफारिस गरेको बताए ।
हकी संघका अध्यक्ष अनिल शर्माले ओलम्पिक सोलिडारिटीअन्तर्गतका तीनै कार्यक्रम प्रभावकारी भएको र यस कार्यक्रमबाट उत्पादन भएका दक्ष जनशक्तिसँग मिलेर हकीको विकास र प्रवद्र्धनमा काम गर्ने बताए।
हकी संघले घरेलु हकीको विकासमा महत्वपूर्ण योगदान पुर्याएको भन्दै पूर्व प्रमुख प्रशिक्षक अशोक पाण्डेलाई सम्मान पनि गरेको छ ।
हकी संघले मंगलबार वार्षिक क्यालेन्डर पनि सार्वजनिक गरेको छ । जसअनुरुप डिएनएसएस लेभल टु प्रशिक्षक प्रशिक्षणबाहेक अन्य सात हकी प्रतियोगिता पनि सामेल छन् ।
October 29, 2024
हिमाल खरेल, बिर्तामोड कोशी प्रदेश खेलकुद विकास बोर्डका सदस्य सचिव कृष्ण बस्नेतले सरकारी तलब भत्ता खाएर काम नगर्ने प्रशिक्षक र कर्मचारीलाई राजीनामा दिन आग्रह गरेका छन् । झापा जिल्ला खेलकुद विकास समितिले भद्रपुरमा संयोजन गरेको बस्नेतको निरीक्षण कार्यक्रममा सोमवार उनले भने, ‘काममा मन नलागे राजीनामा दिए हुन्छ, नयाँ तालिमप्राप्त प्रशिक्षक आउँछन् ।’ जिल्लाका अधिकांश प्रशिक्षकहरु […]
October 26, 2024
नेपालगन्ज (हाम्रो खेलकुद)- दशौं धारा नेपालगन्ज म्याराथनको प्रबद्र्धन गर्ने उद्देश्यले शनिवार आयोजना गरिएको राप्तीसोनारी ५ किमी रनको उपाधि अनिषा थारु आयुष केसीले जितेका छन् । निर्धारित दूरी छात्रातर्फ अनिषाले २५ मिनेट २१.०५ सेकेन्ड र छात्रातर्फ आयुषले १९ मिनेट २३ सेकेन्डमा पूरा गरे । नेपालगन्ज म्याराथनको एक दशक यात्रा पूरा गरेको अवसरमा राप्तीसोनारी गाउँपालिका वडा नं […]
October 24, 2024
काठमाडौं (हाम्रो खेलकुद) – कमल थापाले चौथो वीर गणेशमान सिंह राष्ट्रिय टेनिस प्रतियोगितामा बिहीवार दुई उपाधि जितेका छन् । सातदोबाटोस्थित नेपाल टेनिस संघको कोर्टमा भएको प्रतियोगिता कमलले पुरुष ५५ वर्षमाथि र ६५ वर्षमाथि उमेरसमूहको सिंगल्समा गरी दुई उपाधि जितेका हुन् । कमलले ५५ वर्षमाथि उमेरसमूहको फाइनलमा मनोजविक्रम शाहलाई समान ७–६, ७–६ ले हराए । उनले […]