काठमाडौं (हाम्रो खेलकुद) – नेपाल भलिबल संघले ११ जनाको सल्लाहकार समिति गठन गरेको छ । संघको कार्यसम्पादनको शुक्रबार बसेको बैठकले सल्लाहकार समितिसँगै ५ सदस्यीय रेफ्री कमिसन तदर्थ समिति गठन गरेको छ ।

संघका उपाध्यक्ष हरकसिंह धामीको संयोजकत्वमा रहेको रेफ्री कमिसन तदर्थ समितिलाई बढीमा छ महिना भित्र रेफ्रीहरुको राष्ट्रिय भेला गरि निर्वाचन गराउने जिम्मेवारी दिइएको संघका महासचिव तथा प्रवक्ता रोशन श्रेष्ठले जानकारी दिए ।

रेफी कमिसनको तदर्थ समितिको संह संयोजकमा संघका अर्का उपाध्यक्ष यामबहादुर गुरुङ तथा सदस्यहरुका राष्ट्रिय भलिबल टोलीका पूर्व कप्तान भरतबहादुर शाह, जीतेन्द्र श्रेष्ठ र श्रीराम बोगटी रहेका छन् । राष्ट्रिय भेलाले चार महिलासहित १३ सदस्यीय रेफ्री कमिसन निर्वाचित गर्ने बताएको छ ।

११ सदस्यीय संघको सल्लाहकार समितिको सदस्यमा शंकरप्रसाद कोईराला, दुर्जकुमार राई, रमेशप्रसाद खरेल, दीलवहादुर कार्की,रामचन्द्र भण्डारी,मिनध्वज खड्का,ज्योती के.सी, इन्दिरा निरौला,सावित्री अधिकारी, नारायण शर्मा पौडेल र हरि पराजुली रहेका छन् ।

संघले भदौ २३ गते संखुवासभाको खाँदबारीमा हुने १० औं बार्षिक साधारण सभाको तयारी सुरु गरेको जनाएको छ । साधारण सभामा ७७ जिल्ला संघका अध्यक्ष, ७ प्रदेशका अध्यक्ष, महासचिव तथा भलिबल प्रबर्धनमा सहयोग गर्ने प्रायोजकलगायतका अन्य व्यक्तितको सहभागिता रहने महासचिव श्रेष्ठले बताए ।