11 months ago
November 28, 2023
काठमाडौं (हाम्रो खेलकुद) – ढोरपाटन महिला डबल लिग भलिबल प्रतियोगिताको १६औं संस्करणको ट्रफी हस्तान्तरण गरिएको छ । प्रतियोगिताका बारेमा मंगलबार आयोजित पत्रकार सम्मेलनमा ट्रफी हस्तान्तरण गरिएको हो ।
नेपाल भलिबल संघकी सल्लाहकार ज्योती केसीले प्रायोजन गरेको ट्रफी सोही कार्यक्रममा ढोरपाटन क्लबका अध्यक्ष मनवीर छन्त्याललाई हस्तान्तरण गरिन् । ढोरपाटन क्लबले यसपटक माघ १२ देखि २२ गते सम्म नयाँ बसपार्कस्थित मैदानमा लिग आयोजना गर्दैछ ।
ढोरपाटन महिला लिग २०७६ पछि आयोजना हुन लागेको हो । कोरोना भाइरस (कोभिड–१९) पछि प्रतियोगिता रोकिएको थियो । ११ दिनसम्म चल्ने प्रतियोगितामा बढीमा ९ टोलीको सहभागिता रहने अध्यक्ष छन्त्यालले जानकारी दिए ।
प्रतियोगिताको विजेता ५ लाख १ हजार र दोस्रो हुने टोलीले २ लाख ५० हजार रुपैयाँ प्राप्त गर्नेछन् । अघिल्लो संस्करणको विजेताले ४ लाख ५ हजार रुपैयाँ प्राप्त गेर्नछ ।
यसपटक तेस्रोले १ लाख २५ हजार, चौथोले ७५ हजार, पाँचौले ५० हजार, छैटौले टोलीले २५ हजार रुपैयाँ प्राप्त गर्नेछ । तियोगिताको सर्वाेत्कृष्ट खेलाडीले स्कुटर प्राप्त गर्नेछिन् भने विधागतका उत्कृष्टलाई समान ५ हजार पाउनेछन् । प्लेयर अफ दि म्याच र भाग्यशाली दर्शकको लागि पनि आकर्षक पुरस्कार राखिएको क्लबका अध्यक्ष छन्त्यालले जानकारी दिए ।
नेपाल भलिबल संघका अध्यक्ष जीतेन्द्रबहादुर चन्दले भलिबल विकासमा ढोरपाटन महिला लिगको भूमिका रहँदै आएको बताए । १५औं संस्करणसम्म आइपुग्दा एपिएफले सर्वाधिक ८ पटक उपाधि जितेको छ । ५ पटक पोखराको ज्ञानुबाबाले जितेको थियो ।
नेपाल पुलिस क्लब र रिड मोडल समान १ पटक जितेका थिए । ढोरपाटनले गत वर्ष आयोजना गरेको पुरुष प्रतियागिताको आर्मी च्याम्पियन बनेको थियो । १६औं संस्करणको ढोरपाटन महिला डबल लिग भलिबल प्रतियोगिताको झण्डै ५१ लाख रुपैयाँ खर्च हुने क्लबको अनुमान छ ।
October 17, 2024
काठमाडौं(हाम्रो खेलकुद) – नेपाली राष्ट्रिय फुटसल टोलीको मुख्य प्रशिक्षकमा विक्रम महर्जन नियुक्त भएका छन् । एन्फा कम्प्लेक्स सातदोबाटोमा बिहीवार एन्फा महासचिव किरण राईले महर्जनलाई नियुक्तिपत्र हस्तान्तरण गरेका थिए । त्यस्तै टोलीको सहायक प्रशिक्षकमा सुमितकुमार आले र टोली व्यस्थापकमा राज महर्जन नियुक्त भएका छन् । सहायक प्रशिक्षक आले र टिम म्यानेजर महर्जनलाई पनि महासचिव राईले नियुक्तिपत्र […]
October 13, 2024
काठमाडौं(हाम्रो खेलकुद) – श्रीलंकामा भएको काभा यु २० भलिबल च्याम्पियनसिपमा दोस्रो भएको नेपाली युवा टोली आइतवार स्वदेश फर्केको छ। नेपाल भलिबल संघका अध्यक्ष जीतेन्द्रबहादुर चन्द, महासचिव रोशन श्रेष्ठलगायतले त्रिभुवन अन्तर्राष्ट्रिय विमानस्थलमा टोलीको स्वागत गरेका थिए। कोलम्बोमा शनिवार भएको च्याम्पियनसिप फाइनलमा उज्वेकिस्तानसँग पराजित हुँदै नेपाल दोस्रो भएको हो ।पहिलो सेट जितेको नेपाली टोलीले त्यसपछिका सेटमा कमजोर […]
October 12, 2024
काठमाडौं(हाम्रो खेलकुद) –नेपाली युवा टोली काभा यु २० भलिबल च्याम्पियनसिपमा दोस्रो भएको छ। श्रीलंकाको कोलम्बोमा शनिवार भएको फाइनलमा उज्वेकिस्तानसँग ३-१ ले पराजित हुँदै नेपाल दोस्रो भएको हो । पहिलो सेट जितेको नेपाली टोलीले त्यसपछिका सेटमा कमजोर प्रदर्शन गरेको थियो। उज्वेकिस्तानले नेपाललाई २५-२७,२५-१०,२५-२५-२० ले हराउँदै च्याम्पियन बनेको हो। नेपालले लिग चरणमा उज्वेकिस्तान र किर्गिजस्तानसँग पराजित भएको […]