स्क्वासलाई एक्स स्टेपको साथ

काठमाडौं(हाम्रो खेलकुद)- नेपाल स्क्वास र्याकेट संघको आयोजनामा हुने एनएसआरए एनिभरसरी कप स्क्वास प्रतियोगिताका लागि एक्स स्टेपले प्रायोजन गरेको छ ।

सातदोबाटोस्थित संघको भवनमा एक कार्यक्रमबीच एक्स स्टेपका प्रबन्ध निर्देशक गणेश श्रेष्ठले बिहिबार संघका महासचिव लोकेन्द्रसिंह भण्डारी तथा प्रतियोगिता निर्देशक दिलिप नरसिंह अधिकारीलाई खेल सामाग्री हस्तान्तरण गरे ।

यस प्रतियोगितामा रहेका छ विधाका विजेता
खेलाडीहरुलाई पुरस्कारस्वरुप एक्सस्टेपको खेल पोशाक प्रदान गरिनेछ । संघ स्थापना ३५ वर्ष पुगेको अवसरमा एनएसआरए एनिभरसरी कप स्क्वास हुन लागेको हो । प्रतियोगिता मंसिर २४ देखि २९ गतेसम्म चल्नेछ ।

प्रतियोगितामा नेपालका राष्ट्रिय खेलाडीहरुको पनि सहभागिता रहनेछ । प्रतियोगितामा पुरुष ओपन, महिला ओपन, ब्वाइज यु१९, गल्र्स यु१९, मास्टर्स ५० वर्ष माथि र प्लेट विधा खेलाइनेछ ।