हेटौंडा (हाम्रो खेलकुद)- हेटौंडा कप एसियाली खुल्ला बुद्धिचाल प्रतियोगिता-२०८० मा शुक्रबार पाँचौं सकिँदा २३९३ रेटेड भारतीय सुभयान कुण्डुले अपराजित यात्रा जारी राखेका छन्।

सुभयानले चौथो राउन्डमा सौरभ चौबे माथि सहज जित हात पारे भने पाँचौं राउन्डमा दोस्रो वरियताका बंगलादेशी अन्तराष्ट्रिय मास्टर मोहमद मिनहाज उद्दिन संग खेले ।

हेटौंडा चेस क्लबको ब्यवस्थापन होटल सामनामा प्रतियोगितामा भारतीय खेलाडी राहुल गुरुङले देवराज र श्रायण माजुम्दारलाई पराजित गरे । बंगलादेशी एफएम नयेन हकले श्रयणसंग बराबरी गरि पाँचौ चरणमा  अमरदीप बर्तकेलाई पराजित गरे।

नेपाल बुद्धिचाल महासंघको सहयोगमा मकवानपुर बुद्धिचाल संघको सह आयोजनमा भएको खेलमा  नेपाल च्याम्पियन एफएम रुपेश जैसवालले भारतीय खेलाडी आशुतोष कुमार र पूर्व नेपाल च्याम्पियन सिएम पुरुषोत्तम चौलागाईले अभिनव कुमारलाई पराजित गर्दै ४ अंक जोडेका छन्।

त्यसै गरी ४ अंकका साथ बंगलादेशी आईएम अबु सुफियान सकिल र भारतीय खेलाडीहरु एफएम अरविन्द प्रित सिंह, एरिना एफएम सौरभ चौवे, अक्षत नेगी, देबौषणीक डे र अमरदीप बर्कते पछ्याउँदै छन्।
पाँचौं राउन्डमा नेपाली युवा खेलाडी एरिना आईएम सुश्रुत दाहालले बंगलादेशी एफएम मोहमद शरीफ हुसैन संग बराबरी खेल्दै ३.५ अंक जोडेका छन् ।

त्यसै गरी बंगलादेशी एफएम महमद शरीफ, एफएम शेख नासिर अहमद, आशिष राज र शिवम् चौधरी पनि ३.५ अंक बटुल्न सफल भएका छन्। कुल ५ लाख ८७ हजार ५ सय रुपैयाँ पुरस्कार राशी भएको  प्रतियोगिता आइतबार सकिनेछ।