11 months ago
November 27, 2023
दिपक न्यौपाने, बुटवल
रुपन्देहीको सैनामैनामा अन्तरजिल्ला भलिबल प्रतियोगिता मंगलबार सुरु हुँदैछ। दुधराक्ष युवा क्लबको आयोजनामा मंसिर १२ देखि १६ गतेसम्म हुने प्रतियोगिताको तयारी पूरा भएको सोमबार पत्रकार सम्मेलन गरी जानाकारी दिएको छ ।
स्वर्गीय ढुण्डी थरुनीको स्मृतिमा सैनामैना–६ कलौनीमा हुने ढुण्डी थरुनी स्मृति कप अन्तर जिल्ला स्तरिय भलिबल प्रतियोगिताका लागि सैनामैना नगरपालिका, प्रदेश खेलकुद परिषद लुम्बिनी, रुपन्देही भलिबल संघ , सैनामैना नगर खेलकुद समितिको सहयोग रहेको छ ।
प्रतियोगिताको विजेताले ट्रफीसहित १ लाख ११ हजार १ सय ११, दोस्रो टोलीले ७७ हजार ७ सय ७७ र तेस्रो हुने टोलीले ४४ हजार ४ सय ४४ रुपैयाँ प्राप्त गर्ने प्रतियोगिता संयोजक विष्णु प्रसाद पाण्डेले बताए ।
त्यस्तै चौथो टोलीले २२ हजार २ सय २२ रुपैयाँ पाउनेछ। विधागत उत्कृष्ट खेलाडीले ७ हजार ७ सय ७७ तथा सर्वाेत्कृष्ट खेलाडीले १५ हजार ५ सय ५५ रुपैयाँ प्राप्त गर्नेछन्।
क्लबका अध्यक्ष किरण पोखरेलले नेपालको राष्ट्रिय खेल भलिबलको प्रचार र खेलाडीलाई प्रोत्साहन गर्न प्रतियोगिताको आयोजना गरिएको बताए ।
प्रदेश खेलकुद विकास परिषद्का सदस्य सचिव जयप्रकाश भट्टराईले खेलकुद र खेलाडीको प्रोत्साहनका लागि प्रतियोगितामा प्रदेश खेलकुदको सहयोग रहने बताए।
सैनामैना नगरपालिका वडा नं ७ का वडाअध्यक्ष राजकुमार चौधरीले आफनी हजुरआमा ढुण्डी थरुनीको स्मृतिमा आयोजना गर्न लागेको प्रतियोगितालाई २ लाख रुपैयाँ सहयोग गरेका छन । प्रतियोगितामा लुम्बिनी प्रदेश र अन्य गरि १२ टोलीको सहभागिता रहनेछ ।
October 17, 2024
काठमाडौं(हाम्रो खेलकुद) – नेपाली राष्ट्रिय फुटसल टोलीको मुख्य प्रशिक्षकमा विक्रम महर्जन नियुक्त भएका छन् । एन्फा कम्प्लेक्स सातदोबाटोमा बिहीवार एन्फा महासचिव किरण राईले महर्जनलाई नियुक्तिपत्र हस्तान्तरण गरेका थिए । त्यस्तै टोलीको सहायक प्रशिक्षकमा सुमितकुमार आले र टोली व्यस्थापकमा राज महर्जन नियुक्त भएका छन् । सहायक प्रशिक्षक आले र टिम म्यानेजर महर्जनलाई पनि महासचिव राईले नियुक्तिपत्र […]
October 13, 2024
काठमाडौं(हाम्रो खेलकुद) – श्रीलंकामा भएको काभा यु २० भलिबल च्याम्पियनसिपमा दोस्रो भएको नेपाली युवा टोली आइतवार स्वदेश फर्केको छ। नेपाल भलिबल संघका अध्यक्ष जीतेन्द्रबहादुर चन्द, महासचिव रोशन श्रेष्ठलगायतले त्रिभुवन अन्तर्राष्ट्रिय विमानस्थलमा टोलीको स्वागत गरेका थिए। कोलम्बोमा शनिवार भएको च्याम्पियनसिप फाइनलमा उज्वेकिस्तानसँग पराजित हुँदै नेपाल दोस्रो भएको हो ।पहिलो सेट जितेको नेपाली टोलीले त्यसपछिका सेटमा कमजोर […]
October 12, 2024
काठमाडौं(हाम्रो खेलकुद) –नेपाली युवा टोली काभा यु २० भलिबल च्याम्पियनसिपमा दोस्रो भएको छ। श्रीलंकाको कोलम्बोमा शनिवार भएको फाइनलमा उज्वेकिस्तानसँग ३-१ ले पराजित हुँदै नेपाल दोस्रो भएको हो । पहिलो सेट जितेको नेपाली टोलीले त्यसपछिका सेटमा कमजोर प्रदर्शन गरेको थियो। उज्वेकिस्तानले नेपाललाई २५-२७,२५-१०,२५-२५-२० ले हराउँदै च्याम्पियन बनेको हो। नेपालले लिग चरणमा उज्वेकिस्तान र किर्गिजस्तानसँग पराजित भएको […]